எரேமியாஸ் ஆகமம் - பழைய ஏற்பாடு

¹ யெருசலேமின் தெருக்களில் இங்குமங்கும் ஓடிச் சுற்றித் தேடி உற்றுப் பாருங்கள்@ அதன் பொதுவிடங்களில் தேடி, நீதியைக் கடைப்பிடித்து உண்மையைத் தேடுபவன் எவனாவது உண்டோ என்று பாருங்கள்: அவனை முன்னிட்டுப் பட்டணத்துக்கு மன்னிப்பு அளிப்போம்.

² உயிருள்ள ஆண்டவர்மேல் ஆணை!" என்று சொல்லி, அவர்கள் ஆணையிடலாம்@ ஆனால் அது பொய்யாணை.

³ ஆண்டவரே, உம் கண்கள் நேர்மையையன்றோ தேடுகின்றன? நீர் அவர்களைத் தண்டித்தீர்@ ஆயினும் அவர்கள் மனம் வருந்தவில்லை@ நீர் அவர்களை நசுக்கினீர்@ அவர்களோ திருத்தத்தை ஏற்க மறுத்து விட்டனர்@ தங்கள் முகத்தைக் கல்லினும் கடியதாக்கிக் கொண்டனர்@ மனம் வருந்த மறுத்து விட்டார்கள்.

⁴ அப்போது நான் சொன்னேன்: "இவர்கள் எளியவர்கள், அறிவில்லாதவர்கள்@ இவர்கள் ஆண்டவரின் வழிகளை அறியாதவர்கள்@ தங்கள் கடவுளின் சட்டத்தைக் கற்காதவர்கள்@

⁵ ஆதலால் நான் பெரியோர்களிடம் போய்ப் பேசுவேன்@ ஏனெனில், அவர்கள் ஆண்டவரின் வழியை அறிந்தவர்கள்@ தங்கள் கடவுளின் சட்டத்தைக் கற்றவர்கள்." ஆயினும் அவர்கள் கூட நுகத்தை முறித்தார்கள்@ கட்டுகளை அறுத்தெறிந்தார்கள்.

⁶ ஆதலால், காட்டுச் சிங்கம் அவர்களைக் கொன்றுவிடும்@ பாலை நிலத்து ஓனாய் அவர்களை நாசமாக்கும்@ வேங்கை அவர்கள் பட்டணங்கள் மீது கண்ணோக்குகிறது@ அங்கிருந்து வெளியேறும் எவனையும் அது கிழித்தெறியும். ஏனெனில் அவர்களின் துரோகங்கள் மிகப் பல@ அவர்கள் பல முறை ஆண்டவரை விட்டகன்றனர்.

⁷ நாம் உங்களை மன்னிப்பது எப்படி? உங்கள் மக்கள் நம்மைக் கைவிட்டார்கள்@ கடவுளல்லாதவர்கள் பேரால் ஆணையிட்டார்கள்@ நாம் அவர்களை வயிராற உண்பித்தோம்@ அவர்கள் விபசாரம் பண்ணினார்கள்@ விலைமாதர் வீடுகளுக்குக் கூட்டங் கூட்டமாய்ப் போனார்கள்.

⁸ குறையின்றித் தீனி தின்னும் அடங்காக் குதிரைகள் போல் ஒவ்வொருவனும் தன் இனத்தான் மனைவியின் பின்னே கனைக்கிறான்.

⁹ இந்த அக்கிரமங்களுக்காக அவர்களைத் தண்டிக்க மாட்டோமா? இத்தகைய மக்கள் மேல் பழிதீர்த்துக் கொள்ளாமல் விடுவோமா? என்கிறார் ஆண்டவர்.

¹⁰ சுவர்கள் மேல் ஏறுங்கள்@ அவற்றையெல்லாம் அழியுங்கள்@ ஆனால் முற்றிலும் அழித்து விடாதீர்கள்@ அவளுடைய கிளைகள் ஆண்டவருடையவை அல்ல@ ஆதலால் அவற்றைப் பிய்த்தெறியுங்கள்.

¹¹ ஏனெனில் இஸ்ராயேல் வீடும் யூதா வீடும் எனக்குக் கொஞ்சம் கூடப் பிரமாணிக்கமாய் இல்லை, என்கிறார் ஆண்டவர்.

¹² அவர்கள் தங்கள் ஆண்டவரை மறுதலித்தனர்@ ~அவர் ஒன்றுமில்லை, நமக்கு யாதோர் இடையூறும் வராது, வாளையும் பஞ்சத்தையும் நாம் பார்க்கப் போகிறதில்லை@

¹³ இறைவாக்கினர்கள் பேசுவது வீண், இறைவனின் வாக்கு இவர்களுக்குத் தரப்படவில்லை, இவர்கள் சொல்வது இவர்களுக்கே நேரிடட்டும்!" என்று சொன்னார்கள்.

¹⁴ ஆகையால், சேனைகளின் கடவுளாகிய ஆண்டவர் கூறுகிறார்: "அவர்கள் அவ்வாறு பேசினமையால், இதோ அக்கினி மயமான நம் வார்த்தைகளை உன் வாயில் ஊட்டுவோம்@ அவை கட்டைகளாகிய இம்மக்களைச் சுட்டெரிக்கும்@

¹⁵ இஸ்ராயேல் வீடே, உனக்கு விரோதமாகத் தொலைவிலிருந்து ஓர் இனத்தை அழைத்து வருவோம்@ அது வல்லமை பொருந்திய இனம்@ நெடுங்காலத்திலிருந்து நிலைத்திருக்கும் இனம்@ அதன் மொழி உனக்குத் தெரியாது. அவர்கள் பேசுவதும் உனக்குப் புரியாது, என்கிறார் ஆண்டவர்.

