தமிழில் வீதி நாடகத்தின் தேவை - நாடகக் கலைக் கட்டுரைகள்
ஒரு பரந்துபட்ட மக்கள் நாடக இயக்கத்தை முன்னெடுத்துச் செல்ல 'ராஜபாட்டை' எதுவும் கிடையாது. பல பிரச்னைகளைச் சந்திக்க நேரிடும்.
இதுபோன்ற பிரச்னைகளையெல்லாம் ஆழமாக விளங்கிக்கொள்ள சப்தர் ஹாஷ்மியின் கட்டுரைகள் நமக்குப் பெரிதும் உதவும்.
கலாச்சார ஒடுக்குமுறையின் ஒரு கோர உருவமாகச் சப்தர் ஹாஷ்மி பட்டப்பகலில் நடுத் தெருவில் அடித்துக் கொல்லப்பட்டார். அந்தப் படுகொலையின் அரசியல் பின்னணி-இவற்றையெல்லாம்விட சப்தர் ஹாஷ்மியின் படுகொலை ஏற்படுத்திய பரபரப்பு நாடெங்கும் உள்ள கலைஞர்களிடையே ஏற்பட்ட கொந்தளிப்பு, அதன் 'செய்தி ருசி' இதற்காகவே பல பத்திரிகைகள் போட்டி போட்டுக்கொண்டு செய்தி வெளியிட்டன. சப்தர் ஹாஷ்மியின் பெயர் நாடெங்கும் பிரபலமானது.
உண்மையில் பத்திரிகைகள் ஏற்படுத்திய பரபரப்பிற்கும் அவை உருவாக்கிய பிரபலத்திற்கும் இவற்றிற்குள்ளாகவே அடங்கிவிடுவதல்ல சப்தர் ஹாஷ்மியின் ஆகிருதி. அவருடைய ஆகிருதி அளப்பரியது.
மக்கள் கலாசார இயக்கத்தில் அவருடைய பங்களிப்பு மிகப்பெரும் அரசியல் முக்கியத்துவம் வாய்ந்தது.
வீதி நாடகங்களின் தத்துவ அடிப்படையை எடுத்துக்காட்டியவர் சப்தர் ஹாஷ்மி. வீதி நாடகங்களில் வீதியின் சூழலில் வெறும் கிளர்ச்சிப் பிரசார நாடகங்களை மட்டுமல்ல மிகப்பெரும் நாடக உன்னதங்களை நிகழ்த்த முடியும் என்பதைச் சுட்டிக் காட்டியவர் சப்தர் ஹாஷ்மி.
சப்தர் ஹாஷ்மிக்கு முன்னதாகப் பாதல் சர்க்கார் உட்பட எத்தனையோ விற்பன்னர்கள் வீதி நாடகங்களில் செயலாற்றியிருக்கிறார்கள். ஆனால் அவர்களால் வீதி நாடகத்தை ஒரு மக்கள் கலையாக உயர்த்த முடிந்ததில்லை. வீதி நாடகத்தினை மக்கள் கலையாக உயர்த்தியதோடு அதன் புதிய எல்லைகளையும் தொட முயன்றவர் சப்தர் ஹாஷ்மி.
ஜன நாட்டிய மஞ்சின் 'அவுரத்' 'மெஷ’ன்' போன்ற நாடகங்கள் கிளர்ச்சிப் பிரச்சார நாடகங்களுக்கு ஒரு புதிய முன் மாதிரிகள்.
அது மட்டுமல்ல. இந்திய நாடக உலகில் செல்வாக்கு செலுத்தி வருகிற 'நாடகப் போக்குகள்' மீதாகச் சில அடிப்படையான கேள்விகளை எழுப்பியவர் சப்தர் ஹாஷ்மி.
இந்தியமயமாதல் குறித்து, நமது பாரம்பரியக் கலை வடிவங்கள், நாட்டுப்புறக் கலை வடிவங்கள் இவற்றைக் கையாள்கிறபோது நேர்கிற பிரச்னைகள் குறித்து, 'சமயச் சார்பற்ற கலை'யின் அவசியம் குறித்து இப்படிப் பல பிரச்னைகளைப் பற்றி ஆழமான சில கேள்விகளை எழுப்பினார் அவர்.
மேடை நாடகமும் வீதிநாடகமும் ஒன்றிற்கொன்று எதிரானது எனும் தவறான கருத்தோட்டங்களைச் சப்தர் ஹாஷ்மி வன்மையாக மறுத்தார்.
ஒரு விரிவான மக்கள் நாடக இயக்கத்தை வளர்த்தெடுப்பதற்கு இத்தகைய கருத்தோட்டங்கள் உதவாது என்பதையும் அவர் சுட்டிக் காட்டினார்.
மக்கள் கலாசார இயக்கத்தில் செயல்படுபவர்களுக்கு மட்டுமல்ல நாடகப் பள்ளி மாணவர்கள் நாடக ஆராய்ச்சியாளர்கள் ஆகியோருக்கும் வீதி நாடகத்தின் - மக்கள் நாடகத்தின் அடிப்படையான பிரச்னைகளைப் புரிந்துகொள்ள 'சப்தர் ஹாஷ்மியின் கட்டுரைகள்' பெரிதும் உதவும்.
- சப்தர் ஹாஷ்மி கட்டுரைகள் (சென்னை புக்ஸ்) நூலின் மொழிபெயர்ப்பாளர் பிரளயன் எழுதிய முன்னுரையிலிருந்து.
தேடல் தொடர்பான தகவல்கள்:
தமிழில் வீதி நாடகத்தின் தேவை - நாடகக் கலைக் கட்டுரைகள், சப்தர், வீதி, மக்கள், ஹாஷ்மி, கட்டுரைகள், ஹாஷ்மியின், நாடக, நாடகத்தின், தமிழில், மட்டுமல்ல, குறித்து, கலைக், நாடகக், தேவை, கலையாக, நாடகங்களில், சுட்டிக், கிளர்ச்சிப், அடிப்படையான, பிரச்னைகளைப், மிகப்பெரும், அவர், கேள்விகளை, வடிவங்கள், நாடகப், நாடெங்கும், இயக்கத்தை, உதவும், கலைகள், arts, drama, அரசியல், ஏற்படுத்திய, அவருடைய, கலாசார, ஆகிருதி, பத்திரிகைகள், செய்தி, இயக்கத்தில்