தானியேல் ஆகமம் - பழைய ஏற்பாடு

¹ அஸ்தியாஜேஸ் என்னும் அரசன் தன் மூதாதையர்களோடு சேர்க்கப்பட்டான்@ பேர்சியா நாட்டு கீருஸ் மன்னன் அவனது அரசைக் கைப்பற்றிக் கொண்டான்.

² தானியேல் அரசனோடு நெருங்கிப் பழகினார். அவனுடைய நண்பர்களுக்கும் மேலாகச் சிறப்பு பெற்று வந்தார்.

³ பபிலோனியரிடத்திலே பேல் என்னும் பெயருடைய சிலையொன்று இருந்தது@ அதற்கு ஒவ்வொரு நாளும் பன்னிரண்டு படி கோதுமை மாவும் நாற்பது ஆடும் ஆறு சால் திராட்சை இரசமும் பலியிடுவார்கள்.

⁴ அரசனும் அதை வணங்கி வருவான்@ அதை வழிபட ஒவ்வொரு நாளும் போவான்@ ஆனால் தானியேல் தம் கடவுளை மட்டுமே வழிபடுவார்@ அரசன் அவரை நோக்கி, "நீ ஏன் பேலை வழிபடுவதில்லை?" என்று கேட்டான்.

⁵ அதற்கு அவர் அரசனைப் பார்த்து, "மனிதர் கையினால் செய்யப்பட்ட சிலைகளை நான் வணங்குகிறதில்லை@ ஆனால் விண்ணையும் மண்ணையும் படைத்து, உயிர்கள் அனைத்தையும் ஆண்டு வருகிற உயிருள்ள கடவுளை வணங்குகிறேன்" என்றார்.

⁶ அரசன் அவரை நோக்கி, "பேல் தெய்வம் உனக்கு உயிருள்ள கடவுளாகத் தென்படவில்லையா? அது நாடோறும் எவ்வளவு சாப்பிடுகிறது, எவ்வளவு குடிக்கிறது என்பதெல்லாம் உனக்குத் தெரியாதா?" என்று கேட்டான்.

⁷ தானியேல் புன்முறுவல் செய்தவராய் அரசனிடம், "அரசே, ஏமாறாதீர்@ அது உள்ளே சிலை@ அது ஒருபோதும் சாப்பிட முடியாது" என்றார்.

⁸ அரசன் கோபங்கொண்டு தன் பூசாரிகளைக் கூப்பிட்டு, "அந்தப் பலிகளை புசிப்பது யாரென நீங்கள் எனக்குச் சொல்லாவிட்டால் நீங்கள் சாவீர்கள். ஆனால் அவற்றைப் பேல் தெய்வந்தான் சாப்பிடுகிறது என்பதை நீங்கள் காண்பித்தால் தானியேல் சாவான்@ ஏனெனில், அவன் பேல் தெய்வத்திற்கு எதிராய்ப் பழிச்சொல் சொன்னான்" என்றான்.

⁹ அப்போது தானியேல், "உமது சொற்படியே ஆகட்டும்" என்று அரசனுக்குச் சொன்னார்.

¹⁰ பூசாரிகளின் மனைவி, மக்கள், பேரப்பிள்ளைகள் தவிர, பூசாரிகள் மட்டும் மொத்தம் பேலுக்கு எழுபது பேர் இருந்தனர்.

¹¹ அரசன் தானியேலுடன் பேல் தெய்வத்தின் கோயிலுக்கு வந்தான். பேலின் பூசாரிகள் சொன்னார்கள்: "இதோ, நாங்கள் வெளியே போய் விடுகிறோம்@ அரசே, நீர் இறைச்சியையும் திராட்சை இரசத்தையும் வைத்து விட்டுக் கதவைச் சாற்றி உமது மோதிரத்தால் முத்திரையிட்டுச் செல்லும். நாளைக் காலை நீர் உள்ளே வந்து பார்க்கும் போது பேல் எல்லாவற்றையும் சாப்பிட்டு முடித்திருப்பதை நீர் காண்பீர்@ அப்படிச் சாப்பிடாதிருந்ததால் நாங்கள் கண்டிப்பாய்ச் சாக வேண்டும்@ சாப்பிட்டிருந்தால், எங்களுக்கு எதிராய்ப் பொய் சொன்ன தானியேல் சாகவேண்டும்."

¹² இவ்வாறு அவர்கள் துணிவோடு பேசியதற்குக் காரணம்: மேசைக்கு அடியில் அவர்கள் திருட்டு வழி செய்து வைத்திருந்தனர்@ அதன் வழியாய் அவர்கள் உள்ளே வந்து அவற்றைச் சாப்பிட்டுச் செல்வது வழக்கம்.

