குறுந்தொகை - 23. குறிஞ்சி - தோழி கூற்று
(தலைவியது வேறுபாட்டின் காரணத்தைச் செவிலித் தாய் முதலியோர் நெற்குறி பார்ப்பவளைக் கொண்டு ஆராய்ந்த காலத்தில் தோழி, “தலைவனுக்குரிய மலையை நீ பாடுவாயாக” என்று கூறும் வாயிலாக அத் தலைவியின் வேறுபாடு ஓர் ஆடவனால் உண்டாயிற்று என்பதைப் புலப்படுத்தியது).
| அகவன் மகளே அகவன் மகளே மனவுக்கோப் பன்ன நன்னெடுங் கூந்தல் அகவன் மகளே பாடுக பாட்டே இன்னும் பாடுக பாட்டேஅவர் நன்னெடுங் குன்றம் பாடிய பாட்டே. |
5 |
| - அவ்வையார். |
தெய்வங்களை அழைத்துப் பாடுதலைச் செய்யும் கட்டுவிச்சியே சங்கு மணியினால் ஆகிய கோவையைப் போன்ற வெண்மையாகிய நல்ல நீண்ட கூந்தலை உடைய பாட்டுக்களைப் பாடுவாயாக; இன்னும் பாட்டுப் பாடுக! நீ பாடிய பாட்டுக்களுள் அவருடைய நல்ல நெடிய குன்றத்தைப் புகழ்ந்து பாடிய பாட்டை மீண்டும் பாடுவாயாக.
முடிபு: அகவன் மகளே, பாடுக: இன்னும் பாடுக; குன்றம் பாடிய பாட்டை இன்னும் பாடுக.
கருத்து: இவள்பால் அன்பு பூண்ட தலைவருடைய குன்றத்தைப் பாடின் இவளது வேறுபாடு நீங்கும்.
தேடல் தொடர்பான தகவல்கள்:
குறுந்தொகை - 23. குறிஞ்சி - தோழி கூற்று, பாடுக, அகவன், இன்னும், பாடிய, இலக்கியங்கள், மகளே, தோழி, குறுந்தொகை, கூற்று, குறிஞ்சி, பாட்டை, நல்ல, குன்றத்தைப், பாடுவாயாக, பாட்டே, வேறுபாடு, எட்டுத்தொகை, நன்னெடுங், சங்க, குன்றம்