சீராக் ஆகமம் - பழைய ஏற்பாடு

¹ அயலான் காரியத்தில் அவனுக்கு நண்பனாய் இருப்பதற்குப் பதிலாய்ப் பகைவனாய் இராதே. ஏனென்றால், தீயவன் வெட்கத்தையும் நிந்தையையுமே உரிமை கொள்வான்@ பொறாமையுள்ளவனுக்கும் இரட்டை நாக்குடைய பாவிக்கும் அவ்வண்ணமே நேரும்.

² எருது போல் உன் ஆன்மீக எண்ணங்களில் அகந்தை கொள்ளாதே. ஏனென்றால், உன் வலிமை அறிவீனத்தால் சிதைந்து போகும்.

³ அகந்தை உன் நிலைகளைக் கெடுக்கும்@ உன் கனிகளை ஒழித்து விடும்@ நீ பாலைவனத்தில் நிற்கும் பட்ட மரத்தைப் போல விடப்படுவாய்.

⁴ ஏனென்றால், கெட்ட ஆன்மா எவனிடத்தில் இருக்கின்றதோ அது அவனைக் கெடுத்து, அவன் பகைவருக்கு மகிழ்ச்சியுண்டாக்க அவனைக் கையளித்து, அக்கிரமிகளின் நிலைக்கு அவனைக் கொண்டுபோம்.

⁵ இன்சொல் நண்பரைப் பெருகச் செய்யும்@ பகையாளிகளைச் சாந்தப்படுத்தும். இனிய சொல்லால் புண்ணியவானிடம் பல நலன்கள் உண்டாகும்.

⁶ பலர் உன் நண்பராய் இருக்கக் கடவார்கள். ஆனால், ஆயிரத்தில் ஒருவன் உன் ஆலோசனைக்காரனாய் இருக்கக்கடவான்.

⁷ உனக்கு நண்பன் வேண்டியிருக்கும் போது அவனை நன்கு ஆராய்ந்து தெரிந்துகொள். எளிதாய் அவன் மீது நம்பிக்கை வைக்காதே.

⁸ ஏனென்றால், தன்னலத்தை நாடும் நண்பனும் உண்டு@ அவன் உன் துன்ப காலத்தில் நிலைத்திருக்க மாட்டான்.

⁹ பகைவனாய்த் திரும்பும் நண்பனும் உண்டு@ பகையும் சச்சரவும் நிந்தையும் காண்பிக்கும் நண்பனும் உண்டு.

¹⁰ பந்தியில் அமர்ந்து சாப்பிடும் நண்பனும் உண்டு. ஆனால், அவன் ஆபத்துக் காலத்தில் நிலைப்பவனல்லன்.

¹¹ உறுதியாய் நிலைத்திருக்கும் நண்பனோ உன்னை ஒத்தவனாய் இருப்பான்@ உன் வீட்டில் உள்ளவர்களோடு விசுவாசமாய் நடந்து கொள்வான்.

¹² அவன் உனக்கு முன்பாகத் தன்னைத் தாழ்த்தினாலும், உன் கண்முன் நின்று மறைந்தாலும் உன் நல்ல நட்பு மாறாமல் இருக்கக் கடவது.

¹³ பகைவர்களினின்றும் விலக உன் நண்பனுக்கு உன்னைக் கையளி.

¹⁴ நம்பிக்கையுள்ள நண்பன் பலமான காவலுக்குச் சமம்@ அவனைக் கண்டடைந்தவன் செல்வத்தைக் கண்டவன் போலாவான்.

¹⁵ நம்பிக்கையுள்ள நண்பனுக்கு ஒப்பு ஒன்றும் இல்லை@ அவனது நம்பிக்கைக்கு எந்த அளவு பொன்னும் வெள்ளியும் நிகராகா.

¹⁶ நம்பிக்கையுள்ள நண்பன் வாழ்வைத் தரும் மருந்து போல் இருக்கிறான். ஆண்டவருக்கு அஞ்சுகிறவர்கள் அவனைக் கண்டடைவார்கள்.

¹⁷ கடவுளுக்கு அஞ்சுகிறவன் நல்ல நண்பனை உரிமையாக்கிக் கொள்வான். ஏனென்றால், அவனைப் போலவே அவன் நண்பனும் இருப்பான்.

¹⁸ மகனே, வாலிப முதல் நற்போதனைகளைப் பின்பற்றி நட@ அப்போது முதுமை வரையிலும் ஞானத்தைக் காண்பாய்.

