தொபியாசு ஆகமம் - பழைய ஏற்பாடு

¹ அப்போது தோபி தந்தையை நோக்கி, "தந்தாய் நீர் எனக்குக் கட்டளையிட்டவற்றை எல்லாம் நான் செய்து முடிப்பேன்.

² ஆனால் அப்பணத்தை மட்டும் எப்படித் திரும்பப் பெறுவது என்று அறியேன். கபேலுசுக்கு என்னைத் தெரியாது@ எனக்கு அவனைத் தெரியாது. அவன் என்னை அறிந்துகொள்ளும் பொருட்டு நான் அவனுக்கு என்ன அடையாளம் காட்ட முடியும்? அதுமட்டுமன்று@ அவ்வூருக்குப் போகிற வழி முதலாய் எனக்குத் தெரியாதே" என்று மறுமொழி சொன்னான்.

³ அதைக் கேட்ட அவனுடைய தந்தை அவனைப் பார்த்து, "அவன் எழுதிக் கொடுத்த கடன் சீட்டு என்னிடம் இருக்கிறது. நீ அதை அவனுக்குக் காண்பித்தாலே போதும். அவன் தாமதமின்றி உன்னிடம் பணத்தைக் கொடுத்து விடுவான்.

⁴ ஆயினும் நான் உயிரோடுடிருக்கும் போதே நீ அவனிடம் சென்று கொடுத்த கடனைப் பெற்று வரும் பொருட்டு இப்போதே நம்பிக்கைக்குரிய ஒருவனைத் தேடிப்பார். உன்னோடு வருவதற்கு அவன் கேட்கும் கூலியையும் விசாரித்து வா" என்றார்.

⁵ எனவே, தோபி புறப்பட்டுப்போய், தன் இடையை வரிந்து கட்டிக்கொண்டு பயணத்துக்குத் தயாராயிருக்கிறவனைப் போல் நின்று கொண்டிருந்த அழகிய இளைஞர் ஒருவரைக் கண்டான்.

⁶ அவர் கடவுளின் தூதர் என்று அறியாத தோபி அவரை வாழ்த்தி, "தம்பி, நீ யார்?" என்று வினவ, அவர், "இஸ்ராயேல் மக்களுள் ஒருவன் நான்" என்றார்,

⁷ தோபி மறுபடியும், "மோதியருடைய நாட்டுக்குப் போகும் வழி உனக்குத் தெரியுமா?" என்று கேட்டான்.

⁸ அதற்கு அவர், "தெரியும்@ பலமுறை நான் அவ்வழியே போய் வந்நிருக்கிறேன். ஏக்பாத்தானிசு மலை மீதுள்ள மேதியருடைய இராஜேசு நகருக்கும் போயிருக்கிறேன். அங்கே நம் சகோதரரில் ஒருவனான கபேலுசு என்பவன் இருக்கிறான். நான் அவன் வீட்டிலே தங்கியுமிருக்கிறேன்" என்றார்.

⁹ அதைக்கேட்டுத் தோபி, "தயவுசெய்து சற்று நேரம் இங்கேயே இரு@ நான் போய் என் தந்தையிடம் இவற்றைத் தெரிவித்து விட்டு வருகிறேன்" என்றான்.

¹⁰ தோபி போய்த் தன் தந்தைக்கு அவற்றை எல்லாம் அறிவித்தான். இதைக் கேட்ட தந்தை வியப்புற்று அவரைத் தம்மிடம் அழைத்து வரும்படி கேட்டுக்கொண்டார்.

¹¹ எனவே அவரும் வந்து, "மகிழ்ச்சி உம்மோடு என்றும் இருப்பதாக" என்று தொபியாசை வாழ்த்தினார்.

¹² அதற்குத் தொபியாசு, "இருளில் உழன்றுக்கொன்டு விண்ணக ஒளியைக் காணாதிருக்கும் எனக்கு என்ன மகிழ்ச்சி!" என்று சொன்னார்.

¹³ அதற்கு அவர், "திடமாயிரும்@ கடவுள் விரைவில் உமக்கு நலம் அளிப்பார்" என்றார்.