¹⁶ அதன் அம்பறாத் தூணியோ கல்லறை போன்றது@ அவர்கள் அனைவரும் போர்த் திறமை வாய்ந்தவர்கள்@

¹⁷ அவர்கள் நீ வைத்திருக்கும் தானியங்களையும், சாப்பிட வைத்திருக்கும் அப்பத்தையும் உண்டு தீர்ப்பார்கள்@ உன் புதல்வர், புதல்வியரை விழுங்குவார்கள்@ ஆட்டுக் கிடைகளையும், மாட்டு மந்தையையும் கொன்றொழிப்பார்கள்@ திராட்சைக் கொடியையும், அத்திமரங்களையும் தீர்த்து விடுவார்கள்@ நீ நம்பிக்கை வைத்திருந்த அரண் சூழ்ந்த உன் பட்டணங்களையும் வாளால் அழிப்பார்கள்.

¹⁸ ஆயினும் அந்நாட்களில் உங்களை முற்றிலும் நாம் அழித்து விட மாட்டோம், என்கிறார் ஆண்டவர்.

¹⁹ அவர்கள்: ~எங்கள் கடவுளாகிய ஆண்டவர் எங்களுக்கு இவற்றையெல்லாம் ஏன் செய்தார்?~ என்று கேட்பார்களாகில், நீ அவர்களுக்கு இவ்வாறு மறுமொழி சொல்: ~ நீங்கள் நம்மைக் கைவிட்டு விட்டு உங்கள் சொந்த நாட்டில் அந்நிய தெய்வங்களை வணங்கியது போல, நாம் உங்களை அந்நிய நாட்டில் அந்நியர்க்கு ஊழியஞ் செய்ய வைப்போம்."

²⁰ யாக்கோபு வீட்டார்க்கு இதைச் சொல்லுங்கள்@ யூதா நாட்டில் இதனை அறியப் படுத்துங்கள்:

²¹ அறிவற்ற மக்களே, உணர்வற்றவர்களே, கேளுங்கள்: உங்களுக்குக் கண்ணிருந்தும் நீங்கள் பார்க்கிறதில்லை, காதிருந்தும் நீங்கள் கேட்கிறதில்லை.

²² ஆண்டவர் கேட்கிறார்: நீங்கள் நமக்கு அஞ்சுவதில்லையோ? நம் முன்னிலையில் நீங்கள் நடுங்குவதில்லையா? கடலுக்கு வரம்பாக நாம் மணலை வைத்தோம், அந்த வரம்பை என்றென்றைக்கும் அது கடக்க முடியாது@ அலைகள் அடித்தாலும் அதை மேற்கொள்வதில்லை@ சீறி எழுந்தாலும் அதை மீறி வருவதில்லை.

²³ ஆனால் இம் மக்களோ, கடின உள்ளமும் அடங்காத இதயமும் கொண்டவர்கள்@ நம் சொல்லுக்கடங்காமல் நம்மை விட்டகன்றார்கள்.

²⁴ தக்க பருவகாலத்தில் முன் மாரி பின் மாரி மழையை நமக்கு அனுப்பி ஆண்டு தோறும் மிகுந்த விளைவு தரும், நம் கடவுளாகிய ஆண்டவருக்கு அஞ்சி நடப்போம்~ என்று இம் மக்கள் நினைக்கவே இல்லை.

²⁵ அத்தகைய நல்லெண்ணங்களை விலக்கி, உங்களுக்கு நன்மை வராமல் தடுத்தவை நீங்கள் செய்த பாவ அக்கிரமங்களே.

²⁶ ஏனெனில் குருவி பிடிக்கிற வேடர்கள் கண்ணி வைப்பது போல, சில அக்கிரமிகள் நம் மக்கள் நடுவில் தோன்றி, படுகுழி வெட்டி மனிதரை வீழ்த்துகிறார்கள்.

²⁷ பறவைகளால் நிறைந்த வலை போல் அவர்கள் வீடு சூழ்ச்சிகளால் நிறைந்துள்ளது@ இவ்வாறு அவர்கள் பெரியவர்களாகவும் செல்வர்களாகவும் ஆனார்கள்.

²⁸ அவர்கள் கொழுத்துப் பருத்தார்கள்@ அவர்கள் செய்த தீய செயல்களுக்குக் கணக்கில்லை: வழக்குகளை நீதியுடன் விசாரிப்பதில்லை, பெற்றோரை இழந்தவர்களுக்கு வாழ வழி செய்வதில்லை, ஏழைகளின் உரிமைகளைக் காப்பதுமில்லை.

²⁹ இவற்றுக்காக அவர்களைத் தண்டியாமல் விடுவோமோ? இத்தகைய மக்களைப் பழிதீர்க்காமல் இருப்போமோ? என்று கேட்கிறார் ஆண்டவர்."

³⁰ திகைத்துத் திடுக்கிடும் நிகழ்ச்சி நாட்டிலே நடக்கிறது:

³¹ தீர்க்கதரிசிகள் பொய் வாக்குரைக்கின்றனர்@ அர்ச்சகர்கள் அவர்கள் சொற்படி ஆளுகிறார்கள்@ மக்களும் அதைக் கண்டு மகிழ்கிறார்கள்@ ஆனால் முடிவு வரும் போது என்ன செய்வீர்கள்?