குறுந்தொகை - 118. நெய்தல் - தலைவி கூற்று
(தலைவன் வரைந்து கொள்ளாமல் நெடுநாள் இருப்ப, தலைவி அவன் வரவை ஒவ்வொரு நாளும் எதிர்நோக்குவாளாய் மாலைப் பொழுதில், “இன்னும் வந்திலர்” என்று கூறி வருந்தியது.)
| புள்ளும் மாவும் புலம்பொடு வதிய நள்ளென வந்த நாரில் மாலைப் பலர்புகு வாயில் அடைப்பக் கடவுநர் வருவீர் உளீரோ எனவும் வாரார் தோழிநங் காத லோரே. |
5 |
| - நன்னாகையார். |
தோழி! பறவைகளும் விலங்கினங்களும் தனிமையோடு தங்க நள்ளென்னும் ஓசைபட வந்த அன்பில்லாத மாலைக் காலத்தில் பலரும் புகுதற்குரிய வீட்டு வாயிலை அடைக்க எண்ணி வினாவுவார் உள்ளே வருவீர் இருக்கின்றனிரோ என்று கேட்கவும் நம் தலைவர் வாரார் ஆயினர்.
முடிபு: தோழி, மாலையில் கடவுநர், வருவீர் உளீரோ எனவும் நம் காதலோர் வாரார்.
கருத்து: நம் தலைவர் இன்றும் வந்திலர்.
தேடல் தொடர்பான தகவல்கள்:
குறுந்தொகை - 118. நெய்தல் - தலைவி கூற்று, இலக்கியங்கள், தலைவி, வருவீர், நெய்தல், குறுந்தொகை, கூற்று, வாரார், எனவும், தோழி, தலைவர், உளீரோ, மாலைப், எட்டுத்தொகை, சங்க, வந்த, கடவுநர்