¹⁴ தொபியாசு அவரை நோக்கி, "மேதியருடைய இராஜேசு நகரிலிருக்கிற கபேலுசிடம் என் மகனைக் கூட்டிச்செல்ல உன்னாலே கூடுமா? நீ திரும்பி வந்த பின் உனக்குக் கூலி தருவேன்" என்றார்.

¹⁵ கடவுளின் தூதர் அவரைப்பார்த்து, "நான் அவனை அழைத்துப் போய்த் திரும்பவும் உம்மிடம் கூட்டிவருவேன்" என்று மறுமொழி கூறினார்.

¹⁶ அதைக் கேட்ட தொபியாசு, "தம்பி, நீ யார்? எந்தக் குலத்தைச் சேர்ந்தவன்? தயவு செய்து சொல்" என, தூதர் அவரை நோக்கி, "உம் மகனுடன் போக ஒரு கூலியாளைத் தானே நீர் தேடுகிறீர்?

¹⁷ கூலியாளின் குலத்தைப் பற்றி உமக்குக் கவலை ஏன்? ஆயினும் நான் உமக்கு மனவருத்தம் கொடுக்க விரும்பவில்லை.

¹⁸ நான் பெரிய அனானியாசின் மகன்@ என் பெயர் அசாரியாசு" என்றார்.

¹⁹ அதற்குத் தொபியாசு, "நீ பெரிய குடும்பத்தில் தோன்றியவன். உனது குலத்தைப் பற்றி நான் அறிய விரும்பினதற்காகக் கோபம் கொள்ள வேண்டாம்" என்று வேண்டினார்.

²⁰ கடவுளின் தூதர் அவரை நோக்கி, "நான் உம் மகனை நலமே கூட்டிப் போய்த் திரும்பவும் நலமே உம்மிடம் கொண்டு வந்து சேர்ப்பேன்" என்றார்.

²¹ அதற்குத் தொபியாசு, "நல்லது, நலமே போய் வாருங்கள். உங்கள் பயணத்தின் போது கடவுள் உங்களோடு இருப்பாராக! அவருடைய தூதரும் உங்களுக்குத் துணையாய் இருப்பாராக!" என்று சொல்லி வாழ்த்தினார்.

²² பயணத்திற்குத் தேவையான அனைத்தும் தயாரனபின், தோபி தன் தாய் தந்தையிடம் விடை பெற்றான். இருவரும் புறப்பட்டு வழி நடந்தனர்.

²³ அவர்கள் புறப்பட்டுச் சென்றதும், அவனுடைய தாய் கண்ணீர் விட்டு அழுது, "நமது முதிர்ந்த வயதில் நமக்கு ஊன்றுகோலாய் இருக்க வேண்டிய மகனை நம்மை விட்டுத் தூரமாய்ப் போகும்படி ஏன் அனுப்பினீர்?

²⁴ பணத்தை வாங்குவதற்காக நீர் அவனை அனுப்பியிருக்கிறீரே@ அப்பணம் ஒருபோதும் இல்லாதிருந்திருந்தால் எவ்வளவோ நலமாயிருந்திருக்கும்!

²⁵ ஏனெனில் நமது ஏழ்மை நிலையே நமக்குப் போதுமென்று இருந்திருக்க வேண்டும்! நம் மகன் நம்மோடு இருப்பதே நமக்குப் பெரும் செல்வம் என்று எண்ணியிருந்திருக்க வேண்டும்!" என்றாள்.

²⁶ அதற்குத் தொபியாசு, "அழாதே, நம் மகன் நலமே சென்று நலமே நம்மிடம் திரும்பி வருவான்@ நீயும் அவனைக் கண்ணாரக் காண்பாய்.

²⁷ ஏனெனில், ஆண்டவருடைய நல்ல தூதர் அவனோடு இருக்கிறார் என்றும், நம் மகன் நம்மிடம் மகிழ்ச்சியோடு திரும்பும் பொருட்டு அவரே வேண்டிய எல்லாவற்றையும் நல்ல முறையிலே அவனுக்குச் செய்து முடிப்பார் என்றும் நான் நம்புகிறேன்" என்றார்.

²⁸ இவ்வார்த்தைகளைக் கேட்ட தோபியின் தாய் அழுவதை நிறுத்தி அமைதியுற்றாள்.