எரேமியாஸ் ஆகமம் - பழைய ஏற்பாடு

¹ மீண்டும் ஆண்டவரின் வாக்கு எரெமியாசுக்கு அருளப்பட்டது:

² இஸ்ராயேலின் கடவுளாகிய ஆண்டவர் கூறுகிறார்: நாம் உனக்குச் சொன்ன வாக்கியங்களை எல்லாம் ஒரு புத்தகத்தில் எழுது@

³ ஏனெனில் இதோ, நாட்கள் வரும்@ நம் மக்களாகிய இஸ்ராயேலுக்கும் யூதாவுக்கும் மீண்டும் முன்பு போல வளவாழ்வு தருவோம், என்கிறார் ஆண்டவர்@ அவர்களுடைய முன்னோர்க்கு நாம் கொடுத்திருந்த நாட்டுக்கு அவர்களைத் திரும்ப அழைத்து வருவோம்@ அவர்கள் அதனை உடைமையாக்கிக் கொள்வார்கள், என்கிறார் ஆண்டவர்."

⁴ இஸ்ராயேலையும் யூதாவையும் குறித்து ஆண்டவர் சொன்ன வார்த்தைகள் இவையே:

⁵ ஆண்டவர் கூறுகிறார்: அச்சத்தின் ஒலியைக் கேட்டோம்@ பீதியின் ஒலி தான்! சமாதானத்தின் குரலன்று.

⁶ ஆண் மகன் எவனாவது பிள்ளை பெறுவதுண்டோ என்று கேட்டுப்பாருங்கள்@ இல்லையெனில், ஆண்கள் யாவரும் பிரசவிக்கும் பெண்களைப் போல, தங்கள் இடையில் கை வைத்திருப்பானேன்? எல்லா முகமும் வெளுத்துப் போயிருப்பதேன்?

⁷ ஐயோ! அந்த நாள் மிகப்பெரிய நாள்! அதற்குச் சமமான நாளில்லை@ யாக்கோபுக்கு அது துன்பத்தின் காலம்@ ஆயினும் அதிலிருந்து மீளுவான்.

⁸ சேனைகளின் ஆண்டவர் கூறுகிறார்: அந்நாளில் அவன் கழுத்தில் இருக்கும் நுகத்தடியை அவன் கழுத்தினின்று எடுத்து முறிப்போம்@ அவனுடைய விலங்குகளைத் தறிப்போம்@ இனி அந்நியர் அவனை ஆளமாட்டார்கள்.

⁹ அப்போது அவர்கள் தங்கள் கடவுளாகிய ஆண்டவருக்கும், நாம் அவர்களுக்கு அளிக்கும் தாவீது அரசனுக்கும் ஊழியம் செய்வார்கள்.

¹⁰ ஆதலால், நம் ஊழியனாகிய யாக்கோபே, அஞ்சாதே@ இஸ்ராயேலே, பயப்படாதே, என்கிறார் ஆண்டவர்@ ஏனெனில் இதோ, நம் தொலைநாட்டினின்று உன்னை மீட்போம்@ உன் சந்ததியையும் அடிமைத் தனத்தினின்று விடுவிப்போம்@ அப்போது யாக்கோபு திரும்பி வந்து இளைப்பாறுவான்@ அவனை அச்சுறுத்துபவனோ ஒருவனுமிரான்.

¹¹ ஏனெனில் உன்னை மீட்க நாம் உன்னோடு இருக்கிறோம், என்கிறார் ஆண்டவர்: எந்த மக்கள் நடுவில் நீ சிதறடிக்கப்பட்டு வாழ்ந்தாயோ, அந்த மக்கள் அனைவரையும் நாம் முற்றிலும் அழிப்போம்@ ஆனால் உன்னை நாம் முற்றிலும் அழிக்கமாட்டோம்@ நீதியான அளவில் உன்னைத் தண்டிப்போம், முற்றிலுமே உன்னை தண்டிக்காமல் விட மாட்டோம்.

¹² ஆண்டவர் மீண்டும் கூறுகிறார்: உன் காயம் ஆறாது, உன் புண் மிகவும் கொடியது@

¹³ உன் காயத்தைக் கட்டுவார் ஒருவருமில்லை, உன் காயங்களை ஆற்றுவதற்கு மருந்தே இல்லை.

