எரேமியாஸ் ஆகமம் - பழைய ஏற்பாடு

¹ ஆண்டவரே, உம்மோடு நான் வழக்காடினால், நீரே நீதியுள்ளவர் என்று விளங்கும்@ இருப்பினும் நான் உம்மிடம் சில முறையீடுகளைச் செய்து கொள்கிறேன்: தீயவர்கள் வாழ்க்கையில் வளமுடன் இருப்பது ஏன்? அநியாமும் அக்கிரமும் செய்கிறவர்கள் நலமாய் வாழ்வதேன்?

² நீர் அவர்களை நாட்டினீர்@ அவர்கள் வேர்விட்டுப் பெருகி, வளர்ந்து கனி கொடுக்கிறார்கள்@ அவர்கள் தங்கள் வாயால் உம்மைப் புகழ்கிறார்கள்@ ஆனால், அவர்கள் உள்ளமோ எவ்வளவோ தொலைவிலுள்ளது.

³ ஆண்டவரே, நீர் என்னை அறிவீர், என்னைப் பார்த்தீர்@ என் உள்ளத்தைப் பரிசோதிக்கிறீர்@ அது உம்மோடு உள்ளது. அடிக்கப்படுவதற்கென இருக்கும் ஆடுகளைப் போல் அவர்களையும் ஒன்று சேர்த்துக் கொலை நாளுக்காக அவர்களைத் தயாராய் வைத்தருளும்.

⁴ எத்தனை நாட்களுக்கு நாடு அழுகையில் மூழ்கியிருக்கும்? எந்நாள் வரையில் பூமியின் புற்களெல்லாம் உலரும்? நாட்டுக் குடிகள் செய்த கொடுமையின் காரணமாய் மிருகங்களும் பறவைகளும் அழிக்கப்பட்டன@ ஏனெனில் மனிதர்கள், "நமது இறுதி முடிவை அவர் காணமாட்டார்" என்று சொன்னார்கள்.

⁵ கால் நடையாய்ச் செல்பவர்களோடு ஓடும் போதே நீ களைத்துப் போவாயாகில், குதிரைகளோடு எவ்வாறு நீ போட்டியிடுவாய்? அமைதியான நாட்டிலேயே நீ அஞ்சி நடுங்குவாயாகில், யோர்தானுக்கடுத்த காடுகளில் நீ என்ன செய்வாய்?

⁶ உன் சகோதரரும் உன் தந்தையின் வீட்டாரும் கூட உன்னிடத்தில் வஞ்சமாய் நடந்துகொண்டார்கள்@ உனக்குப் பின்னால் சத்தமிட்டு ஆரவாரம் செய்தார்கள்@ அவர்கள் உன்னிடம் இனிய வார்த்தைகளைப் பேசினாலும் நீ அவர்களை நம்பாதே."

⁷ "நாம் நமது வீட்டைக் கைவிட்டு விட்டோம்@ நம் உரிமைச் சொத்தைப் புறக்கணித்து விட்டோம்@ நம் உயிருக்குயிரானவளை அவளுடைய பகைவர்களின் கையில் ஒப்படைத்து விட்டோம்@

⁸ நம் உரிமைச் சொத்து நமக்குக் காட்டுச் சிங்கமாயிற்று@ நமக்கு எதிராய்க் கர்ச்சனை செய்கிறது@ ஆகவே நாம் அதனைப் பகைக்கிறோம்.

⁹ நம் உரிமைச் சொத்து பல வண்ணப் பறவையாயிற்றோ? அதைச் சூழ்ந்து பட்சிக்கும் பறவைகள் கூடினவோ? காட்டிலுள்ள எல்லாக் கொடிய மிருகங்களையும் கூட்டுங்கள்@ அதனை விழுங்க விரைந்து வரச் செய்யுங்கள்.

¹⁰ ஆயர்கள் பலர் நம் திராட்சைத் தோட்டத்தை அழித்தார்கள்@ நமது பாகத்தை மிதித்துத் தள்ளினார்கள்@ நம் இன்பப் பானத்தைப் பாழான பாலை நிலமாக்கி விட்டனர்.

¹¹ அவர்கள் அதைப் பாழ்வெளியாக்கினர்@ பாழாயின பின் அது நம்மை நோக்கி ஓலமிடுகிறது@ நாடெல்லாம் காடாகி விட்டது@ ஏனெனில் அதை ஆழ்ந்து சிந்திப்பவர் யாருமில்லை.

¹² பாலை நிலத்தில் உள்ள மொட்டை மேடுகளின் மேல் எங்கும் பாழாக்குவோர் வந்துள்ளனர்@ ஏனெனில் ஆண்டவரின் வாள், நாட்டின் ஒரு கோடி முதல் மறு கோடி வரை எல்லாவற்றையும் அழிக்கும்@ யாரும் அமைதியாய் இருக்க முடியாது.

¹³ கோதுமை விதைத்தார்கள்@ ஆனால் முட்களை அறுத்தார்கள்@ உடல் வருத்தி உழைத்தார்கள்@ ஆனால் பலனேதும் பெறவில்லை@ தங்கள் அறுவடையைப் பார்த்து வெட்கி நாணுவார்கள்@ ஆண்டவரின் கடுஞ் சினமே அதற்குக் காரணம்."

¹⁴ நம் மக்களாகிய இஸ்ராயேலுக்கு நாம் பகிர்ந்து கொடுத்த சொத்தைப் பிடுங்கும் கொடிய மக்களைக் குறித்து ஆண்டவர் கூறுவது இதுவே: "இதோ நாம் அவர்களைத் தங்கள் நாட்டிலிருந்து வேரோடு களைவோம்@ யூதாவின் வீட்டையும் அவர்கள் நடுவிலிருந்து களைவோம்@

¹⁵ இவ்வாறு அவர்களை நாம் களைந்த பின்னர், மீண்டும் அவர்கள் மேல் நாம் இரங்குவோம்@ அவர்களுள் ஒவ்வொருவரையும் தத்தம் உரிமைச் சொத்துக்கும், சொந்த நாட்டுக்கும் திரும்பக் கூட்டிவருவோம்@

¹⁶ அவர்களும் நம் மக்களின் நன்னெறிகளை அக்கறையாய்க் கற்றுக் கொண்டு முன்னொருகால் பாகால் பெயரால் ஆணையிடும்படி நம் மக்களுக்குக் கற்றுக் கொடுத்தது போல், இப்போது ~உயிருள்ள ஆண்டவர் மேல் ஆணை~ என்று நம் பெயரால் ஆணையிடுவார்களாகில், அவர்களும் நம் மக்கள் நடுவில் நலமாக வாழ்வார்கள்@

¹⁷ ஆனால், எந்த மக்களினமாவது நம் சொற்களைக் கேளாமல் போனால், அந்த இனம் முழுவதையும் வேரோடு களைந்து அழிப்போம், என்கிறார் ஆண்டவர்,"