குறுந்தொகை - 219. நெய்தல் - தலைவி கூற்று
(தலைவன் சிறைப்புறத்தில் இருப்பத் தலைவி தோழிக்குக்கூறுவாளாய்த் தன் துயரின் மிகுதி கூறி, “தலைவர் நம் துயர் நீக்க இதுசெவ்வி” என்று உணர்த்தியது.)
| பயப்பென் மேனி யதுவே நயப்பவர் நாரில் நெஞ்சத் தாரிடை யதுவே செறிவுஞ் சேணிகந் தன்றே யறிவே ஆங்கட் செல்கம் எழுகென வீங்கே வல்லா கூறியிருக்கு முள்ளிலைத் |
5 |
| தடவுநிலைத் தாழைச் சேர்ப்பர்க் கிடமற் றோழியெந் நீரிரோ வெனினே. |
|
| - வெள்ளூர்கிழார் மகனார் வெண்பூதியார். |
தோழி! பசலையானது எனது மேனியின் கண்ணது; காதல் அவரது அன்பற்றநெஞ்சமாகிய செல்லுதற்கரிய இடத்தின்கண்ணது; எனது அடக்கமும் நெடுந்தூரத்தில்.நீங்கியது; எனது அறிவு தலைவர் உள்ள இடத்திற்கே செல்வேம் அதன்பொருட்டு எழுவாயாக என்று நம்மால் மாட்டாதவற்றைக் கூறி இங்கே தங்கி இருக்கும்; எந்தத் தன்மையில் உள்ளீரோ என்றுபரிவு கூர்ந்து வினாவிக் குறைதீர்ப்பராயின் முள் அமைந்த இலையை உடைய பருத்த அடியை உடைய தாழையை உடையகடற்கரைத் தலைவருக்கு இது தக்க செவ்வியாகும்.
முடிபு:தோழி, பயப்பு என் மேனியது; நயப்பு ஆரிடையது;செறிவும் இகந்தன்று; அறிவு இருக்கும்; எந்நீரிரோ எனின், சேர்ப்பர்க்குஇடம்.
கருத்து: தலைவர் வரைவதற்கு ஏற்ற சமயம் இது.
தேடல் தொடர்பான தகவல்கள்:
குறுந்தொகை - 219. நெய்தல் - தலைவி கூற்று, இலக்கியங்கள், தலைவி, எனது, நெய்தல், குறுந்தொகை, கூற்று, தலைவர், அறிவு, உடைய, இருக்கும், கூறி, எட்டுத்தொகை, சங்க, யதுவே, தோழி