குறுந்தொகை - 133. குறிஞ்சி - தலைவி கூற்று

புனவன் துடவைப் பொன்போற் சிறுதினை கிளிகுறைத் துண்ட கூழை யிருவி பெரும்பெய லுண்மையி னிலையொலித் தாங்கென் உரஞ் செத்தும் உளெனே தோழியென் நலம்புதி துண்ட புலம்பி னானே.	5
- உறையூர் முதுகண்ணன் சாத்தனார்.

தோழி! குறவனுக்குரிய தோட்டத்தில் விளைந்த பொன்னைப் போன்ற சிறிய தினையினது கதிரை கிளி ஒடித்து உண்ணுதலால் கூழையாகிய தாளில் பெரிய மழை உண்டானமையால் இலை தழைத்தாற் போல தலைவர் எனது பெண்மை நலத்தைப் புதிதுண்டமையால் உண்டாய தனிமை வருத்தத்தோடு எனது வலி அழிந்தும் இன்னும் உயிரோடு இருக்கின்றேன்.

முடிபு: தோழி, புலம்பினான் உரஞ்செத்தும் உளென்.     

கருத்து: தலைவர் அருள் செய்வாரென்று இன்னும் உயிர் தாங்கி நிற்கின்றேன்.