ஜோதிடப் பாடம் – 50 - நீங்களும் ஜோதிடர் ஆகலாம்!

சூரிய மண்டலத்திலுள்ள கிரகங்கள் ஒன்பது என எல்லோருக்கும் தெரியும். அவற்றில் ஏழு கிரகங்களைத் தான் நாம் பார்க்க முடியும். அவை சூரியன், சந்திரன், செவ்வாய், புதன், குரு, சுக்கிரன், சனி. மற்ற கிரகங்களான ராகு, கேதுக் களை நாம் பார்க்க முடியாது. அவை நிழல் கிரகங்கள்; சாயாக் கிரகங்கள். ராகு, கேதுக்கள் எப்படி ஏற்படுகின்றன என்று நாம் பின்பு பார்ப்போம். இந்த ஏழு கிரகங்களைப் பற்றித்தான் நமது பண்டைய ஜோதிட நூல்கள் கூறி இருக்கின்றன. அதற்குப்பின் வந்த நூல்கள்தான் ராகு, கேதுக்களைப் பற்றிக் கூறி இருக்கின்றன. சூரிய குடும்பத்தில் இந்த எழு கிரகங்களைத் தவிர இன்னும் மூன்று கிரகங்கள் கண்டுபிடிக்கப்பட்டு இருக்கின்றன.

அவை:

1. 1781-ல் யுரேனஸ் (Uranus) என்ற கிரகம் கண்டுபிடிக்கப் பட்டுள்ளது.
2. 1846-ல் நெப்டியூன் (Neptune) என்ற கிரகம் கண்டுபிடிக்கப் பட்டது.
3. 1930-ல் புளோட்டோ (Pluto) என்ற கிரகம் கண்டுபிடிக்கப் பட்டுள்ளது.

இந்த மூன்று கிரகங்களும் மேலை நாட்டு ஜோதிடத்தில் இடம் பெற்றுள்ளன. நமது இந்திய நாட்டு ஜோதிடத்தில் இடம் பெறவில்லை.