ஜோதிடப் பாடம் – 33 - நீங்களும் ஜோதிடர் ஆகலாம்!
இலக்கினம் என்பது ஒருவரின் உடலைக் குறிக்கிறது அல்லவா? அப்போது உடல் நிலை பாதிக்கப்படும். உதாரணமாக ஒருவருக்குக் கன்னியா இலக்கினம் எனக்கொள்ளுங்கள். 6-ம் வீட்டிற்கு அதிபதியான சனியின் தசை நடைபெறுகிறது எனக்கொள்ளுவோம். 19-ஆண்டுகளுமா உடல் நிலை பாதிக்கப்படும். புதனானவன் இலக்கினாதிபதி. ஆக புதன் புக்தியில் உடல் நிலையில் பாதிப்பு இருக்கும். அப்போது உடல் நிலை குன்றும். இலக்கினத்தில் வேறு ஏதாவது கிரகம் இருந்தாலும், உதாரணமாக கேது இருக்கிறது எனக் கொள்ளுங்கள். கேது புக்தியிலும் உடல்நிலையில் பாதிப்பு இருக்கும். அதாவது எந்த கிரகம் இலக்கினத்தைக் குறிக்கிறதோ அந்த கிரகத்தின் புக்தியில் உடல் பாதிப்பு இருந்துவரும். சரி! புதனானவர் 12-ம் வீட்டில் இருக்கிறார். என்ன பலன்?
புதன் இலக்கினாதிபதி; 12-ம் வீட்டில் இருக்கிறார். ஆக புதன் 1ம்வீட்டையும் 12ம் வீட்டையும் குறிக்கிறார். 12-ம் வீடு மருத்துவமனையைக் குறிக்கிறது அல்லவா? தசாநாதன் உபாதையையும் புக்தி நாதன் அதனால் மருத்துவமனையில் இருத்தலையும் குறிக்கிறார். ஆக சனிதசை, புதன் புக்தியில் ஒருவர் நோய்வாய்ப் பட்டு மருத்துவமனையில் இருப்பார்.
சரி! புதன் 12-ம் வீட்டில் இல்லாமல் 8-ம் வீட்டில் இருக்கிறார் எனக் கொள்ளுங்கள். 8-ம் வீடு தண்டச் செலவுகளைக் குறிக்கிறது அல்லவா? ஆக சனிதசை, புதன்புக்தியில் உடல் உபாதைகாரணமாக தண்டச் செலவு செய்வார்.
சுக்கிரன் புக்தி நடக்கிறது எனக் கொள்ளுங்கள். கன்னியா இலக்கினத்திற்கு சுக்கிரன் 2-ம் வீட்டிற்கு அதிபதி அல்லவா? சரி! அப்போது அவர் வங்கியில் கடன் வாங்க மனுச் செய்து இருக்கிறார் எனக் கொள்ளுங்கள். 7-ம் வீடு என்பது நாம் மனுச்செய்துள்ள வங்கியைக் குறிக்கிறது. நமக்குப் பணம் கொடுக்க வேண்டும் என்றால் வங்கியில் உள்ள பணம் குறைகிறது அல்லவா? பணம் கொடுப்பதை அல்லது பணம் குறைவதைக் குறிப்பது 7-க்குப் 12-ம் வீடான 6-ம் வீடல்லவா? ஆக 6-ம் வீட்டைக் குறிக்கின்ற தசா, புக்திக்காலத்தில் ஒருவருக்குப் பணம் கிடக்கும். நாம் மேற்கூறிய உதாரணத்தில் சனி 6-ம் வீட்டின் அதிபதி. அவர் தசையில் பணம் கிடைக்கும். எந்த புக்தியில் கிடைக்கும். தனவரவைக் குறிக்கின்ற 2-ம் வீட்டைக் குறிக்கின்ற கிரகத்தின் புக்தியிலோ அல்லது லாபத்தைக் கொடுக்கும் 11-ம் வீட்டைக் குறிக்கின்ற கிரகத்தின் புக்தியிலோ பணம் கிடைக்கும். இங்கு சுக்கிரன் 2-ம் வீட்டின் அதிபர். ஆக சனிதசை, சுக்கிர புக்தியில் ஒருவருக்கு எதிர்பார்த்த கடன் கிடைக்கும். அதேபோல் இந்த தசை, புக்தியில் ஒருவருக்கு வேலை கிடைக்கும். அல்லது வேலை செய்து கொண்டிருப்பவராக இருந்தால் பதவி உயர்வு கிடைக்கும். 6-ம் வீடு உத்தியோகத்தையும் 2-ம் வீடு பணவரவையும் குறிக்கிறது அல்லவா?
