எரேமியாஸ் ஆகமம் - பழைய ஏற்பாடு

¹ "நமது மேய்ச்சலின் ஆடுகளைச் சிதறடித்துப் பாழாக்கும் ஆயர்களுக்கு ஐயோ கேடு!" என்கிறார் ஆண்டவர்.

² நம் மக்களாகிய மந்தையை நடத்தும் ஆயர்களுக்கு இஸ்ராயேலின் கடவுளாகிய ஆண்டவர் உரைக்கும் வாக்கு இதுவே: "நீங்கள் நமது மந்தையைச் சிதறடித்தீர்கள்@ அவர்களைத் துரத்தினீர்கள்@ அவர்களுக்குப் பணிவிடை புரியவில்லை. ஆதலால் உங்கள் செயல்களின் கெடுதிக்கேற்ற தண்டனையை உங்கள் மேல் வருவிப்போம், என்கிறார் ஆண்டவர்.

³ பின்னர், நாம் நமது மந்தையில் மீதியாயிருக்கும் ஆடுகளை, அவை சிதறியுள்ள நாடுகள் அனைத்தினின்றும் சேர்த்து, அவற்றின் கழனிகளுக்குத் திரும்ப அழைத்து வருவோம்@ அங்கு அவை பெருகிப் பலுகும்.

⁴ அவற்றைக் கண்கானிக்கப் புதிய ஆயர்களை ஏற்படுத்துவோம்@ இவர்கள் அவற்றை மேய்ப்பார்கள்@ அவை இனிப் பயப்படுவதுமில்லை@ திகிலடைவதுமில்லை@ காணாமற்போவதுமில்லை, என்கிறார் ஆண்டவர்.

⁵ நாட்கள் வருகின்றன- ஆண்டவர் கூறுகிறார்- நீதியுள்ள ~தளிரை~ தாவீதுக்குப் பிறப்பிப்போம்@ அரசராக இருந்து அவர் ஆட்சி செய்வார்@ அவர் ஞானமுள்ளவராய் இருப்பார்@ நாட்டில் நியாயத்தையும் நீதியையும் செலுத்துவார்.

⁶ அந்நாட்களில் யூதா மீட்புப் பெறும்@ இஸ்ராயேல் நம்பிக்கையோடு வாழும்@ ~ஆண்டவர் நமது நீதி~ என்பதே அவருக்குப் பெயராய் வழங்கும்.

⁷ ஆதலால், இதோ நாட்கள் வருகின்றன, என்கிறார் ஆண்டவர்@ அந்நாட்களில், ~எகிப்து நாட்டினின்று இஸ்ராயேல் மக்களை மீட்டு வந்த ஆண்டவரின் உயிர் மேல் ஆணை~ என்று இனி சொல்ல மாட்டார்கள்@

⁸ வட நாட்டினின்றும், அவர்கள் துரத்தப்பட்டிருந்த எல்லா நாடுகளினின்றும், இஸ்ராயேல் வீட்டாரின் சந்ததியை மீட்டுத் திரும்ப அழைத்து வந்த ஆண்டவரின் உயிர் மேல் ஆணை~ என்றே இனிச் சொல்வார்கள்@ அப்போது அவர்கள் தங்கள் சொந்த நாட்டில் வாழ்வார்கள்."

⁹ தீர்க்கதரிசிகளைப் பற்றிய இறைவாக்கு: என் இதயம் எனக்குள்ளே நைந்து போகின்றது@ என் எலும்புகள் கலகலத்துப் போகின்றன@ ஆண்டவரை முன்னிட்டும், அவருடைய பரிசுத்த வாக்கியங்களை முன்னிட்டும் நான் போதையடைந்த குடியன் போலவும், மதுவினால் மயங்கிய மனிதன் போலவுமானேன்.

¹⁰ ஏனெனில் நாடு விபசாரிகளால் நிறைந்திருக்கிறது@ சாபச் சொற்களை முன்னிட்டு அழுகிறது@ புல் வெளிகள் உலர்ந்த காடாயின@ அவர்கள் தீமை செய்துகொண்டே வருகின்றார்கள்@ அவர்கள் தீமையில் வலிமை வாய்ந்தவர்கள்.

¹¹ தீர்க்கதரிசியும் அர்ச்சகரும் கடவுட்பற்று அற்றவர்கள்@ நம் கோயிலில் அவர்கள் செய்யும் தீமையைக் கண்டோம், என்கிறார் ஆண்டவர்.

¹² ஆகையால் அவர்களுடைய வழி இருளில் இருக்கும், வழுக்கு வழி போல் ஆகும்@ அங்குத் தள்ளுண்டு விழுவார்கள்@ அவர்கள் விசாரிக்கப்படும் ஆண்டில் அவர்கள் மேல் தீமைகளைப் பொழிவோம், என்கிறார் ஆண்டவர்.

