இசையாஸ் ஆகமம் - பழைய ஏற்பாடு

¹ நம் ஊழியனாகிய யாக்கோபே, நாம் தேர்ந்து கொண்ட இஸ்ராயேலே, கேள்.

² உன்னைப் படைத்துத் தாய் வயிற்றில் உருவாக்கிக் காத்து வரும் ஆண்டவர் கூறுகிறார்: நம் ஊழியனாகிய யாக்கோபே, நாம் தேர்ந்து கொண்ட நேர்மையாளனே, அஞ்சவேண்டா.

³ ஏனெனில் வறண்ட இடத்தில் நீரைப் பொழிவோம், ஈரமற்ற நிலத்தில் ஆறுகள் ஓடச் செய்வோம். உனது வித்தின் மேல் நம்முடைய ஆவியையும், உனது சந்ததியின் மேல் நமது ஆசியையும் பொழிவோம்.

⁴ செடிகளைப் போல் அவர்கள் தளிர்ப்பார்கள், நீரருகில் உள்ள மரம் போலத் தழைப்பார்கள்.

⁵ ~நான் ஆண்டவருக்குச் சொந்தம்~ என்பார் ஒருவன்@ யாக்கோபின் பெயரைச் சூடிக்கொள்வான் மற்றொருவன். ~ஆண்டவர்~ என்று இன்னொருவன் தன் கையில் எழுதி, ~இஸ்ராயேல்~ என்று புனைப்பெயர் சூடிக்கொள்வான்." ஒரே கடவுள் என்னும் கோட்பாடு

⁶ இஸ்ராயேலின் மாமன்னரும், அதன் மீட்பரும், சேனைகளின் ஆண்டவருமாகிய ஆண்டவர் கூறுகிறார்: "முதலும் நாமே, முடிவும் நாமே@ நம்மையன்றி வேறு தெய்வம் இல்லை.

⁷ நமக்குச் சமமானவன் யார்? அறிவிக்கட்டும்@ எடுத்துக்காட்டி எண்பிக்கட்டும்@ நடக்கப்போகின்றவற்றை முதலிலிருந்தே முன்னறிவித்தவன் யார்? வரப்போவதை இப்பொழுதே நமக்கு அறிவிக்கட்டும்!

⁸ நீங்கள் கலங்காதீர்கள், அஞ்சாதீர்கள்@ துவக்கத்திலிருந்தே உங்களுக்குச் சொன்னோம், அறிவித்தோம் அன்றோ? நீங்களே நமக்குச் சாட்சிகள்! நம்மையன்றி வேறு தெய்வம் உண்டோ? புகலிடம் வேறில்லை@ அப்படியொன்றையும் நாம் அறியோம்."

⁹ சிலை செய்யும் அனைவரும் வீணராவர்@ அவர்களுடைய விலையுயர்ந்த வேலைப்பாடுகள் பயனற்றவை@ அவர்களே, அவை காண்பதில்லை, கண்டுபிடிப்பதில்லை என்பதைக் குறித்து வெட்கி நாணவேண்டிய சாட்சிகளாய் இருக்கின்றனர்.

¹⁰ ஒன்றுக்கும் உதவாத தெய்வத்தை எவனாவது உருவாக்குவதுண்டா? அல்லது செதுக்குவதுண்டா?

¹¹ இதோ அவ்வேலையில் ஈடுபடுவோர் யாவரும் நாணமடைவர்@ அந்த வேலைக்காரர் வெறும் மனிதர் தானே! அவர்கள் எல்லாரும் ஒன்றாய்க் கூடிவந்து நம்முன் நிற்கட்டும்@ அப்போது தம் மடமைக்காக நடுங்குவார்கள்@ அனைவரும் வெட்கமடைவார்கள்.

¹² கொல்லன் இரும்பை வாள் போன்ற அரத்தால் அராவி வேலை செய்கிறான்@ அதை உலையிலிட்டுச் சம்மட்டியால் அடித்து அந்தச் சிலையை உருவாக்குகிறான்@ தன் கைப் பலத்தைப் பயன்படுத்தி வேலை செய்கிறான்@ பசியுறுகிறான், சோர்ந்து போகிறான்@ தண்ணீர் குடிப்பதில்லை@ களைத்துப் போகிறான்.

¹³ மரத்தில் சிலை செய்யும் தச்சன் மரத்தின் மீது நூலிட்டு, உளியால் பக்குவப்படுத்தி, மூலமட்டப்பலகையால் சரிபார்த்து, கவராயம் என்னும் கருவியால் அளவாகப் பிரித்து ஓர் அழகான மனித உருவத்தைச் செய்கிறான்@ அதையெடுத்து ஒரு மாடத்தில் வைக்கிறான்.

¹⁴ அவன் கேதுரு மரங்களை வெட்டுகிறான்@ அல்லது காட்டிலுள்ள மரங்களின் நடுவில் நிற்கும் காஞ்சி மரத்தையோ ஆலமரத்தையோ தேர்ந்தெடுக்கிறான்@ அல்லது தான் நட்டு, மழை வளர்த்த கேதுரு மரத்தைத் தேர்ந்து கொள்கிறான்.

¹⁵ அது மனிதர்களுக்கு விறகாகப் பயன்படும்படி உண்டாக்கப்பட்டது@ குளிர்காய்வதற்கும் அதிலிருந்தே விறகு எடுக்கிறான்@ அப்பஞ் சுடவும் அதையே பயன்படுத்துகிறான்@ அதிலும் மீதியாய் இருப்பதைக் கொண்டு தான் தெய்வத்தை உருவாக்கி வணங்குகிறான்@ உளியால் ஒரு சிலை செதுக்கி அதன் முன் தெண்டனிடுகிறான்.

