பாரூக் ஆகமம் - பழைய ஏற்பாடு

¹ பபிலோனிய அரசனால் பபிலோனியாவுக்கு அடிமைகளாய்க் கூட்டிக்கொண்டு போகப்படவிருந்த யூதர்களுக்கு எரெமியாஸ் தமக்குத் கடவுள் கட்டளையிட்டவற்றை அறிவிக்கும்படி எழுதியனுப்பிய திருமுகத்தின் பிரதி. நீங்கள் கடவுளுக்கு முன்பாகப் பாவங்களைக் கட்டிக்கொண்டதால், பபிலோனிய அரசனான நபுக்கோதனசாரால் பபிலோனுக்கு அடிமைகளாய்க் கூட்டிக் கொண்டு போகப்படுவீர்கள்.

² நீங்கள் பபிலோனுக்குப் போய்ச் சேர்ந்த பிறகு, அவ்விடத்திலேயே பல்லாண்டுகளாய் நெடுங்காலம்- ஏழு தலைமுறைகளுக்கு இருப்பீர்கள்@ அதன் பிறகு அங்கிருந்து உங்களைச் சமாதானமாய்ப் புறப்படச் செய்வோம்.

³ பபிலோனில் பொன், வெள்ளி, கல், மரம் முதலியவற்றால் செய்யப்பட்ட பயங்கரமான தெய்வங்களைச் சுமந்துகொண்டு மக்கள் ஊர்வலம் வருவதைக் காண்பீர்கள்.

⁴ நீங்களோ அந்நியருடைய செயல்களைப் பின்பற்றாமல் எச்சரிக்கையாய் இருங்கள்@ அந்தத் தெய்வங்களுக்கு அஞ்சாதீர்கள். அவற்றைப் பற்றிய அச்சத்திற்கு இடங் கொடாதீர்கள்.

⁵ முன்னும் பின்னுமாக இருந்து மக்கட் கூட்டம் அந்தத் தெய்வங்களை வணங்கும் போது, நீங்கள், "ஆண்டவரே, உம்மையே மனிதர் வணங்க வேண்டும்" என்று உங்கள் மனத்திலே சொல்லிக் கொள்ளுங்கள்.

⁶ ஏனெனில் நம்முடைய தூதர் உங்களோடு இருக்கிறார்@ உங்கள் வாழ்க்கை அவர் கண்காணிப்பில் இருக்கிறது.

⁷ அச்சிலைகளின் நாக்கு தச்சனால் செதுக்கப்பட்டது@ பொன்னாலும் வெள்ளியாலும் மூடப்பட்டிருந்தாலும், அவை (சிலைகள்) பொய்யுருவங்கள்@ ஆகவே பேசமாட்டா.

⁸ நகைகளை விரும்பும் கன்னிப்பெண் ஒருத்திக்குச் செய்வது போல,

⁹ பொன்னையெடுத்து அவர்களுடைய தெய்வங்களின் தலைகளில் பொன் முடிகள் வைக்கிறார்கள். ஆனால் அந்தப் பொன், வெள்ளியைப் பூசாரிகள் தங்களுக்கென்று எடுத்துப் பயன்படுத்திக் கொள்வதுண்டு.

¹⁰ அப்பொன்னை வேசிகளுக்கும் கொடுக்கிறார்கள். மனிதர்களை அலங்கரிப்பது போலப் பொன்னாலும் வெள்ளியாலும் மரத்தாலும் செய்யப்பட்ட தங்கள் தெய்வங்களை அலங்கரிக்கிறார்கள்.

¹¹ துருப் பிடிக்காமலும் பூச்சி அரிக்காமலும் தங்களையே காப்பாற்றிக் கொள்ள அத்தெய்வங்களால் முடியாது.

¹² அத்தெய்வங்களுக்குப் பட்டாடைகளை உடுத்தின பின்பு, அவற்றின் முகத்தைத் துடைக்க வேண்டியிருக்கிறது@ ஏனெனில் அவை இருக்கும் இடத்தின் புழுதியெல்லாம் அவற்றின் மேல் தான் படிந்துள்ளது.

¹³ ஒரு சிலை மனிதனைப் போலவே தன் கையில் செங்கோல் ஏந்திக் கொண்டிருந்தாலும், நாடாள்பவனைப் போலத் தன்னை அவமதித்தவனை ஒழிக்க முடியாது.

¹⁴ மேலும் சிலை தன் கையில் வாளையோ கோடரியையோ பிடித்துக் கொண்டிருந்தாலும், போரிலிருந்தோ கள்ளர்களிடமிருந்தோ தன்னைக் காத்துக் கொள்ளப் பயன்படுத்த முடியாது@ இதிலிருந்து அவை மெய்யான தெய்வங்கள் அல்ல என்பது உங்களுக்கு விளங்கும்.

