சங்கீதங்கள் - பழைய ஏற்பாடு

¹ திருமலை மீது தாம் அமைத்த இல்லத்தின் மேல் ஆண்டவர் பற்றுக் கெண்டிருக்கிறார்.

² யாக்கோபின் கூடாரங்களை விட சீயோனின் வாயில்கள் மீது அதிக அன்பு வைத்திருக்கிறார்.

³ இறைவனின் திருநகரே, உன்னைக் குறித்து மாண்புமிக்க செய்திகள் கூறப்படுகின்றன.

⁴ என்னை வழிபடுபவர்களோடு ராகாபையும் பாபிலோனையும் சேர்த்துக் கொள்வேன்: இதோ பிலிஸ்தேயா, தீர், எத்தியோப்பிய மக்களைக் குறித்து, ~இவர்களும் அங்கே பிறந்தனர்~ என்பர்.

⁵ சீயோனைக் குறித்து, ~இன்னானின்னான் அதிலே பிறந்தான்: உன்னதமானவர் தாமே அதை உறுதிப்படுத்தினார்~ என்று சொல்லப்படும்.

⁶ மக்களினங்களைப் பதிவு செய்யும் போது, ~இன்னார் இங்கே பிறந்தனர்~ என்று எழுதுவார்.

⁷ என் ஊற்றுகளெல்லாம் உன்னிடத்திலே உள்ளன~ என்று நடனமாடி அனைவரும் பாடுவர்.