¹⁶ அதில் பாதியை அடுப்பெரிக்கிறான்@ மற்றொரு பாகத்தைப் பயன்படுத்தி இறைச்சி சமைத்துச் சுவையான உணவுப் பொருட்களைத் தயாரித்து வயிறாரச் சாப்பிடுகிறான்@ சாப்பிட்ட பின் குளிர்காய்கிறான்: "நன்றாகக் குளிர்காய்ந்தேன், நல்ல தீ வளர்த்தேன்" என்று சொல்லிக் கொள்ளுகிறான்.

¹⁷ மீதியைக் கொண்டோ தனக்கொரு தெய்வமாகச் சிலை செதுக்கி, அதன்முன் குப்புற விழுந்து வணங்கி, "நீரே என் கடவுள், என்னை மீட்டருளும்!" என மன்றாடுகிறான்.

¹⁸ அவர்கள் ஒன்றும் அறியவில்லை@ கண்டுபிடிக்கவுமில்லை. காணமுடியாதபடி அவர்களின் கண்கள் கட்டப்பட்டன@ உணரமுடியாதபடி அவர்களின் உள்ளம அடைபட்டது.

¹⁹ ஆதலால் அவர்கள் மனத்தில் சிந்திப்பதில்லை@ கண்டுபிடிப்பதில்லை@ உணர்வதும் கிடையாது: "ஒரு பாதியை அடுப்பெரித்தேன்@ அதன் நெருப்புக் பொறிகளில் அப்பம் சுட்டேன்@ இறைச்சி சமைத்துச் சாப்பிட்டேன். அதில் மீதியானதைக் கொண்டு சிலை செதுக்குவேனோ? மரக்கட்டை முன் குப்புற விழுந்து வணங்குவேனா?" என்று சொல்லக் கூடத் தெரியாமல் உணர்ச்சியற்றுப் போயினர்.

²⁰ வெறும் சாம்பலில் பற்ற வைக்கிறான்@ அதன் உள்ளம் உணர்விழந்து போகிறது@ அவன் தவறுகிறான்@ "என் கைவேலைப்பாடு சுத்தப் பொய்" என்று சொல்லித் தன்னையே அவன் விடுவித்துக் கொள்ளமாட்டான்.

²¹ யாக்கோபே, இவற்றை றினைவில் வைத்துக் கொள்: இஸ்ராயேலே, நீ நம் ஊழியன் என்பதை மறவாதே@ நாமே உன்னை உருவாக்கினோம், நீ நம்முடைய ஊழியன்@ இஸ்ராயேலே, உன்னை மறவேன்.

²² கார்மேகம் கலைவது போல் உன் அக்கிரமங்களைப் போக்கினோம், பனிப்படலம் போல் உன் பாவங்கள் பறந்தன@ நம்மிடத்தில் நீ திரும்பி வா, ஏனெனில் உன்னை நாம் மீட்டிருக்கிறோம்.

²³ வானமே, அக்களித்து ஆர்ப்பரி, ஆண்டவர் செயலாற்றினார்@ மண்ணுலகின் எல்லைகளே, அகமகிழுங்கள், மலைகளே, காடுகளே, அங்குள்ள மரங்களே, மகிழ்ச்சியால் ஆரவாரஞ் செய்யுங்கள்@ ஏனெனில் ஆண்டவர் யாக்கோபை மீட்டார், இஸ்ராயேலில் தம் மகிமையை வெளிப்படுத்தினார்.

²⁴ உன் மீட்பரும், தாய் வயிற்றில் உன்னை உருவாக்கியவருமான ஆண்டவர் கூறுகிறார்: "நாமே ஆண்டவர், நாமே அனைத்தையும் படைத்தோம்@ தனியாகவே வானத்தை விரித்தோம், பூமியை நிலைநாட்டினோம்@ நமக்கு உதவினவன் ஒருவனுமில்லை.

²⁵ நிமித்தகர் சொல்லும் குறிகளைப் பொய்யாக்குகிறோம், மந்திரவாதிகளை மடயராக்குகிறோம்@ ஞானிகளை விழத்தாட்டுகிறோம், அவர்களது அறிவை மடமையாக்குகிறோம்.

²⁶ நம் ஊழியனின் வாக்கியத்தையோ உறுதிப்படுத்துகிறோம், நம் தூதர்களின் மொழிகளை நிறைவேற்றுகிறோம்@ யெருசலேமைப் பார்த்து, ~நீ குடியிருப்பு ஆவாய்~ என்றும், யூதாவின் நகரங்களுக்கு, ~நீங்கள் கட்டப்படுவீர்கள், அதன் பாழடைந்த இடங்களை எழுப்புவோம்~ என்றும், சொல்லுகிறவர் நாமே.

²⁷ பாதாளத்தைப் பார்த்து, ~நீ வற்றிப்போகக்கடவாய், உன் ஆறுகளை நாம் வற்றச் செய்வோம்~ என்பவர் நாமே@

²⁸ சீருஸ் அரசனுக்கு, ~நீ நமது மந்தையின் மேய்ப்பன், நம் விருப்பத்தையெல்லாம் நிறைவேற்றுவாய்~ என்று சொல்லுகிறவர் நாமே@ யெருசலேமை நோக்கி, ~நீ மறுபடி கட்டப்படுவாய்~ என்றும், திருக்கோயிலைப் பார்த்து, ~உன் அடிப்படை மறுபடி இடப்படும்~ என்றும் சொல்லுகிறவர் நாமே."