புறநானூறு - 358. விடாஅள் திருவே!

பாடியவர்: வான்மீகியார்
திணை: காஞ்சி
துறை: மனையறம், துறவறம்

பருதி சூழ்ந்தஇப் பயங்கெழு மாநிலம் ஒருபகல் எழுவர் எய்தி யற்றே; வையமும் தவமும் தூக்கின், தவத்துக்கு ஐயவி யனைத்தும் ஆற்றாது ஆகலின், கைவிட் டனரே காதலர்; அதனால்	5
விட்டோரை விடாஅள், திருவே; விடாஅ தோர்இவள் விடப்பட் டோரே.

உலகை ஆளும் பேற்றினையும், தவத்தினையும் சீர்தூக்கி நிறுத்துப் பார்த்தால் தவத்திற்கு ஆட்சிப் பேறானது கடுகளவு கூட ஈடாகாது. (ஐயவி = வெண்சிறு கடுகு) காரணம், இந்தப் பெருநிலம் ஒரு பகல்-பொழுதில் எழுவர் ஆளுகைக்கு மாறக்கூடியது. அதனால், உலகப் பற்றை விட்டவரைத் திருமகள் கைவிடமாட்டாள். உலகின்மீது பற்றுடையவர்களைத் திருமகள் கைவிட்டுவிடுவாள்