¹³ சமாரியாவின் தீர்க்கதரிசிகளிடம் மூடத் தனத்தைக் கண்டோம்@ அவர்கள் பாகால் பெயரால் தீர்க்கதரிசனம் உரைத்து, நம் இஸ்ராயேல் மக்களை வஞ்சித்தார்கள்.

¹⁴ யெருசலேமின் தீர்க்கதரிசிகளிடமும் வெறுப்புக்குரியதைக் கண்டோம்@ அவர்கள் விபசாரம் செய்கின்றனர்@ பொய்யில் நடக்கிறார்கள்@ தீயோருடைய மனத்திற்கு ஊக்கம் தருகிறார்கள்@ அதனால் எவனும் தன் தீநெறியை விட்டுத் திரும்புவதில்லை. அவர்கள் எல்லாரும் எனக்குச் சோதோமைப் போல் ஆனார்கள்@ அதன் குடிகள் கொமோராவைப் போல் ஆனார்கள்."

¹⁵ ஆகவே சேனைகளின் ஆண்டவர் தீர்க்கதரிசிகளைக் குறித்துக் கூறுவது இதுவே: "இதோ, அவர்களுக்கு உண்ண எட்டியையும், குடிக்க நஞ்சு கலந்த நீரையும் கொடுப்போம்@ யெருசலேமின் தீர்க்கதரிசிகளிடம் இருந்தே கடவுட்பற்றின்மை நாடெங்கும் பரவிற்று."

¹⁶ சேனைகளின் ஆண்டவர் கூறுகிறார்: "உங்களுக்குத் தீர்க்கதரிசனம் சொல்லி வீண் நம்பிக்கைகளை உங்களுக்குத் தந்து, உங்களை மயக்கும் தீர்க்கதரிசிகளின் வார்த்தைகளுக்குக் காது கொடாதீர்கள்@ அவர்கள் பேசுவது ஆண்டவருடைய வாய்மொழியன்று@ அவர்களுடைய சொந்த மனக்காட்சியே ஆகும்.

¹⁷ நம்மைப் பழித்துரைப்பவர்களைப் பார்த்து அவர்கள், ~உங்களுக்குச் சமாதானம்~ என்கிறார் ஆண்டவர் என்று சொல்லி வருகிறார்கள்@ தன் தீயமனம் போலப் பிடிவாதமாய் நடக்கிற எவனுக்கும், ~ உங்களுக்குத் தீமை நேராது~ என்கிறார்கள்,"

¹⁸ ஆனால் ஆண்டவரின் ஆலோசனைக் குழுவில் இருந்தவன் யார்? அவருடைய வார்த்தையைப் பார்த்தவன் யார்? கேட்டவன் யார்? அவருடைய வாக்கியத்தைக் கவனித்துக் கேட்டவன் யார்?

¹⁹ இதோ, ஆண்டவருடைய கோபத்தின் சூறாவளி எழும்பும், அக்கிரமிகள் தலை மேல் கொடிய புயலடிக்கும்@

²⁰ ஆண்டவருடைய கடுஞ்சினம் அவர்தம் இதய எண்ணங்களைச் செயல்படுத்தி முடிக்கும் வரை தணியாது@ இதை நீங்கள் கடைசி நாட்களில் அறிவீர்கள்.

²¹ நாம் தீர்க்கதரிசிகளை அனுப்பவில்லை@ அவர்களாகவே ஓடினார்கள்@ நாம் அவர்களிடத்தில் பேசினதுமில்லை@ அவர்களாகவே தீர்க்கதரிசனம் சொன்னார்கள்.

²² அவர்கள் நமது ஆலோசனைக் குழுவிலே இருந்திருந்தால், நம் வாக்கியங்களை நம் மக்களுக்கு அறிவித்து, மெய்யாகவே அவர்களை அவர்களுடைய தீய வழியினின்றும், தீய எண்ணங்களினின்றும் விலக்கியிருப்பார்கள்.

²³ தாம் அருகில் இருக்கும் போது தான் கடவுளா? தொலைவில் இருக்கும் போதும் கடவுள் அல்லவா? என்கிறார் ஆண்டவர்.

²⁴ நம் கண்களுக்குப் புலப்படாதபடி மனிதன் மறைவிடங்களில் ஒளிந்துகொள்ள முடியுமா? என்கிறார் ஆண்டவர். நாம் வானத்தையும் பூமியையும் நிரப்பிக் கொண்டுள்ளோமன்றோ? என்கிறார் ஆண்டவர்.

²⁵ நமது திருப்பெயரால் பொய்களைச் சொல்லி, ~கனவு கண்டேன், கனவு கண்டேன்~ என்று தீர்க்கதரிசிகள் சொன்னவற்றைக் கேட்டோம்.

²⁶ பொய் உரைத்துத் தங்கள் இதய வஞ்சனையைத் தீர்க்க தரிசனமாய்ச் சொல்லும் தீர்க்கதரிசிகளின் மனத்தில் இந்தப் பொய் எவ்வளவு காலத்திற்கு இருக்கும்?