¹⁵ அந்தத் தெய்வங்களுக்கு அஞ்சாதீர்கள்@ அவை ஒன்றுக்கும் உதவாத உடைபட்ட பாண்டத்துக்கு ஒப்பானவை.

¹⁶ அவற்றை ஒரு வீட்டில் வைத்தால், வீட்டுக்குள் நுழைகிறவர்களுடைய கால் தூசியால் அவற்றின் கண்கள் நிரம்புகின்றன.

¹⁷ அரச துரோகம் செய்த ஒருவனைச் சிறைக்கூடத்தில் அடைப்பது போல், அந்தத் தெய்வங்களின் பூசாரிகள் அவற்றைக் கள்ளர்களின் கையிலிருந்து காப்பாற்றுவதற்காகத் தாழ்ப்பாளிட்டுப் பூட்டுப் போட்டுக் காவல் செய்கிறார்கள்.

¹⁸ (இவர்கள்) அவற்றின் முன் விளக்குகளைத் தங்களுக்கு ஏற்றுவதை விட அதிகமான விளக்குகளை ஏற்றினாலும், அவற்றில் ஒன்றையும் அவை காண்பதில்லை@ வீட்டின் விட்டங்களைப் போல் அத்தெய்வங்கள் இருக்கின்றன@

¹⁹ அத்தெய்வங்களுக்குத் தெரியாமலே அவற்றையும், அவற்றின் உடைகளையும் செல்லரிக்கின்றது@ இதைக் கண்டு அவர்களின் உள்ளம் உருகி விட்டதாகக் கூறுகிறார்கள்.

²⁰ அவை இருக்கும் இடத்தில் உண்டாகும் புகையினால் அவற்றின் முகம் கறுத்துப் போகின்றது.

²¹ வெளவால்களும் குருவிகளும் மற்றப் பறவைகளும் அத்தெய்வங்களின் உடல் மேலும் தலை மேலும் வட்டமிடுகின்றன@ பூனைகளும் அவ்வாறே அவற்றின் மேல் விளையாடும்.

²² இதிலிருந்து அவை தெய்வங்கள் அல்ல என்று அறிந்து கொள்ளுங்கள்@ ஆகையால் அவற்றுக்கு அஞ்சவேண்டா.

²³ இனி, அத்தெய்வங்கள் மேலிருக்கும் பொன் வெறும் பகட்டு@ அதைத் துலக்கினாலன்றி ஒளி வீசாது@ அச்சிலைகளை உலையிலிட்டு உருக்கிய போதும் அவற்றிற்கு உணர்ச்சியில்லை.

²⁴ உயர்ந்த விலைக்கு அவை வாங்கப்பட்டவை@ ஆனால் அவற்றில் உயிர் மூச்சு இல்லை.

²⁵ காலில்லாத அந்தத் தெய்வங்கள் தோளில் சுமந்து செல்லப்படுகின்றன@ இவ்வாறு தங்கள் பலவீனத்தைக் காட்டிவிடுகின்றன@ அவற்றை வணங்குகிறவர்களோ தலை நாணி வெட்கிப்போகின்றனர். ஏனெனில் அவர்களோ அவற்றைக் கீழே விழாமல் பிடித்து நிறுத்துகிறார்கள்.

²⁶ அவை தரையில் விழுந்தால் தாமாகவே எழுந்திருக்க மாட்டா@ தூக்கி நிறுத்தினாலும், பாத நிலையில் நிற்க மாட்டா@ ஆனால் செத்தவர்களுக்கு முன் காணிக்கைகள் வைக்கப்படுவது போல் அவற்றின் முன்னும் வைக்கப்படுகின்றன.

²⁷ அத்தெய்வங்களுக்கு வைக்கப்படும் காணிக்கைகளை அவற்றின் பூசாரிகள் எடுத்து விற்றுத் தங்கள் விருப்பம் போலச் செலவிடுகிறார்கள்@ இவர்களின் மனைவியர் அக்காணிக்கைகளில் தங்களுக்கு வேண்டியவற்றை எடுத்துக் கொள்கிறார்கள்@ அவற்றைக் கொண்டு ஏழை எளியவர்களுக்குத் தானம் செய்வதில்லை.