¹³ அவர்கள் வெளியே போன பிறகு, அரசன் பேல் தெய்வத்தின் முன்னால் உணவுப் பொருட்களை இட்டான்@

¹⁴ தானியேல் தம் வேலைக் காரர்களுக்குக் கட்டளையிட, அவர்கள் சாம்பல் கொண்டு வந்தார்கள்: அவர்கள் அரசன் முன்னிலையிலேயே கோயில் முழுவதும் சாம்பலைத் தௌ;ளினாற் போலத் தூவினார்கள்@ பிறகு இவர்கள் வெளியே வந்து, கதவைப் பூட்டி அரச மோதிரத்தால் முத்திரையிட்டுப் போனார்கள்.

¹⁵ பூசாரிகளோ வழக்கம் போலத் தங்கள் மனைவி மக்களோடு உள்ளே வந்து எல்லாவற்றையும் சாப்பிட்டுக் குடித்துச் சென்றார்கள்.

¹⁶ விடியற்காலையில் அரசன் எழுந்தான்@ தானியேலும் உடன் வந்தார்.

¹⁷ அரசன், "தானியேலே, முத்திரைகள் சரியாய் இருக்கின்றனவோ?" என்று கேட்க, அவர், "அரசே, சரியாய் இருக்கின்றன" என்றார்.

¹⁸ கதவைத் திறந்தவுடனே, அரசன் மேசையைப் பார்த்து விட்டு, "ஓ பேல் தெய்வமே! நீர் உண்மையிலேயே மகத்துவம் உள்ளவர், உம்மிடத்தில் யாதொரு கபடுமில்லை" என்று உரத்த குரலில் கத்தினான்.

¹⁹ தானியேல் சிரித்துக் கொண்டே, அதற்கு மேல் உள்ளே போகாதபடி அரசனை நிறுத்தி, "இதோ, தளவரிசையை நோக்குங்கள்@ இவை யாருடைய காலடிகள், தெரியுமா?" என்றார்.

²⁰ அரசன், "ஆண்கள், பெண்கள், சிறுவர்கள் ஆகியோரின் காலடிகளைக் காண்கிறேன்" என்று சொல்லிக் கோபங்கொண்டு, பூசாரிகளையும், அவர்களுடைய மனைவி மக்களையும் பிடித்தான்@

²¹ அவர்கள், தாங்கள் உள்ளே நுழைந்து மேசையிலிருந்தவற்றைச் சாப்பிட வந்த திருட்டு வழிகளை அவனுக்குக் காட்டினார்கள்.

²² ஆகவே, அரசன் அவர்களைக் கொலை செய்து, பேல் தெய்வத்தைத் தானியேலிடம் கையளித்தான்@ அவர் அதையும் அதன் கோயிலையும் தகர்த்தார்.

²³ அங்கே ஒரு பெரிய நாகப்பாம்பும் இருந்தது@ அதையும் பபிலோனியர் வணங்கி வந்தனர்@

²⁴ அரசன் தானியேலை நோக்கி, "இதோ, இது உயிருள்ள தெய்வமன்று என நீ இப்போது சொல்ல முடியாதே@ ஆகையால் இதை வணங்கு" என்றான்.

²⁵ அதற்குத் தானியேல், "கடவுளாகிய ஆண்டவரையே நான் வணங்குகிறேன்@ ஏனெனில் அவர் தான் உயிருள்ள கடவுள்@ மேலும், அரசே, எனக்கு நீர் அனுமதி கொடுத்தால், கத்தி, தடி இவற்றை எடுக்காமலே, நான் இந்த நாகத்தைக் கொன்று விடுகிறேன்" என்றார்.

²⁶ அதற்கு அரசன், "சரி, அனுமதி தருகிறேன்" என்றான்.

²⁷ தானியேல், கீலும் கொழுப்பும் மயிரும் எடுத்து ஒன்றாய்ச் சேர்த்துச் சமைத்து உருண்டைகளாகத் திரட்டி, அந்தப் பாம்பின் வாயிலிட்டார். அதையுண்டதும் பாம்பு வயிறு வெடித்து இறந்தது@ அவர், "நீங்கள் கும்பிட்டு வந்த தெய்வத்தைப் பாருங்கள்" என்று காட்டினார்.

²⁸ பபிலோனியர் இதை அறிந்து மிகவும் சினங்கொண்டு, அரசனுக்கு விரோதமாய்க் கூட்டங் கூடி, "அரசர் யூதராகி விட்டார்@ அவர் பேல் தெய்வத்தை அழித்தார், இப்பொழுது நாகத்தையும் கொன்றார்@ அதுவுமின்றி நம் பூசாரிகளையும் கொலைசெய்தார்" என்று சொல்லி, அரசனிடத்தில் வந்து,

²⁹ தானியேலை எங்களிடம் கையளியும்@ இல்லையேல் உம்மையும் உம் குடும்பத்தாரையும் ஒழித்து விடுவோம்" என்று கூவினார்கள்.

