குறுந்தொகை - 179. குறிஞ்சி - தோழி கூற்று
(பகலில் வந்து தலைவியோடு அளவளாவிய தலைவனை நோக்கி,“எம் ஊருக்கு வந்து இரவில் தங்கிச் செல்வாயாக” என்று தோழி கூறியது.)
| கல்லென் கானத்துக் கடமா வாட்டி எல்லும் எல்லின்று ஞமலியும் இளைத்தன செல்லல் ஐஇய உதுவெம் மூரே ஓங்குவரை யடுக்கத்துத் தீந்தேன் கிழித்த குவையுடைப் பசுங்கழை தின்ற கயவாய்ப் |
5 |
| பேதை யானை சுவைத்த கூழை மூங்கிற் குவட்டிடை யதுவே. |
|
| - குட்டுவன் கண்ணனார். |
ஐய! கல்லென்னும்ஆரவாரத்தையுடைய காட்டின் கண் கடமாவை நீ அலைப்ப பகற் பொழுதும்மங்கியது; நாய்களும் நின்னுடன்வேட்டையாடி இளைப்பை அடைந்தன; போகற்க; உயர்ந்த மலைப்பக்கத்தில் இனிய தேனிறாலைக்கிழித்த கூட்டமாகிய பசிய மூங்கில்களின்குருத்தைத் தின்ற ஆழ்ந்த வாயையுடைய பேதைமையையுடைய யானை தின்றதனாற் கூழையாகிய மூங்கிலையுடைய உச்சியின் இடையே உள்ளதாகிய அஃது எமது ஊராகும்.
முடிபு: ஐய, எல்லும் எல்லின்று; ஞமலியும் இளைத்தன; செல்லல்;குவட்டிடையதுவாகிய; உது எம் ஊர்.
கருத்து: இரவில் எம்முடைய ஊருக்கு வந்து தங்கிச் செல்வாயாக.
தேடல் தொடர்பான தகவல்கள்:
குறுந்தொகை - 179. குறிஞ்சி - தோழி கூற்று, இலக்கியங்கள், தோழி, வந்து, குறிஞ்சி, கூற்று, குறுந்தொகை, ஞமலியும், செல்லல், இளைத்தன, தின்ற, யானை, எல்லின்று, ஊருக்கு, எட்டுத்தொகை, சங்க, இரவில், தங்கிச், எல்லும்