குறுந்தொகை - 375. குறிஞ்சி - தோழி கூற்று
(தலைவன் சிறைப்புறத்தே நிற்ப, “காவலருடைய காவல் மிக்கது”என்று தலைவிக்குக் கூறும் வாயிலாகத் தோழி, வரைதல்வேண்டுமென்பதை அவனுக்கு உணர்த்தியது).
| அம்ம வாழி தோழி இன்றவர் வாரா ராயினோ நன்றே சாரற் சிறுதினை விளைந்த வியன்கண் இரும்புனத் திரவரி வாரின் தொண்டகச் சிறுபறை பானாள் யாமத்துங் கறங்கும் |
5 |
| யாமங் காவலர் அவியா மாறே. | |
| - ....... |
தோழி! ஒன்று கூறுவன் கேட்பாயாக மலைப்பக்கத்தில் சிறிய தினை விளைந்த அகன்ற இடத்தையுடைய பெரிய கொல்லையில் இராக்காலத்தே தினைக்கதிரை அரிபவர்களைப்போல தொண்டகமாகிய சிறிய பறை பாதியிரவிலும் இராக் காவலாளிகள் தூங்காமையினால் ஒலிக்கும் இன்று! அத்தலைவர் வாராராயின்! நலமாகும்.
முடிபு: காவலர் அவியாமாறு கறங்கும்; இன்று அவர் வாராராயின் நன்று.
கருத்து: தலைவர் இரவில் வருதல் நன்றன்று.
தேடல் தொடர்பான தகவல்கள்:
குறுந்தொகை - 375. குறிஞ்சி - தோழி கூற்று, தோழி, இலக்கியங்கள், கூற்று, குறுந்தொகை, குறிஞ்சி, சிறிய, இன்று, வாராராயின், காவலர், விளைந்த, எட்டுத்தொகை, சங்க, கறங்கும்