²⁸ அவர்களுடைய பெண்கள் தீட்டுப்பட்ட காலத்திலும் சூலான காலத்திலும் தெய்வங்களின் காணிக்கைகளைத் தீண்டுகிறார்கள்@ இதிலிருந்து அவை தெய்வங்கள் அல்ல என்று அறிந்து கொள்ளுங்கள்@ ஆகவே அவற்றுக்கு அஞ்சவேண்டா.

²⁹ இனி, அவற்றைத் தெய்வங்கள் என்று சொல்லக் காரணந்தான் இருக்கிறதா? பொன், வெள்ளி, மரம் முதலியவற்றால் செய்யப்பட்ட அந்தத் தெய்வங்களுக்குப் பெண்கள் காணிக்கை படைக்கிறார்கள்!

³⁰ அவற்றின் பூசாரிகளோ தாடியை மழித்து விட்டுத் தலையை மொட்டையடித்துக் கொண்டு கிழிந்த உடைகளை உடுத்தித் தலையில் முக்காடு போடாது நாள் முழுவதும் கோயில்களில் உட்கார்ந்து கிடக்கிறார்கள்.

³¹ செத்தவரைக் குறித்துச் செய்விக்கும் விருந்தில் நடப்பது போலத் தங்கள் தெய்வங்களின் முன் ஊளையிட்டு அந்தப் பூசாரிகள் கூக்குரலிடுகிறார்கள்.

³² அந்தப் பூசாரிகள் தங்கள் தெய்வங்களுக்கு உடுத்திய உடைகளை உரிந்து தங்கள் மனைவி, மக்களுக்கு உடுத்துகிறார்கள்.

³³ அத்தெய்வங்களுக்கு நன்மை செய்தாலும் சரி, தீமை செய்தாலும் சரி அதற்கு அவற்றால் பதிலுக்குப் பதில் செய்ய முடியாது@ அவற்றால் ஒருவனை அரசனாக்கவும் இயலாது@ அவனுடைய மணிமுடியை எடுக்கவும் முடியாது.

³⁴ அவற்றால் செல்வங்களைத் தரமுடியாது@ தீமைகளை வருவிக்கவும் முடியாது@ ஒருவன் தன் தெய்வங்களுக்கு நேர்ந்து கொண்டு அந்த நேர்ச்சிக் கடனைச் செலுத்தாமல் போவானாகில், அந்தத் தவற்றுக்காக அவனைத் தண்டிக்க அவற்றால் இயலாது.

³⁵ அவை ஒருவனைச் சாவிலிருந்து தப்பச் செய்ய முடியாது@ வலிமையுள்ளவர்கள் கையிலிருந்து வலிமையற்றவர்களை மீட்கிறதில்லை.

³⁶ அவை குருடனுக்குப் பார்வை கொடுக்கமாட்டா@ நெருக்கடியில் உள்ளவனை விடுவிக்கமாட்டா@

³⁷ கைம் பெண்ணின் மேல் இரக்கங்கொள்ளா@ அனாதைப் பிள்ளைகளைக் காப்பாற்றமாட்டா.

³⁸ இவர்கள் வணங்கும் அத்தெய்வங்களோ மலையிலிருந்து எடுக்கப்படும் கற்களுக்கு ஒப்பானவை@ கல்லாலும் மரத்தாலும் பொன்னாலும் வெள்ளியாலும் செய்யப்பட்டவை@ இவற்றை வணங்குகிறவர்கள் வெட்கி நாணுவர்.

³⁹ ஆகையால் இவற்றைத் தெய்வங்கள் என்று எவ்வாறு கருத முடியும்? அல்லது சொல்ல முடியும்?

⁴⁰ மேலும், கல்தேயர்களே இவற்றை அவமதிக்கிறார்கள்@ ஊமையன் ஒருவனை அவர்கள் பேல் என்னும் சிலைக்கு முன்னால் கொண்டு போய் நிறுத்தி, அவனுக்குப் பேசும் ஆற்றலைத் தரும்படி கேட்கிறார்கள்@ இந்தச் சிலைகளுக்கு உணர்ச்சியுண்டு என நினைக்கிறார்கள் போலும்!

⁴¹ இதைக்கூட அவர்களால் கண்டுபிடிக்க முடியவில்லையே! அவ்வளவு அறிவிலிகள் அவர்கள்! கண்டுபிடித்தால் அவற்றைக் கைவிடுவாரன்றோ?

