குறுந்தொகை - 30. பாலை - தலைவி கூற்று
(தலைவன் வரைபொருளின் பொருட்டுப் பிரிந்த காலத்தில் தலைவியது ஆற்றாமைக் காரணத்தைத் தோழி வினாவத் தலைவி, “இயல்பாக ஆற்றியிருக்கும்யான் தலைவனை மருவியதாகக் கண்ட பொய்க் கனாவினால் வருத்தமுறு வேனாயினேன்” என்று கூறியது.)
கேட்டிசின் வாழி தோழி அல்கற் பொய்வ லாளன் மெய்யுறல் மரீஇய வாய்த்தகைப் பொய்க்கனா மருட்ட ஏற்றெழுந்து அமளி தைவந் தனனே குவளை வண்டுபடு மலரிற் சாஅய்த் |
5 |
தமியேன் மன்ற அளியேன் யானே. | |
- கச்சிப்பேட்டு நன்னாகையார். |
தோழி! கேட்பாயாக; இராக் காலத்தில் பொய் கூறுதலில் வன்மை உடைய தலைவன் என் உடம்புடன் அணைதலைப் பொருந்திய மெய்போலும் தன்மையை உடைய பொய்யாகிய கனவு மயக்கத்தை உண்டாக்க துயிலுணர்ந்து எழுந்து தலைவனென எண்ணிப் படுக்கையைத் தடவினேன்; வண்டுகள் வீழ்ந்து உழக்கிய குவளை மலரைப் போல மெலிந்து நிச்சயமாக தனித்தவளாயினேன்; அத்தகைய யான் அளிக்கத் தக்கேன!்
முடிபு: தோழி, கேட்டிசின்; பொய்வலாளன் மரீஇய பொய்க்கனா மருட்ட எழுந்து அமளி தைவந்தனன்; தமியேன் அளியேன்!
கருத்து: யான் தலைவனோடு அளவளாவியதாகக் கனாக் கண்டேன்.
தேடல் தொடர்பான தகவல்கள்:
குறுந்தொகை - 30. பாலை - தலைவி கூற்று, தோழி, இலக்கியங்கள், தலைவி, கூற்று, குறுந்தொகை, பாலை, குவளை, தமியேன், உடைய, யான், எழுந்து, அமளி, அளியேன், கேட்டிசின், சங்க, எட்டுத்தொகை, தலைவன், காலத்தில், பொய்க்கனா, மரீஇய, மருட்ட