குறுந்தொகை - 168. பாலை - தலைவன் கூற்று
(பொருள் தேடத் துணிந்த நெஞ்சை நோக்கி, “தலைவியைப் பிரியின் உயிர்வாழ்தல் அரிது” என்று தலைவன் கூறியது.)
| மாரிப் பித்திகத்து நீர்வார் கொழுமுகை இரும்பனம் பசுங்குடைப் பலவுடன் பொதிந்து பெரும்பெயல் விடியல் விரித்துவிட் டன்ன நறுந்தண் ணியளே நன்மா மேனி புனற்புணை யன்ன சாயிறைப் பணைத்தோள் |
5 |
| மணத்தலுந் தணத்தலு மிலமே பிரியின் வாழ்தல் அதனினும் இலமே. |
|
| - சிறைக்குடி யாந்தையார். |
நெஞ்சே! தலைவி நல்ல மாமையையுடைய மேனி மாரிக்காலத்தில் மலரும் பிச்சியினது நீர் ஒழுகும்கொழுவிய அரும்புகளில் பெரிய பசிய பனங் குடையில் பலவற்றை ஒருங்கே வைத்து மூடி பெருமழை பெய்தலையுடைய விடியற் காலத்தே விரித்துவிட்டாற் போன்ற நறுமையையும் தண்மையையும் உடையவள்; நீரில் விடும் தெப்பத்தைப் போன்ற வளைந்த சந்தினையுடைய பருத்த அவள் தோள்களை பொருந்துதலும் பிரிதலும் பிரிவேமாயின் உயிர் வாழ்தல் அதனைக் காட்டிலும் இல்லேம்.
முடிபு: மேனி நறுந்தண்ணியள்; தோள் மணத்தலும் தணத்தலும் இலம்; பிரியின் வாழ்தல் அதனினும் இலம்.
கருத்து: தலைவியைப் பிரிதல் அரிது.
தேடல் தொடர்பான தகவல்கள்:
குறுந்தொகை - 168. பாலை - தலைவன் கூற்று, இலக்கியங்கள், தலைவன், பாலை, பிரியின், குறுந்தொகை, கூற்று, மேனி, வாழ்தல், இலம், அதனினும், சங்க, எட்டுத்தொகை