சங்கீதங்கள் - பழைய ஏற்பாடு

¹ அல்லேலூயா! நெஞ்சே நீ ஆண்டவரைப் புகழ்வாய்.

² என் வாழ்நாளில் ஆண்டவரைப் புகழ்வேன்: என் உயிருள்ள வரையில் நான் கடவுளுக்குப் புகழ் பாடுவேன்.

³ தலைவர்களிடம் நம்பிக்கை வையாதீர்கள்: மனிதனை நம்ப வேண்டாம்@ அவனால் மீட்பு இல்லை.

⁴ அவனுடைய ஆவி பிரிய, தான் தோன்றிய மண்ணுக்கே திரும்புகிறான்: அப்போது அவன் திட்டங்கள் எல்லாம் பாழாகும்.

⁵ யாக்கோபின் இறைவன் யாருக்குத் துணை புரிகிறாரோ அவன் பேறுபெற்றவன்: தம் கடவுளாகிய ஆண்டவர் மீது நம்பிக்கை வைப்பான்.

⁶ அவரே வானத்தையும் வையத்தையும் கடலையும், அவற்றிலுள்ள அனைத்தையும் உண்டாக்கினார்: அவர் என்றென்றும் சொல் தவறாதவர்.

⁷ துன்புறுத்தப்படுவோர்க்கு நீதி வழங்குகிறார்: பசியுற்றோர்க்கு உணவளிக்கிறார்@ சிறைப்பட்டவர்களை ஆண்டவர் விடுவிக்கிறார்.

⁸ குருடருடைய கண்களை ஆண்டவர் திறந்து விடுகிறார்@ தாழ்த்தப்பட்டவர்களை ஆண்டவர் தூக்கி விடுகிறார்@ நீதிமான்கள் மீது ஆண்டவர் அன்பு கூர்கிறார்.

⁹ அந்நியரை ஆண்டவர் காப்பாற்றுகிறார்@ அனாதைகளையும் விதவைகளையும் ஆதரிக்கிறார்: பாவிகளின் திட்டங்களைக் கலைத்து விடுகிறார்.

¹⁰ நித்தியத்துக்கும் ஆண்டவர் அரசாள்வார்: சீயோனே, உன் இறைவன் தலைமுறை தலைமுறையாக ஆள்வார்.