¹⁹ உழுது விதைப்பவன் (அறுவடைக் காலத்துப்) பலன்களுக்காகக் காத்திருப்பது போல, நீயும் ஞானத்தைப் பயிற்சி செய்து அதன் நற்கனிகளுக்காகக் காத்திரு.

²⁰ அதைப் பயிரிடக் குறைந்த வேலை செய்வாய்@ அதன் கனிகளை வெகு விரைவில் உண்பாய்.

²¹ நல்லறிவில்லாத மனிதருக்கு ஞானம் எவ்வளவோ கசப்பாய் இருக்கிறது! அறிவீனன் அதன் மீது விருப்பம் கொள்ளான்.

²² இந்த ஞானம் அவனுக்கு மனிதர் பலத்தைச் சோதிக்கும் பாரமான கல் போலாகும். அவன் அதை எறிந்து விடத் தாமதியான்.

²³ ஏனென்றால், ஞானம் தன் பெயருக்கு ஒத்ததாய் இருக்கின்றது@ அது பலருக்கு வெளிப்படுத்தப்படவில்லை@ தெரிவிக்கப்பட்டவர்களிடத்திலேயோ அவர்களைக் கடவுள் முன் சேர்க்கும் வரையிலும் நிலைத்திருக்கின்றது.

²⁴ மகனே, கேள், அறிவுள்ள யோசனையை ஏற்றுக்கொள். என் யோசனையைத் தள்ளிவிடாதே.

²⁵ அதன் விலங்குகளில் உன் கால்களையும், அதன் சங்கிலிகளில் உன் கழுத்தையும் மாட்டிக்கொள்.

²⁶ குனிந்து, உன் தோளில் அதைச் சுமந்துகொள். அதன் கட்டுகளால் நீ சலிப்புக் கொள்ளாதே.

²⁷ உன் முழு இதயத்தோடு அதை அணுகிப்போ. முழு ஆற்றலுடன் அதன் நெறிகளைக் காப்பாற்று.

²⁸ அதைத் தேடினால் நீ கண்டடைவாய்@ அடைந்த பிறகு அதை விட்டு விடாதே.

²⁹ ஏனென்றால், இறுதிக் காலத்தில் அதில் இளைப்பாற்றியைக் காண்பாய். உனக்கு அது மகிழ்ச்சியாக மாறும்.

³⁰ அப்போது அதன் விலங்குகள் உன் பலத்திற்குக் காவலும், உன் ஆற்றலுக்கு அடித்தளமுமாய் இருக்கும். அதன் சங்கிலிகளோ மகிமையின் மேலாடை ஆகும்.

³¹ ஏனென்றால், வாழ்வின் அழகே அதில் உண்டு. அதன் விலங்குகள் குணப்படுத்தும் கட்டுகளாம்.

³² மகிமையின் மேலாடையால் அதைப் போர்த்துவாய்@ ஆனந்தத்தின் முடியாக உன் தலையில் தரித்துக் கொள்வாய்.

³³ மகனே, நான் சொல்வதை நீ கவனிப்பாயாகில் கற்றறிந்து கொள்வாய்@ அதில் உன் மனத்தைச் செலுத்துவாயாகில் ஞானியாவாய்.

³⁴ செவி கொடுப்பாயாகில் அறிவடைவாய்@ கேட்க விருப்பம் கொள்வாயாகில் ஞானியாவாய்.

³⁵ ஞானமுள்ள முதியோருடைய சங்கத்தில் சேர்ந்து கொள். கடவுளைப்பற்றிய அனைத்தும் அறிய வேண்டி, அவர்கள் ஞானத்திற்கு மனம் கொண்டு ஒத்திரு. புகழ்ச்சிக்குரிய அவர்கள் உரையாடல் உன்னை விட்டு அகலாது.

³⁶ அறிவாளியைக் கண்டால் அவனுடன் மிக விரைவில் பழகு. அவன் வாயிற் படிகளை உன் கால் மிதிக்கக்கடவது.

³⁷ கடவுள் கட்டளைகளில் உன் எண்ணத்தைச் செலுத்தி, அவைகளில் வெகு கவனமாய் இரு. அவர் உனக்கு நன்மனத்தைக் கொடுப்பார். ஞானத்தின் ஆசையும் உனக்கு அளிக்கப்படும்.