பாடல் 170 - புலிப்பாணி ஜோதிடம் 300

சொல்லப்பா செம்பாம்பு கோணம்லாபம் சுயதேச பரதேச அரசர்லாபம் சொல்லப்பா செம்பாம்பு பொல்லாதப்பா சிவசிவா சொர்ணங்கள் மனையும் சிக்கும் இல்லப்பா யிந்திரனார் பதவிகிட்டும் இல்லறத்தில் வல்லனடா குணிதம்பார்ப்பன் புல்லப்பா கருநாகம் கேந்திரங்கள் புனிதமுள்ள செம்பாம்பின் பதியைப்பாரே.

மேலும் ஒன்றினை நீ கூறுவாயாக! செம்பாம்பு எனப் புகலப்படும் கேதுபகவான் 1,5,9 ஆகிய கோண ஸ்தானத்திலும், லாபத்திலும் நிற்க அச்சாதகன் சுயதேச பரதேச வாசம் கொள்வான். அச்செம்பாம்பாகிய கேது மிகவும் பொல்லாதது ஆயினும் அச்சென்மனுக்கு சிவபரம் பொருளின் பேரருட் கருணையினால் தங்க நகைகளும் நன்மனையும் ஏற்படுவதோடு தேவருலகில் இந்திர பதவியும் கிட்டும். இல்லறம் நடத்துவதில் வல்லவன். இவன் சி’றந்த ஜோதிடன் என்று திடமாகக் கூறுக என்று போகர் அருளால் புலிப்பாணி கூறினேன்.