குறுந்தொகை - 231. மருதம் - தலைவி கூற்று
(தலைவனுக்குத் தூதாக வந்த தோழியை நோக்கி, “அவர் இங்கேவந்தாலும் என்னோடு அளவளாவாமல் செல்வர். அவருக்கு என்பால் அன்புஇலதாயிற்று” என்று தலைவி கூறி வாயில் மறுத்தது.)
| ஓரூர் வாழினும் சேரி வாரார் சேரி வரினும் ஆர முயங்கார் ஏதி லாளர் சுடலை போலக் காணாக் கழிப மன்னே நாணட்டு நல்லறி விழுந்த காமம் |
5 |
| வில்லுமிழ் கணியிற் சென்றுசேட் படவே. | |
| - பாலைபாடிய பெருங்கடுங்கோ. |
தோழி! தலைவர் நம்மோடு ஓர் ஊரிலே வாழ்ந்தாலும் நாம் இருக்கும்தெருவில் வாரார்; இத்தெருவில்வந்தாலும் நன்றாகத் தழுவிக் கொள்ளார்; நாணத்தை அழித்து தக்கதிதுதகாததிது என்று எண்ணும் நல்ல அறிவை இழக்கச் செய்யும்காமமானது வில்லால் எய்யப்பட்டஅம்பைப் போல போய் நெடுந்தூரத்தில்அழியும்படி அயலாருடையசுடுகாட்டைப் போல நம்மைக் கண்டும்வேறொன்றும் புரியாமல் செல்லுவார்.
முடிபு: வாரார்; முயங்கார்; காமம் சேட்படக் கழிப.
கருத்து:தலைவர் என்பால் அன்பின்றி ஒழுகுகின்றார்.
தேடல் தொடர்பான தகவல்கள்:
குறுந்தொகை - 231. மருதம் - தலைவி கூற்று, தலைவி, இலக்கியங்கள், மருதம், கூற்று, வாரார், குறுந்தொகை, கழிப, காமம், தலைவர், முயங்கார், என்பால், எட்டுத்தொகை, சங்க, சேரி