ஜோதிடப் பாடம் – 39 - நீங்களும் ஜோதிடர் ஆகலாம்!
நாம் உதாரணத்திற்கு ஒரு ஜாதகத்தில் மாந்தியைப் போடுவோம். ஒரு குழந்தை இந்த ஆண்டு பங்குனி மாதம் 1-ம் தேதி சென்னையில் பகல் 9.00 மணிக்கும், மற்றொரு குழந்தை இரவு 9.00 மணிக்கும் பிறக்கிறது எனக் கொள்வோம். இதற்கு நாம் மாந்தியைப் போடப் போகின்றோம்.
பங்குனியில் சூரிய உதயம் எந்த ராசியில்? முன்பு படித்தவைகளை ஞாபகப் படுத்திக்கொள்ளுங்கள். மீனத்தில் உதயமாகும். சரி! மாந்தியைப் போடுவோம் வாருங்கள்.
நா. வி. | |
மீனம் இருப்பு | 4. 16 |
மேஷம் | 4. 28 |
ரிஷபம் | 5. 03 |
மிதுனம் | 5. 29 |
கடகம் | 5. 22 |
கடகம் முடிய சூரிய உதயத்திலிருந்து முடிந்த நாழிகைகள் 24 . 38
சிம்மம்
மகம் 1-ம் பாதம் | 0. 34 |
மகம் 2-ம் பாதம் | 0. 34 |
மகம் 3-ம் பாதம் | 0. 34 |
------------ | |
26.24 |
இருபது நாழிகைக்கு குளிகன் உதயமாவதால் சிம்மராசியில், மகம் 3-ம் பாதத்தில் அதாவது மிதுன நவாம்சத்தில் உதயமாகிறார். அதாவது ராசியில் சிம்மத்திலும், நவாம்சத்தில் மிதுனத்திலும் போட வேண்டும். நாம் மேலே எழுதியது புரிகிறது அல்லவா? சிலர் "சிம்மத்தில் மகம் முதல் பாதத்திற்கு 0.34 நாழிகை என்று எப்படிப் போட்டீர்கள்?" என்று கேட்க்கலாம். சென்னைக்கு சிம்ம ராசியின் அளவு 5 நா 06 வினாழிகைகள் அல்லவா ? சிம்மத்தில் மொத்தம் 9 பாதங்கள் அல்லவா? அப்படியானால் ஒரு பாதத்தின் அளவு 0.34 நாழிகைகள் தானே!
சரி! இரவில் பிறந்த குழந்தைக்கு எப்படிப் போடுவது? ஞாயிரன்று இரவு 10 நாழிகைக்கு குளிகன் உதயமாகிறது அல்லவா? அதாவது சூரியன் அஸ்தமனத்திலிருந்து 10 நாழிகைக்கு குளிகன் உதயமாகிறார். சூரிய அஸ்தமனமும் பஞ்சாங்கத்தில் கொடுக்கப்பட்டுள்ளது.
அன்று சூரிய உதயம் காலை 6 . 17 மணி
அன்றைய சூரிய அஸ்தமனம் மாலை 6 . 22 மணி
பகல் பொழுதின் அளவு : 11 . 55 மணி
இதை நாழிகையாக்குங்கள். 29 நாழிகை 48 வினாழிகை வரும். இந்தப் பகல் பொழுதின் கால அளவிற்கு "அகஸ்" எனப் பெயர். "அகஸ்" என்பது ஒரு இடத்தின் சூரிய உதயத்திலிருந்து சூரிய அஸ்தமனம் ஆகும் வரையிலான பகல் பொழுதின் அளவாகும்.
இரவில் குளிகன் உதயம் கண்டுபிடிக்க இந்த அகசுடன் அன்று குளிகன் உதயமாகும் நாழிகையான 10.00 நாழிகையைக் கூட்டுங்கள். 39 நா 48 வினாழிகை வரும். அதாவது சூரிய உதயத்திலிருந்து 39 நாழிகை 48 வினாழிகைக்கு குளிகன் உதயமாகிறார். இப்போது ராசியும், நவாம்சமும் மேலே கண்டதுபோல் கண்டுபிடியுங்கள் பார்ப்போம்.
நா. வி. | |
மீனம் இருப்பு | 4. 16 |
மேஷம் | 4. 28 |
ரிஷபம் | 5. 03 |
மிதுனம் | 5. 29 |
கடகம் | 5. 22 |
சிம்மம் | 5. 08 |
கன்னி | 5. 04 |
---------- | |
34.50 |
துலாம்
சித்திரை 3-ம் பாதம் | 0 . 35 |
சித்திரை 4-ம் பாதம் | 0 . 35 |
ஸ்வாதி 1-ம் பாதம் | 0 . 35 |
ஸ்வாதி 2-ம் பாதம் | 0 . 35 |
ஸ்வாதி 3-ம் பாதம் | 0 . 35 |
ஸ்வாதி 4-ம் பாதம் | 0 . 35 |
விசாகம் 1-ம் பாதம் | 0 . 35 |
விசாகம் 2-ம் பாதம் | 0 . 35 |
விசாகம் 3-ம் பாதம் | 0 . 35 |
---------- | |
40 . 05 |
தேடல் தொடர்பான தகவல்கள்:
ஜோதிடப் பாடம் – 39 - நீங்களும் ஜோதிடர் ஆகலாம்!, பாதம், சூரிய, குளிகன், ஜோதிடப், மகம், ஸ்வாதி, பகல், அல்லவா, அதாவது, ", அளவு, கடகம், உதயமாகிறார், நாழிகை, நாழிகைக்கு, உதயத்திலிருந்து, பொழுதின், ஆகலாம், விசாகம், ஜோதிடம், மாந்தியைப், ஜோதிடர், உதயம், நீங்களும், நாம், பாடம், சிம்மத்தில், சித்திரை, அன்று, அஸ்தமனம், இரவில், எப்படிப், அகஸ்", வரும், வினாழிகை, நாழிகைகள், இரவு, ராசியில், மணிக்கும், குழந்தை, பாடங்கள், போடுவோம், உதயமாகும், மீனம், சிம்மம், நவாம்சத்தில், மிதுனம், ரிஷபம், இருப்பு, மேஷம், மேலே