ஜோதிடப் பாடம் – 33 - நீங்களும் ஜோதிடர் ஆகலாம்!
நாம் இதுவரையில் எந்தெந்த கிரகச் சேர்க்கை இருந்தால் எந்த மாதிரியான தொழில் அமையும் என்றும், பதவி உயர்வு எப்போது வரும் என்றும், பதவிக்கு எப்போது பங்கம் வரும் என்றும் எழுதி இருந்தோம். நீங்களும் ஓரளவிற்குப் புரிந்து கொண்டிருப்பீர்கள் என்று நினைக்கிறோம். சிலருக்கு இரண்டுவிதமான வருமானம் வரும். அதாவது ஒரு தொழிலில் இருப்பார். மாலை நேரங்களில் அல்லது நேரம் கிடைக்கும்போது வேறு வேலை செய்வர். சிலர் வேலை செய்து கொண்டே L.I.C Agent, அல்லது அரசாங்கம் அமுல்படுத்தியுள்ள சிறு சேமிப்புத் திட்டங்கள் ஆகியவற்றிற்கு Agent ஆக இருப்பர். மருத்துவரை எடுத்துக் கொள்ளுங்கள். அரசாங்க மருத்துவ மனைகளில் மருத்துவராக இருந்து அரசாங்க ஊதியம் பெறுவர். காலை அல்லது மாலையில் தனிப்பட்ட முறையில் மருத்துவம் பார்த்து சம்பாதிப்பர். இந்த மாதிரி சம்பாதிக்க Professional - ஆகப் படித்து இருக்க வேண்டும். ஒரு டாக்டர் அல்லது Engineer அல்லது வக்கீலால் மட்டுமே இவ்வாறாக சம்பதிக்க இயலும். சிலர் வேலையில் இருந்துகொண்டே பகுதி நேரத்தில் வேறொரு இடத்தில் கணக்கெழுதிப் பணம் சம்பாதிப்பர். இவ்வாறு இரண்டு விதவருமானத்தைத்தான் இரட்டை வருமானம் என்று கூறுகிறோம். சிலரின் மனைவி வேலை பார்த்து சம்பாதிப்பர். இதுவும் ஒரு விதத்தில் இரட்டை வருமானம்தான். இவ்வாறாக இரண்டு வித சம்பாதியத்திற்கு எப்படிப்பட்ட கிரக அமைப்பு இருக்க வேண்டுமென்பதைப் பார்ப்போம்.
புதனுக்கு இரட்டைக் கிரகமென்று பெயர். உபய ராசிகளான மிதுனம், கன்னி, தனுசு, மீனம் ஆகியவைகளுக்கு இரட்டை ராசிகளென்று பெயர். புதன் வருமானத்தைக் கொடுக்கக்கூடிய 2-ம் வீடு அல்லது 10-ம் வீட்டுடன் சம்மந்தப்பட்டு இருப்பாரேயாகில் அவருக்கு இரட்டை வருமானத்திற்கு யோகமுண்டு. உதாரணத்திற்கு ஒரு ஜாதகத்தைக் குறித்துக் கொள்ளுங்கள். புதன் எதையும் இரண்டாகக் கொடுக்கக் கூடியவர்.
தனுர் இலக்கினம்;
இலக்கினத்தில் சூரியன், புதன்;
3-ல் அதாவது கும்பத்தில் குரு;
மீனத்தில் சனி;
மேஷத்தில் கேது;
கடகத்தில் சந்திரன்;
துலாத்தில் செவ்வாய், ராகு;
12-ல் சுக்கிரன்.
தனுர் இலக்கினத்திற்கு 7-ம் வீட்டின் அதிபதி புதன்; அதாவது அவர் மனைவியைக் குறிப்பது புதன்; அவரே 10-ம் வீட்டிற்கும் அதிபதியாகி இலக்கினத்தில் இருக்கிறார். இவர் மனைவி இவர் வேலை பார்க்கும் அலுவலகத்திலேயே பணி புரிகிறார். ஆக இவருக்கு இரட்டைக் கிரகமான புதன் இரட்டை வருமானத்திக் கொடுத்து விட்டார்.
தேடல் தொடர்பான தகவல்கள்:
ஜோதிடப் பாடம் – 33 - நீங்களும் ஜோதிடர் ஆகலாம்!, அல்லது, புதன், ஜோதிடப், இரட்டை, வேலை, நீங்களும், அதாவது, வரும், என்றும், ஜோதிடர், பாடம், ஆகலாம், ஜோதிடம், சம்பாதிப்பர், மனைவி, இரட்டைக், தனுர், இவர், இலக்கினத்தில், இரண்டு, பெயர், agent, வருமானம், எப்போது, பாடங்கள், சிலர், கொள்ளுங்கள், இருக்க, பார்த்து, அரசாங்க, இவ்வாறாக