⁴² பெண்கள் இடுப்பில் கயிறு கட்டிக் கொண்டு வழியோரங்களில் உட்கார்ந்து சாம்பிராணிக்குப் பதிலாக உமியால் தீ வளர்த்துக் கொண்டிருப்பார்@

⁴³ இந்தப் பெண்களுள் ஒருத்தியை வழிப்போக்கன் ஒருவன் அழைத்துப்போய் அவளோடு உறவுகொள்வானாகில், அவள் தன் பக்கத்தில் இருக்கிற வெறொருத்தியைப் பார்த்து, "நீ என்னைப் போல மதிக்கப்படவில்லை, உன் இடுப்பில் கட்டப்பட்ட கயிறு தெறிக்கப்படவில்லை" என்று சொல்லி, அவளை இகழ்ந்து பேசுவாள்.

⁴⁴ இந்தத் தெய்வங்களுக்குச் செய்வதெல்லாம் பொய்@ அப்படியிருக்கும் போது, இவற்றைத் தெய்வங்கள் என்று எவ்வாறு கருத முடியும்? அல்லது சொல்ல முடியும்?

⁴⁵ இவை தச்சனாலும் தட்டானாலும் செய்யப்பட்டவை@ பூசாரிகள் விரும்பியபடியே உருவாக்கப்பட்டவை.

⁴⁶ இவற்றை உருவாக்கிய வேலைக்காரர்களே நெடுநாள் வாழாமலிருக்க, இவர்களுடைய கைவேலையாகிய உருவங்கள் எப்படித் தெய்வங்களாய் இருக்க முடியும்?

⁴⁷ தங்களுக்குப் பின் வருகிறவர்களுக்குப் பொய்களையும் வெட்கத்தையுமே விட்டுச் சென்றார்கள்.

⁴⁸ ஏனெனில் ஏதேனும் சண்டையோ தீமையோ உண்டானால், இந்தப் பூசாரிகள் தங்கள் தெய்வங்களோடு எங்கே போய் ஒளிந்து கொள்ளலாம் என்று பார்க்கிறார்கள்.

⁴⁹ சண்டைக் காலத்திலே தங்களைக் காத்துக்கொள்ளவோ, தீமைகளினின்று தங்களை மீட்டுக் கொள்ளவோ இயலாதவர்களைத் தெய்வங்கள் என்று எப்படி நினைக்கக் கூடும்?

⁵⁰ இவர்கள் உண்மையில் மரத்தினாலும் பொன், வெள்ளித்தகட்டினாலும் அமைக்கப்பட்ட சிலைகளானதால், ஒருநாள் இவற்றின் பொய்மை எல்லா மக்களுக்கும், எல்லா அரசர்களுக்கும் வெட்ட வெளியாகிவிடும்@ இவை தெய்வங்கள் அல்ல என்பதும், மனிதர்களின் கைவேலைப்பாடாகிய வெறும் சிலைகளே என்பதும், இவற்றுக்குத் தெய்வ வல்லமை ஒன்றுமில்லை என்பதும் பட்டப் பகலாகக் காணப்படும்.

⁵¹ ஆம், இவை தெய்வங்கள் அல்ல என்பது யாருக்குத்தான் தெளிவாகாது?

⁵² ஒரு நாட்டுக்கு ஒர் அரசனை அவை ஏற்படுத்துகிறதில்லை, மனிதர்களுக்கு மழையைத் தருகிறதுமில்லை.

⁵³ அவை தங்களுக்கே நீதி வழங்க முடியாது@ பலாத்காரத்தினின்று நாடுகளை மீட்கவும் இயலாது@ வானத்துக்கும் பூமிக்கும் இடையில் பறக்கும் காகங்களைப் போல் அவை வல்லமையற்றவை.

⁵⁴ மரம், பொன், வெள்ளி இவற்றால் செய்யப்பட்ட தெய்வங்கள் அமர்ந்திருக்கும் கோயிலில் தீப்பற்றிக் கொண்டால், அவற்றின் பூசாரிகள் தப்பிப் பிழைத்தோடிப் போக, வீட்டின் விட்டங்களைப் போல் அவை சுட்டெரிக்கப்படும்.

⁵⁵ அரசனையோ போரையோ அவற்றால் எதிர்க்க இயலாது. அப்படியிருக்க, அவற்றைத் தெய்வங்கள் என்று எவ்வாறு கருதமுடியும் அல்லது ஏற்றுக்கொள்ள முடியும்?

⁵⁶ மரம், கல், பொன், வெள்ளி இவற்றால் உருவாக்கப்பட்ட இத்தெய்வங்கள் திருடர்களிடமிருந்தோ, கள்ளர்களிடமிருந்தோ தங்களைக் காத்துக் கொள்ள முடியாது.

⁵⁷ வலிமை வாய்ந்த மனிதர்கள், இவை அணிந்திருக்கும் பொன், வெள்ளி அணிகலன்களையும் உடைகளையும் திருடிக் கொண்டு போகும் போது, இவை தங்களைக் காத்துக் கொள்ள இயலாது.