சரி! இவருக்கு குரு புக்தி நடக்கிறது எனக் கொள்ளுங்கள். குரு 9-ம் வீட்டில் இருக்கிறார் எனவும் கொள்ளுங்கள். 7-ம் வீடு மனைவியையும் 9-ம் வீடு அயல் நாட்டுப்பயணத்தையும் குறிக்கிறது அல்லவா? 6-ம் வீடு கணவன் மனைவி பிரிதலைக் குறிக்கிறது. ஆக இவர்மனைவி இவரை விட்டு அயல் நாட்டுப் பயணம் செய்வார் எனக்கொள்ள வேண்டும். சரி! குருவானவர் 12- வீட்டில் இருக்கிறார் எனக் கொள்வோம். 6-ம் வீடும் 12-ம் வீடும் கணவன்-மனைவி பிரிதலைக் குறிக்கிறது. ஆக குருபுக்தியில் கணவன்-மனைவி பிரிந்து இர்ப்பார்கள். ஏன் இது Divorce வரை கூடப் போகலாம்.
சரி! குரு 12-ம் வீட்டிற்குப் பதிலாக 11-ம் வீட்டில் இருக்கிரார் எனக் கொள்ளுங்கள். இப்போது 6, 7, 11-ம் வீட்டின் பலன்கள் நடைபெறும். சரி! இவர் பதவி உயர்வுக்கோ அல்லது வேறு எதற்கோ போட்டி போடுகிறார் எனக் கொள்ளுங்கள். அல்லது தேர்தலுக்கோ போட்டி இடுகிறார் எனக் கொள்ளுங்கள். இவர் அந்தப் போட்டியில் வெற்றி பெறுவார். 7-ம் இடம் போட்டி போடுபவரையும், 6-ம் இடம் அவருடைய தோல்வியையும் 11-ம் வீடு இந்த ஜாதகருடைய வெற்றியையும் குறிக்கிறது. ஆக சனிதசை, குரு புக்தியில் அவர் போட்டியில் வெற்றி பெறுவார்.
சரி! சனிதசை சனி புக்தி. சனியானவர் 12-ம் வீட்டில்; இப்போது என்ன பலன் கிட்டும்? சனி 5-ம் வீட்டிற்கும், 6-ம் வீட்டிற்கும் அதிபதி. 12-ம் வீட்டில் இருக்கிறார். 6-ம் வீடு உங்கள் வேலையாளர்களைக் குறிக்கிறது. 12-ம் வீடு உங்களுக்கு நஷ்டம். ஆக உங்கள் வேலையாளர்கள் உங்களுக்குப் பண நஷ்ட்டத்தைக் கொடுக்கலாம். அல்லது 5-ம் வீடு உங்க குழந்தைகளைக் குறிப்பதனால் குழந்தைகள் மூலமாகச் செலவு இருக்கலாம்.
நாம் மேலே கூறிய விளக்கங்கள் உங்களுக்குப் புரிந்து இருக்குமென்று நினைக்கிறோம். மற்றவைகளை அடுத்த பாடத்தில் பார்ப்போம்.
தேடல் தொடர்பான தகவல்கள்:
ஜோதிடப் பாடம் – 33 - நீங்களும் ஜோதிடர் ஆகலாம்!, வீடு, குறிக்கிறது, வீட்டில், எனக், கொள்ளுங்கள், அல்லவா, புக்தியில், இருக்கிறார், பணம், கிடைக்கும், உடல், அல்லது, புதன், ஜோதிடப், சனிதசை, புக்தி, குரு, குறிக்கின்ற, அதிபதி, நாம், சுக்கிரன், ஆகலாம், போட்டி, ஜோதிடர், நீங்களும், பாடம், மனைவி, வீட்டின், ஜோதிடம், வீட்டைக், கணவன், அவர், நிலை, அப்போது, கிரகத்தின், பாதிப்பு, அயல், இலக்கினாதிபதி, புக்தியிலோ, வீட்டிற்கு, பாதிக்கப்படும், வேலை, பதவி, பிரிதலைக், ஒருவருக்கு, இப்போது, இடம், வீட்டிற்கும், உங்கள், உங்களுக்குப், பெறுவார், வெற்றி, இவர், கன்னியா, போட்டியில், வீடும், இருக்கும், தண்டச், செலவு, செய்வார், எந்த, மருத்துவமனையில், இலக்கினம், பலன், குறிக்கிறார், பாடங்கள், நடக்கிறது, என்பது, வேண்டும், கிரகம், வேறு, கேது, செய்து, உதாரணமாக, வங்கியில், கடன், என்ன