²⁷ அவர்களுடைய முன்னோர்கள் பாகாலை முன்னிட்டு நமது பெயரை மறந்தது போல், ஒவ்வொருவனும் தன் அயலானுக்குத் தன்னுடைய கனவுகளைச் சொல்லி, நம் மக்கள் நமது பெயரை மறக்கும்படி செய்ய நினைக்கிறானே!

²⁸ கனவு கண்ட தீர்க்கதரிசி தன் கனவைச் சொல்லட்டும்@ நமது வாக்கியத்தைக் கேட்கிறவன் நம் வாக்கியத்தை நேர்மையோடு பேசட்டும். "கோதுமைக்கும் வைக்கோலுக்கும் ஒப்புமை என்ன? என்கிறார் ஆண்டவர்.

²⁹ நம்முடைய வார்த்தை நெருப்பைப் போன்றதன்றோ? கற்பாறை நொறுக்கும் சம்மட்டியைப் போன்றதன்றோ? என்கிறார் ஆண்டவர்.

³⁰ ஆகையால் இதோ, ஒருவனிடமிருந்து ஒருவர் நம் வார்த்தைகளைத் திருடுகிற தீர்க்க தரிசிகளுக்கு விரோதமாய் நாம் இருக்கிறோம், என்கிறார் ஆண்டவர்.

³¹ இதோ, தங்கள் நாவைப் பயன்படுத்தி, ~ஆண்டவர் கூறுகிறார்~ என்று பேசுகிற தீர்க்கதரிசிகளுக்கு நாம் எதிராய் இருக்கிறோம், என்கிறார் ஆண்டவர்.

³² இதோ, பொய்க் கனவுகளைத் தீர்க்கதரிசனமாய் உரைத்துத் தங்கள் பொய்களாலும் நடிப்புகளாலும் நம் மக்களை மயக்குகின்ற தீர்க்கதரிசிகளுக்கு நாம் விரோதமாய் இருக்கிறோம், என்கிறார் ஆண்டவர்@ ஏனெனில் நாம் அவர்களை அனுப்பவுமில்லை@ அவர்களுக்கு ஆணை தந்ததுமில்லை@ அவர்களால் இந்த மக்களுக்கு ஒரு பயனுமில்லை, என்கிறார் ஆண்டவர்.

³³ இந்த மக்களாவது, ஒரு தீர்க்கதரிசியாவது, ஓர் அர்ச்சகராவது, ~ஆண்டவருடைய சுமை என்ன?~ என்று உன்னிடம் கேட்டால், ~ நீங்களே அவருடைய சுமை, உங்களை எறிந்து விடுவோம் என்கிறார் ஆண்டவர்~ என்று நீ அவர்களுக்குச் சொல்:

³⁴ ஆண்டவருடைய சுமை~ என்று தீர்க்கதரிசியோ, அர்ச்சகரோ, மக்களுள் ஒருவனோ சொன்னால், நாம் அவனையும் அவன் வீட்டையும் தண்டிப்போம்.

³⁵ உங்களுள் ஒவ்வொருவனும் தன் தன் அயலானிடம் அல்லது சகோதரனிடம், ~ஆண்டவர் என்ன பதில் சொன்னார்?~ அல்லது, ~ஆண்டவர் என்ன சொன்னார்?~ என்று தான் கேட்க வேண்டும்.

³⁶ ஆனால் ~ஆண்டவருடைய சுமை~ என்று எவனும் குறிப்பிடலாகாது@ ஏனெனில், அப்படிக் குறிப்பிடுவதோ அவனுக்குச் சுமையாகலாம்@ நீங்களோ நம் கடவுளும் சேனைகளின் ஆண்டவருமான உயிருள்ள கடவுளின் வார்த்தைகளைத் திரித்து விடுகிறீர்கள்.

³⁷ தீர்க்கதரிசியிடம், ~ஆண்டவர் என்ன பதில் சொன்னார்?~ அல்லது, ~ஆண்டவர் என்ன சொன்னார்?~ என்று தான் கேட்க வேண்டும்@

³⁸ ஆனால் நீங்கள், ~ஆண்டவருடைய சுமை~ என்று குறிப்பிடுவீர்களாகில், அதற்கு ஆண்டவரின் வாக்கு இதுவே: ~நீங்கள், "ஆண்டவருடைய சுமை" என்று சொல்லாதீர்கள்~ என்று உங்களை அனுப்பிய போது நாம் உங்களிடம் சொல்லியிருந்தும் நீங்கள், ~ஆண்டவருடைய சுமை~ என்று சொன்னபடியால்,

³⁹ இதோ, உங்களையும், நாம் உங்கள் தந்தையர்க்கும் உங்களுக்கும் கொடுத்திருக்கும் நகரத்தையும் நம் முன்னிலையிலிருந்து தூக்கித் தொலைவில் எறிவோம்@

⁴⁰ மேலும் முடிவில்லாத இழிச்சொல்லையும், நீடித்த வெட்கத்தையும் உங்கள் மேல் வரச் செய்வோம்@ அவை என்றும் மறக்கப்படமாட்டா."