அகநானூறு - 232. குறிஞ்சி
| காண் இனி வாழி, தோழி! பானாள், மழை முழங்கு அரவம் கேட்ட, கழை தின், மாஅல் யானை புலி செத்து வெரீஇ, இருங் கல் விடரகம் சிலம்பப் பெயரும் பெருங் கல் நாடன் கேண்மை, இனியே, |
5 |
| குன்ற வேலிச் சிறுகுடி ஆங்கண், மன்ற வேங்கை மண நாட் பூத்த மணி ஏர் அரும்பின் பொன் வீ தாஅய் வியல் அறை வரிக்கும் முன்றில், குறவர் மனை முதிர் மகளிரொடு குரவை தூங்கும் |
10 |
| ஆர் கலி விழவுக் களம் கடுப்ப, நாளும், விரவுப் பூம் பலியொடு விரைஇ, அன்னை கடியுடை வியல் நகர்க் காவல் கண்ணி, 'முருகு' என வேலற் தரூஉம். பருவமாகப் பயந்தன்றால், நமக்கே. |
15 |
தோழி தலைமகன் சிறைப்புறத்தானாக, தலைமகட்குச் சொல்லுவாளாய்,சொல்லியது. - கொடிமங்கலத்து வாதுளி நற்சேந்தனார்
தேடல் தொடர்பான தகவல்கள்:
அகநானூறு - 232. குறிஞ்சி , இலக்கியங்கள், அகநானூறு, குறிஞ்சி, வியல், தோழி, சங்க, எட்டுத்தொகை