சங்கற்ப நிராகரணம் - சைவ சித்தாந்த சாத்திரங்கள்
பிரமேய மறுப்பு:-
பிரமம் பிரமேய மன்று
கன்னற் சுவையி லந்நிய மிலதா லினிமை தோன்றாத் தனிமைத் தென்றனை யறிவிற் குவமை யசத்தாங் கட்டி பிறிவித் தொட்டினும் பேறதுறோதே தற்பர விரிவு பொற்பணி தகுமெனிற் செய்வோ ரின்றிச் செய்வினை யின்மையிற் பொன்பணி யாகை தன்பணி யன்றே செய்வோர் போலச் செயப்படு பொருண்முதற் செய்வோ ரேயாச் செய்யவும் படுமே சுத்தி வெள்ளியிற் றோன்றிற் றாயினுஞ் சத்துல கேதுந் தாரா தருமெனி னுலக மித்தையென் றோரா துரைத்தனை நிலவுநின் மரபு நினைந்திலை யாங்கொல் விவகாரத்தில் வேண்டுவது முலகம் பரமார்த் தத்திற் பகரா மென்னிற் பரத்துள தேலிவை யும்பர மார்த்தம் பரத்தில தேலொழி முன்பகர் மாற்ற மதன்முதல லிதுவென வுதவுக வன்றியும் விவகரிக் குங்காற் றிகழ்பர மார்த்த நிலையது தெரியி னிதுநீ நீயேற் றெறியா தாயி ன·துந் தெரியா துரையா ரளவையு மொழிந்தனை யன்றே யளவை காண்டல் கருத லுரையென வுளதவை மூன்றின் மொழிவழி நுழையி னின்பிர மேய மென்ப தெனாங்கொல் |
பிரமிதி மறுப்பு
பொற்பிதிர் பிதிர்ந்தும் பொன்னே யாநின் றற்பர மசித்தைத் தருமா றென்னெனிற் சிலம்பி நூறரு நலம்போற் றோன்று மென்றனை யதுவ தன்றொழி லன்றியு மொன்றத னியல்புல கோரியல் பன்றெனப் பலமிலை பழம்பூப் பாதவந் தருநீர் திரைநுரை திவலை சிலதரு மிவைபோற் றானே பலவா மெனநீ சாற்றினை சத்தசத் தாகவுஞ் சத்தினி லசத்தின் கொத்துள தாகவுங் கூறின ரிலரால் வித்திலை கனிநனி விழுதா றருநெறி சத்தல தொன்று தான்றர வேண்டு நெற் பதர் பலாலத் திற்குபா தானமென் காரண மின்றிக் காரியம் பிறவா பாரிடை யொருபடம் பண்ணவும் படுமே யந்தமில் பிரம மவித்தை தானெய் ரணமெனத் தந்தனை யவித்த தானெய் துறுத றன்னியல் பென்னில் வன்னிதன் வெம்மையிற் சத்தின தியல்புஞ் சத்தே யசத்தெனில் வைத்தத னியல்பெனும் வழக்கொழி யன்றியு மிருள்பொதி விளக்கென வருமரு விளக்கிற் கருமை பயந்த பெருகொளி தகுமெனிற் றன்னியல் பன்றத னுபாதி வசத்தான் மன்னிய தன்றிமை தான்றனின் மாயா தொன்றா னசுத்த னன்றா மன்றே யாங்கொரு காலத் தோங்கிய தாயி னந்தமி லவித்தை வந்தணை வதற்கோ ரேது வேண்டும் புயலியல் பென்னின்வீ டோத வேண்டா வொழிந்தோ ரினுமுறுங் களங்கம துறவுறு மவித்தைதற் கவித்தல் விளங்கிய பிரம விளையாட் டாயி னவித்தை யென்பதொன் றன்னியந் தன்னி லுதிக்கு மென்றமுன் னுரையு மறந்தனை நுண்ணூற் குடம்பை நுந்துழி போலுட் படுநெறி யதனால் விடுநெறி யிலதாற் தலைமையு மறிவு மிலதென வித்தையை விடுத்தெடுத் தாணரும் வேற்றோ ரன்றே யொளிகொ டாமிரங் குளிகைபெற் றாங்கத னவித்தையை வித்தை தவிர்க்குமென றுரைக்கி னித்த னறிவன் சுத்தனென் றுரைத்த வித்தக மென்னீ வித்தையும் வேறொன் றெம்ம னோரி லொருவ நின்னிறை யம்ம சைவந் தவனீ யன்றே |
தேடல் தொடர்பான தகவல்கள்:
சங்கற்ப நிராகரணம் - சைவ சித்தாந்த சாத்திரங்கள், நூல்கள், யன்றே, சங்கற்ப, சாத்திரங்கள், நிராகரணம், சித்தாந்த, பிரம, தாயி, றன்னியல், படுமே, தானெய், மறுப்பு, இலக்கியங்கள், பிரமேய, தகுமெனிற், செய்வோ