குறுந்தொகை - 315. குறிஞ்சி - தலைவி கூற்று
("தலைவன் வரைவிடை வைத்துப் பிரியுங்காலத்தில் ஆற்றும்ஆற்றல் உடையையோ?" என்று வினவிய தோழிக்கு, "அவனதுவிருப்பப்படியே ஒழுகும் தன்மையினேனாதலின் ஆற்றுவேன்" என்றுதலைவி கூறியது.)
| எழுதரு மதியங் கடற்கண் டாஅங் கொழுகுவெள் ளருவி யோங்குமலை நாடன் ஞாயி றனையன் தோழி நெருஞ்சி யனையவென் பெரும்பணைத் தோளே. |
|
| - மதுரை வேள்ஆதத்தனார். |
தோழி! உதயமாகின்ற சந்திரன் கடலினிடத்தே காணப்பட்டாற் போல ஓடிவருகின்ற வெள்ளிய அருவியையுடைய உயர்ந்தமலைநாட்டையுடைய தலைவன் சூரியனைப் போன்றவன்; என் பெரிய மூங்கிலைப் போன்ற தோள்கள் நெருஞ்சி மலர்களைப் போன்றன.
முடிபு: தோழி, மலைநாடன் ஞாயிறனையன்; என் தோள் நெருஞ்சியனைய.
கருத்து: தலைவன் கருதுவதையே யானும் கருதி ஆற்றியிருப்பேன்.
தேடல் தொடர்பான தகவல்கள்:
குறுந்தொகை - 315. குறிஞ்சி - தலைவி கூற்று, இலக்கியங்கள், தலைவன், குறிஞ்சி, குறுந்தொகை, கூற்று, தோழி, தலைவி, நெருஞ்சி, எட்டுத்தொகை, சங்க