ஐங்குறுநூறு - சங்க காலம்
இந்நூல் 500 குறும்பாடல்களால் ஆனது. ஒவ்வொரு திணைக்கும் நூறு பாடல்கள் உள்ளன. ஒவ்வொன்றையும் ஒவ்வொருவர் பாடியுள்ளனர். ஒவ்வொரு நூறும் பத்துப் பத்துக்களைக் கொண்டுள்ளது. ஒவ்வொரு பத்தும் ஒரு பெயர் பெறுவது சிறப்பு. கருப்பொருள், உரிப்பொருள், பேசும் பாத்திரம், கேட்கும் பாத்திரம் முதலியவற்றுள் ஒன்று அப்பெயர்க்கு அடிப்படையாக அமையும்.
இதற்கும் பாரதம் பாடிய பெருந்தேவனார் கடவுள் வாழ்த்து இயற்றியுள்ளார். இதனைத் தொகுத்தவர் புலத்துறை முற்றிய கூடலூர்கிழார். தொகுப்பித்தவர் யானைக்கண்சேய் மாந்தரஞ்சேரல் இரும்பொறை என்பவர். இதன் 129, 130 ஆம் செய்யுட்கள் கிட்டவில்லை.
இதில் மருதம், நெய்தல், குறிஞ்சி, பாலை, முல்லை என்ற முறையில் திணைகள் கோக்கப்பட்டுள்ளன. இதற்குச் சுருக்கமான பழைய உரை கிடைத்துள்ளது.
இதனை இயற்றியோர் பற்றிய விவரம் வருமாறு:
மருதம் | - ஓரம்போகியார் |
நெய்தல் | - அம்மூவனார் |
குறிஞ்சி | - கபிலர் |
பாலை | - ஓதலாந்தையார் |
முல்லை | - பேயனார் |
இதில் பல புதுமைகள் உண்டு. இதில் தொண்டிப்பத்து என்னும் பகுதி அந்தாதியாகவுள்ளது. மேலும் இயற்கைப்புணர்ச்சி, இடந்தலைப்பாடு, பாங்கற் கூட்டம், பாங்கியர்க் கூட்டம் என்ற கிளவிகளும் தொடர்ச்சியாக உள்ளன. இதில் உள்ளுறையும் இறைச்சியும் மிகுதி. அவ்வாறே புதிய கிளவிகளும் பலவாக அமைந்துள்ளன.
ஒரு குறிப்பிட்ட அரசனை வாழ்த்திப்பாடும் போக்கை
இந்நூலில் மட்டுமே காண முடியும். ‘வாழி ஆதன் வாழி
அவினி!’ என்ற அடி பாடல்தோறும் இடம் பெறலை வேட்கைப்
பத்தில் காண்க.
நாட்டில் பசியும் பிணியும், வறுமையும், அறமற்ற
செயல்களும்
இல்லாது ஒழியவும், அன்பும் அறமும், ஒழுக்கமும், செல்வ
வளமும் பெருகவேண்டும் என வேண்டும் பெண்களை
இந்நூலிலன்றி வேறெதிலும் காண முடியாது.
தன் கணவன் ஊரில், பாலை நிலத்தில் உள்ள கிணற்றடியில்
கிடக்கும் அழுகல் நீர், தன் தாய் வீட்டில் தான் உண்ட
தேன்கலந்த பாலை விட இனிமையாகக் கருதும் பெண்ணைக்
கபிலர் அறிமுகப்படுத்துகின்றார். (203)
ஐங்குறுநூறு - Ainkurunuru - சங்க காலம் - Sangam Period - தமிழ் இலக்கிய நூல்கள் - Tamil Literatures List - தமிழ்நாட்டுத் தகவல்கள் - Tamilnadu Information - ஐங்குறுநூறு, பாலை, இதில், காலம், சங்க, தகவல்கள், தமிழ்நாட்டுத், ஒவ்வொரு, தமிழ், நூல்கள், இலக்கிய, பாத்திரம், மருதம், நெய்தல், கபிலர், | , கிளவிகளும், கூட்டம், முல்லை, குறிஞ்சி, information, tamil, period, sangam, ainkurunuru, literatures, list, அளவாக, பாடல்கள், உள்ள, tamilnadu, அடிகளும்