குறுந்தொகை - 186. முல்லை - தலைவி கூற்று

ஆர்கலி யேற்றொடு கார்தலை மணந்த கொல்லைப் புனத்த முல்லை மென்கொடி எயிறென முகையும் நாடற்குத் துயிறுறந் தனவால் தோழியென் கண்ணே.
- ஒக்கூர் மாசாத்தியார்.

தோழி! என் கண்கள் மிக்க முழக்கத்தையுடைய இடியேற்றோடு மேகம் மழைபெய்து கலந்த முல்லை நிலத்திலுள்ளனவாகிய மெல்லிய முல்லைக் கொடிகள் பற்களைப் போல அரும்பும் நாட்டையுடையதலைவன் பொருட்டு உறக்கத்தையொழிந்தன.

முடிபு: தோழி, என்கண் நாடற்குத் துயில் துறந்தன.    

கருத்து: தலைவன் இன்னும் வாராமையின் நான் துயிலொழிந்துவருந்துகின்றேன்.