குறுந்தொகை - 34. மருதம் - தோழி கூற்று
(தலைவியை வரைந்து கொள்ள வந்துள்ளவனே அவளால் விரும்பப்பட்டவனாதலின், இனி அவன் வரைவானென்னும் செய்தியைக் கேட்டு இதுகாறும் உண்டான பலவகைத் துன்பங்களும் இன்றி இவ்வூரினர் மகிழ்வாராக என்று தோழி தலைவன் வரைவொடு வந்தமையைத் தலைவிக்கு உணர்த்தியது.)
| ஒறுப்ப வோவலர் மறுப்பத் தேறலர் தமியர் உறங்கும் கௌவை யின்றாய் இனியது கேட்டின் புறுகவிவ் வூரே முனாஅ தியானையங் குருகின் கானலம் பெருந்தோடு அட்ட மள்ளர் ஆர்ப்பிசை வெரூஉம் |
5 |
| குட்டுவன் மாந்தை யன்னவெம் குழைவிளங் காய்நுதற் கிழவனு மவனே. |
|
| - கொல்லிக் கண்ணனார். |
முன்னிடத்தில் உள்ளதாகிய கடற்கரையில் உள்ள வண்டாழ்ங் குருகின் பெரிய தொகுதியானது பகைவரைக் கொன்ற வீரரது வென்று முழங்கும் முழக்கத்தினை அஞ்சுதற்கு இடமாகிய குட்டுவனுக்குரிய மரந்தை என்னும் நகரைப் போன்ற எமது பனிச்சை விளங்குகின்ற அழகிய நெற்றிக்கு உரிமை உடையோனும் வரைவொடு வரும் அத்தலைவனே யாவான்; ஆதலின் தமர் ஒறுக்கவும் வருத்தத்தினின்றும் நீங்காராகி தோழியர் பல காரணங்கள் கூறி இங்ஙனம் வருந்துதல் தகாதென்று மறுத்துக் கூறவும் தெளியாராகி தலைவரைப் பிரிந்து தனியராய் உறங்குகின்ற வருத்தம் இல்லாதவராகி இவ்வூரில் உள்ளார் அவன் வரைந்து கொள்வான் என்ற இனிய செய்தியைக் கேட்டு மகிழ்ச்சி அடைக.
முடிபு: நுதற்கிழவனும் அவனே; கௌவை இன்றாய் இவ்வூர் இனியது கேட்டு இன்புறுக.
கருத்து: தலைவன் இனி விரைவில் மணந்து கொள்வான்.
தேடல் தொடர்பான தகவல்கள்:
குறுந்தொகை - 34. மருதம் - தோழி கூற்று, இலக்கியங்கள், தோழி, கேட்டு, குறுந்தொகை, மருதம், கூற்று, கௌவை, குருகின், கொள்வான், வரைவொடு, இனியது, அவன், எட்டுத்தொகை, சங்க, வரைந்து, செய்தியைக், தலைவன்