கலித்தொகை - கலித்தொகை - நெய்தற் கலி 122
| 'கோதை ஆயமும் அன்னையும் அறிவுற, போது எழில் உண்கண் புகழ் நலன் இழப்ப, காதல் செய்து அருளாது துறந்தார்மாட்டு, ஏது இன்றி, சிறிய துனித்தனை; துன்னா செய்து அமர்ந்தனை; பலவும் நூறு அடுக்கினை; இனைபு ஏங்கி அழுதனை; | 5 |
|
அலவலை உடையை' என்றி தோழீ! கேள், இனி: மாண் எழில் மாதர் மகளிரோடு அமைந்து, அவன் காணும் பண்பு இலன் ஆதல் அறிவேன்மன்; அறியினும், பேணி அவன் சிறிது அளித்தக்கால், என் | 10 |
|
நாண் இல் நெஞ்சம் நெகிழ்தலும் காண்பல்; இருள் உறழ் இருங் கூந்தல் மகளிரோடு அமைந்து, அவன் தெருளும் பண்பு இலன் ஆதல் அறிவேன்மன்; அறியினும், அருளி அவன் சிறிது அளித்தக்கால், என் மருளி நெஞ்சம் மகிழ்தலும் காண்பல்; | 15 |
|
ஒள் இழை மாதர் மகளிரோடு அமைந்து, அவன் உள்ளும் பண்பு இலன் ஆதல் அறிவேன்மன்; அறியினும், புல்லி அவன் சிறிது அளித்தக்கால், என் அல்லல் நெஞ்சம் மடங்கலும் காண்பல்; அதனால், | 20 |
|
யாம நடு நாள் துயில் கொண்டு ஒளித்த காம நோயின் கழீஇய நெஞ்சம் தான் அவர்பால் பட்டதாயின், நாம் உயிர் வாழ்தலோ நகை நனி உடைத்தே. |
தேடல் தொடர்பான தகவல்கள்:
கலித்தொகை - கலித்தொகை - நெய்தற் கலி 122, அவன், நெஞ்சம், இலக்கியங்கள், ஆதல், இலன், பண்பு, அறிவேன்மன், அறியினும், சிறிது, காண்பல், அளித்தக்கால், அமைந்து, கலித்தொகை, கலித்தொகை, நெய்தற், மகளிரோடு, எட்டுத்தொகை, எழில், மாதர், செய்து, சங்க