குறுந்தொகை - 14. குறிஞ்சி - தலைவன் கூற்று
(பாங்கியினாற் குறை மறுக்கப்பட்ட தலைவன், ‘‘என்னைத் துன்புறுத்தியவள் இன்னாள் என்பதை யாவரும் அறிந்து கூறும்படி மடன் மாஊர்ந்து மறுகிற் செல்வேன்’’ என்று அப்பாங்கி கேட்பக்கூறியது.)
| அமிழ்துபொதி செந்நா அஞ்ச வந்த வார்ந்திலங்கு வையெயிற்றுச் சின்மொழி அரிவையைப் பெறுகதில் அம்ம யானே பெற்றாங் கறிகதில் அம்மவிவ் வூரே மறுகில் நல்லோள் கணவன் இவனெனப் |
5 |
| பல்லோர் கூறயாம் நாணுகஞ் சிறிதே. | |
| - தொல்கபிலர். |
அமுதத்தின் இனிமை நிரம்பிய செவ்விய நாவானது அஞ்சும்படி முளைத்த நேராகி விளங்குகின்ற கூர்மையாகிய பற்களையும் சிலவாகிய சொற்களையும் உடைய தலைவியை நான் மடன்மா ஏறுதலாற் பெறுவேனாக; பெற்றபின்பு இந்த ஊரில் உள்ளார் அறிவாராக; பலர் வீதியில் இந்த நல்லாளுடைய தலைவன் இவன் என்று சொல்லா நிற்க நாம் சிறிது நாணுவேம்!
முடிபு: யான் பெறுக; ஊர் அறிக; பல்லோர் கூற யாம் நாணுகம்.
கருத்து: யான் மடல் ஏறுவேன்.
தேடல் தொடர்பான தகவல்கள்:
குறுந்தொகை - 14. குறிஞ்சி - தலைவன் கூற்று, தலைவன், இலக்கியங்கள், குறிஞ்சி, குறுந்தொகை, கூற்று, யான், பல்லோர், எட்டுத்தொகை, சங்க