⁵⁸ ஆதலால் இத்தகைய பொய்த் தெய்வங்களாய் இருத்தலை விடத் தன் வல்லமையைக் காட்டுகின்ற ஒர் அரசனாக இருத்தல் மேலானது@ அல்லது தன்னை வைத்திருப்பவனுக்குப் பயன்படுகின்ற ஒரு பாண்டமாய் இருத்தல் மேலானது@ அல்லது வீட்டில் வைத்திருக்கும் பொருட்களைப் பத்திரமாய்க் காக்கும் ஒரு கதவாய் இருத்தல் மேலானது. அரண்மனையில் ஒரு மரத்தூணாய் இருப்பது மேலானது.

⁵⁹ கதிரவன், நிலா, விண்மீன்கள் இவையெல்லாம் ஒளி வீசுகின்றன@ அவை மனிதர்களின் நன்மைக்காக அனுப்பப்பட்டவையாதலால், கடவுளுக்கு அமைந்திருக்கின்றன.

⁶⁰ அவ்வாறே மின்னல்கள் மின்னும் போது தங்கள் மகத்துவத்தைக் காட்டுகின்றன@ காற்றும் நாட்டின் நாலா பக்கங்களிலும் வீசுகிறது.

⁶¹ கடவுள் கட்டளையிடுகிறார். வானத்து மேகங்கள் அந்தக் கட்டளையின்படியே உலகெங்கும் பரவுகின்றன.

⁶² வானத்தினின்று இறங்கும் நெருப்பும் கடவுளின் கட்டளைப்படி மலைகளையும் காடுகளையும் அழிக்கின்றது@ இப்படைப்புப் பொருட்களுக்குள்ள அழகு, ஆற்றல் இத்தெய்வங்களில் எதற்கும் கிடையாது.

⁶³ அவற்றைத் தெய்வங்கள் என்று கருதவோ சொல்லவோ கூடாது@ ஏனெனில் அவற்றால் மனிதருக்கு நீதி வழங்க முடியாது@ நன்மையோ தீமையோ செய்யவும் இயலாது.

⁶⁴ ஆகவே அவை தெய்வங்கள் அல்ல என்று அறிந்திருக்கும் நீங்கள் அவற்றுக்குச் சிறிதும் அஞ்சவேண்டா.

⁶⁵ நாடாளும் மன்னர்களை அவை ஆசீர்வதிக்கிறதுமில்லை, சபிக்கிறதுமில்லை.

⁶⁶ மக்களுக்கு வானத்தில் அருங்குறிகளைக் காட்ட முடியாது. கதிரவனைப் போலச் சுடர் விடுவதுமில்லை@ நிலாவைப் போல் ஒளி வீசுவதுமில்லை.

⁶⁷ அவற்றைவிட மிருகங்கள் எவ்வளவோ மேலானவை@ ஏனெனில் இருப்பிடத்துக்கு ஓடித் தங்களைத் தாங்களே காத்துக் கொள்ளவாவது அவற்றால் இயலுகிறது@

⁶⁸ அவை தெய்வங்கள் என்பதற்கு யாதொரு ஆதாரமும் இல்லை@ ஆகவே அவற்றுக்கு அஞ்ச வேண்டா.

⁶⁹ வெள்ளரித் தோட்டத்துக்குக் காவலாக வைக்கப்படும் பொம்மை எதையும் காவல் காக்காதது போலவே, மரம், பொன், வெள்ளி ஆகியவற்றால் செய்த அந்தத் தெய்வங்களும் இருக்கின்றன.

⁷⁰ மரம், பொன், வெள்ளி இவற்றால் ஆன அத்தெய்வங்கள், வானத்துப் பறவைகள் தங்கி இளைப்பாறும் தோட்டத்து முட்செடிக்கும், காரிருளடர்ந்த ஒரிடத்தில் எறியப்பட்ட பிணத்துக்கும் ஒப்பானவை.

⁷¹ அவற்றைப் போர்த்தியிருக்கும் பட்டுப் பட்டாவளிகள் மக்கிப் போவதிலிருந்தே, அவை தெய்வங்கள் அல்ல என்பது தெளிவாகிறது@ இறுதியில் அவையும் அரித்துத் தின்னப்பட்டு, நாட்டுக்கே நிந்தையாகவும் நகைப்பாகவும் இருக்கும்.

⁷² ஆகவே, சிலைகளை வைத்திராத நீதிமானே மேலானவன்@ ஏனெனில் அவன் நிந்தை அவமானத்திற்கு உள்ளாகமாட்டான்.