¹⁴ உன் காதலர்கள் அனைவரும் உன்னை மறந்து விட்டார்கள்@ அவர்கள் உன்னைத் தேடுகிறதே இல்லை@ நாமோ மாற்றானைத் தாக்குவது போல் உன்னைத் தாக்கினோம்@ இரக்கமற்ற பகைவனைப் போலத் தண்டித்தோம்@ ஏனெனில் உன் அக்கிரமம் மிகப்பெரியது@ உன் பாவங்கள் மிக மோசமானவை.

¹⁵ நீ நசிந்து போனதாய் ஏன் கூவுகிறாய்? உன் நோய் தீருவது இயலாத ஒன்று@ ஏனெனில் உன் அக்கிரமம் மிகப்பெரியது@ உன் பாவங்கள் மிக மோசமானவை. எனவே தான் இவற்றையெல்லாம் செய்தோம்.

¹⁶ ஆதலால் உன்னை விழுங்குகிறவர்கள் விழுங்கப்படுவார்கள்@ உன் பகைவர் அனைவரும் அடிமைகளாய் அழைத்துப் போகப் படுவார்கள்@ உன்னை அழிக்கிறவர்கள் அழிக்கப்படுவார்கள்@ உன்னைக் கொள்ளையடிப்பவர்களை நாம் கொள்ளைப் பொருளாக்குவோம்.

¹⁷ அவர்கள், ~சீயோன் தள்ளுண்டவள்@ அவளுக்காக யாரும் கவலைப்படவில்லை~ என்கிறார்கள்@ நாமே உனக்கு நலத்தைத் திருப்பிக் கொடுப்போம்@ உன் காயங்களை நாமே ஆற்றுவோம், என்கிறார் ஆண்டவர்.

¹⁸ மீண்டும் ஆண்டவர் கூறுகிறார்: நாம் யாக்கோபின் கூடாரங்களைத் திரும்ப நிலை நாட்டுவோம்@ அவன் வீடுகளின் மீது இரக்கம் காட்டுவோம்@ நகரம் தன் மலையின் மேல் மீண்டும் கட்டப்படும்@ அரண்மனையும் முன்னிருந்த இடத்தில் அமைக்கப்படும்@

¹⁹ அவர்களிடமிருந்து நன்றிக் கீதங்கள் எழும்பி வரும்@ மகிழ்ச்சி கொண்டாடுவோரின் குரல்கள் கேட்கும்@ நாம் அவர்களைப் பலுகச் செய்வோம்@ அவர்கள் எண்ணிக்கையில் குறையமாட்டார்கள்@ நாம் அவர்களை மகிமைப்படுத்துவோம்@ இனி அவர்கள் சிறுமையடைய மாட்டார்கள்.

²⁰ அவர்களுடைய பிள்ளைகள் முன்னாளில் இருந்தது போலவே இருப்பார்கள்@ அவர்களுடைய சபை நம் முன்னிலையில் நிலைநாட்டப்படும்@ அவர்களைத் துன்புறுத்துவோர் அனைவரையும் தண்டிப்போம்.

²¹ அவர்களின் தலைவன் அவர்களுள் ஒருவனாகவே இருப்பான்@ அவர்களை ஆளுபவன் அவர்கள் நடுவினின்றே தோன்றுவான்@ அவன் நம்மை அணுகும்படி செய்வோம்@ அவனும் நம்மை அணுகி வருவான்@ ஏனெனில் தானாகவே நம்மை அணுகி வரத் துணிபவன் எவன்? என்கிறான் ஆண்டவர்.

²² நீங்கள் நம் மக்களாய் இருப்பீர்கள்@ நாம் உங்கள் கடவுளாய் இருப்போம்.

²³ இதோ, ஆண்டவருடைய கடும் புயல்! சூறாவளிக் காற்றுப் போல் அவர் கோபம் எழும்பியுள்ளது@ அது தீயவர்களின் தலை மேல் கடுமையாய் மோதும்.

²⁴ ஆண்டவரின் கடுங்கோபம், அவர் மனதில் நினைத்திருக்கும் எண்ணங்களையெல்லாம் செய்து முடித்து நிறைவேற்றாத வரையில், திரும்பாது@ கடைசி நாளில் இதைக் கண்டுணர்வீர்கள்.