³⁰ அவர்கள் சீற்றத்துடன் தன்னை மருட்டுவதை அரசன் கண்டு, கட்டாயத்தின் பேரில் தானியேலை அவர்களிடம் கையளித்தான்.

³¹ அவர்களோ தானியேலைக் கொண்டு போய்ச் சிங்கங்களின் குகையில் போட்டார்கள்@ அங்கே அவர் ஆறு நாட்கள் இருந்தார்.

³² அந்தக் குகையில் ஏழு சிங்கங்கள் இருந்தன@ அவற்றுக்கு நாடோறும் இரண்டு மனித உடல்களும் இரண்டு ஆடுகளும் கொடுப்பது வழக்கம்@ தானியேலை அவை தவறாமல் கொன்றுத் தின்னும்படி செய்வதற்காக, அவற்றுக்கு அந்த ஆறு நாட்களும் வழக்கமான உணவு தரப்படவே இல்லை.

³³ அக்காலத்தில் யூதேயாவில் ஆபகூக் என்ற இறைவாக்கினர் ஒருவர் இருந்தார்@ அவர் கூழ் தயாரித்து ஒரு கலத்தில் எடுத்துக்கொண்டு, உரொட்டித் துண்டுகளும் எடுத்துக்கொண்டு தன் வயலில் அறுக்கிறவர்களுக்குக் கொண்டு போனார்.

³⁴ ஆண்டவருடைய தூதர் ஆபகூக்குக்குத் தோன்றி, "நீ வைத்திருக்கும் உணவைப் பபிலோனில் சிங்கக் குகையில் இருக்கும் தானியேலுக்குக் கொண்டுப் போய்க் கொடு~ என்றார்.

³⁵ அதற்கு ஆபகூக், "ஆண்டவனே, பபிலோனை நான் பார்த்ததில்லை, அந்தக் குகையும் எனக்குத் தெரியாதே" என்றார்.

³⁶ அப்போது, ஆண்டவருடைய தூதர், அவர் தலை மயிரைப் பிடித்து, அவரை வாயு வேகத்தில் தூக்கிக் கொண்டு போய்ப் பபிலோனில் குகைக்கு மேலே இறக்கினார்.

³⁷ ஆபகூக் உரக்கக் கூவி, "கடவுளின் ஊழியனாகிய தானியேலே, உனக்குக் கடவுள் அனுப்பிய உணவைப் பெற்றுக்கொள்" என்று சொன்னார்.

³⁸ அப்பொழுது தானியேல், "இறைவா, என்னை நீர் நினைவு கூர்ந்தீரே@ உமக்கு அன்பு செய்கிறவர்களை நீர் கைவிடவில்லை" என்றார்.

³⁹ தானியேல் எழுந்து உட்கார்ந்து சாப்பிட்டார்@ உடனே ஆண்டவருடைய தூதர் ஆபகூக்கை அவரது இடத்திற்குத் திரும்பவும் கொண்டு சேர்த்தார்.

⁴⁰ ஏழாம் நாளில், தானியேலைக் குறித்துத் துக்கம் கொண்டாடி அழும்படியாக அரசன் குகைக்கு வந்தான்@ வந்து உள்ளே பார்த்தான்@ இதோ, தானியேல் சிங்கங்களின் நடுவில் உட்கார்ந்து கொண்டிருந்தார்.

⁴¹ அரசன் பெருங்கூக்குரலிட்டு, "ஆண்டவரே, தானியேலின் இறைவா, நீர் மேன்மையுள்ளவர், உம்மையன்றி வேறு தெய்வமில்லை" என்றான். உடனே சிங்கக் குகையிலிருந்து தானியேலைப் பிடித்து வெளியே தூக்கினான்.

⁴² பிறகு, அவருடைய அழிவை விரும்பி முயற்சி செய்தவர்களை குகைக்குள்ளே எறிந்தான்@ எறிந்த நொடியிலேயே அவன் கண்முன் அவர்கள் விழுங்கப்பட்டார்கள்.

⁴³ அப்போது அரசன், "உலகெங்கணும் உள்ள அனைவரும் தானியேலின் கடவுளுக்கு அஞ்சக்கடவார்கள்: ஏனெனில் சிங்கக் குகையினின்று தானியேலைக் காப்பாற்றினவர் அவரே@ அவரே மீட்பர்@ மண்ணுலகில் விந்தைகள் செய்கிறார்" என்றான்.