கேள்வி எண் 70 - சட்டக்கேள்விகள் 100
70. என் வழக்கில் தற்போது ஆஜராகும் வழக்குரைஞரை மாற்றமுடியுமா?
சார், நான் என்னுடைய சொத்து சம்பந்தமான ஒரு வழக்கு தொடுக்க, என்னுடைய நண்பருக்கு தெரிந்த ஒரு வழக்குரைஞரை அணுகி, அதற்கான வேலை நடந்து கொண்டிருக்கிறது. வழக்கும் நீதிமன்றத்தில் பதிவு செய்யப்பட்டுள்ளது. தற்போது எனது நண்பருக்கும் எனக்கும் சில காரணங்களால் சரியான பேச்சுவார்த்தை கிடையாது. அதனால் தற்போது என்னுடைய மனைவிக்கு தெரிந்த ஒரு வழக்குரைஞரிடம் என்னுடைய வழக்கை கொடுக்கலாம் என்று நினைக்கிறேன். என் நண்பரின் தூண்டுதலின் பேரில் வழக்கை வழக்குரைஞர் சரியாக நடத்தாமல் போய் விடுவாரோ என்று எனக்கு அச்சமாக உள்ளது. அதனால் நான் வழக்குரைஞரை மாற்றிக்கொள்ள முடியுமா? அதற்கு நான் என்ன செய்ய வேண்டும்?
- J.சுப்பையா, மதுரை
பதில் :
பொதுவாக நீங்கள் ஒன்று புரிந்து கொள்ள வேண்டும். வழக்குரைஞர்கள் எவ்வித தூண்டுதலுக்கும் அப்பாற்பட்டவர்கள். அவர்கள் தங்களுடைய கட்சிக்காரர்களுக்கு மட்டுமே உண்மையாக இருக்க நினைப்பவர்கள். எங்காவது ஒன்றிரண்டு வித்தியாசமாக இருக்கலாம். அதற்காக அனைத்து வழக்குரைஞரையும் சந்தேகித்தல் தவறு. இருப்பினும் உங்கள் எண்ணப்படி வழக்கறிஞரை மாற்றிக்கொள்ள உங்களுக்கு முழு உரிமை உண்டு. அதற்கு முன்னர் நீங்கள் அவர்களிடம் ஒப்புக்கொண்ட வழக்கிற்கான செலவினங்களை கொடுத்துவிட வேண்டும், மேலும் வழக்குரைஞரை மாற்றுவதற்கான ஆவணத்தில் (Change of Vakalat) அவரிடம் கையெழுத்து பெற்று அதை உங்களுடைய புதிய வழக்குரைஞரிடம் கொடுப்பதன் மூலம் அவர் உங்கள் வழக்கை தொடர்ந்து நடத்த இயலும்.
தேடல் தொடர்பான தகவல்கள்:
சட்டக்கேள்விகள் 100, 100 Legal Questions, இந்தியச் சட்டம், இந்திய தண்டனைச் சட்டம், Inidan Law, Indian Penal Code, என்னுடைய, வழக்குரைஞரை, வேண்டும், வழக்கை, நான், தற்போது, உங்கள், அதற்கு, நீங்கள், வழக்குரைஞரிடம், தெரிந்த, அதனால், மாற்றிக்கொள்ள