ஜோதிடப் பாடம் – 32 - நீங்களும் ஜோதிடர் ஆகலாம்!
இவர் ஒரு Chartered Accountant. கல்விக்கு அதிபதியாகிய புதன் தன் சொந்த வீட்டில் சூரியனுடன் இருப்பது இவருக்கு ஒரு நல்ல கல்வியைக் கொடுத்துள்ளது. 4-ல் செவ்வாய். பூமிகாரகனாகிய செவ்வாய், ஸ்திர சொத்துக்களைக் குறிக்கும் 4-ம் வீட்டில் இருப்பதால் இவருக்கு சொந்தத்தில் வீடு உள்ளது. 8-ம் வீட்டில் சுக்கிரன். 8-ம் வீடு என்பது இவருடைய வாழ்க்கைத் துணைவியின் தன ஸ்தானம் அல்லவா! மனைவியினுடைய தன ஸ்தானத்தில் சுக்கிரன் இருப்பதால் ஒரு வசதியான வீட்டிலிருந்து ஒரு பெண் மனைவியாக வாய்த்தாள். 10-வது வீட்டின் அதிபதியான புதன் சூரியனுடன் சேர்ந்து இருப்பதால் இவர் தொழிலில் சேரும் போதே ஒரு அதிகாரியாகவே சேர்ந்தார். Sun Gives authority and Power. இதெல்லாம் இவருடைய ஜாதகத்தைப் பற்றிய விளக்கங்கள். இவருக்கு ராகு தசை, செவ்வாய் புக்தி நடந்து கொண்டிருந்த போது இவர் வேலையை இழக்க நேரிட்டது. ராகு 10-ல் இருந்தாலும் 9-ம் வீட்டிற்குடைய சூரியனின் சாரத்தில் அதாவது உத்திர நட்சத்திரத்தில் இருக்கிறார். புக்தி நாதனாகிய செவ்வாய் 5ம் வீட்டிற்கும், 12-ம் வீட்டிற்கும் அதிபதி. ராகு 9-ம் வீட்டுப் பலனையும், செவ்வாய் 5-ம் வீட்டுப் பலனையும் கொடுத்து விட்டார்கள். நாம் மேலே கூறியதுபோல் 9-ம் வீடும், 5-ம் வீடும் செய்கின்ற தொழிலுக்கு எதிர் மறையான பலனைக் கொடுக்கக் கூடிய வீடுகள் அல்லவா? ஆகவே அவர் தன்னுடைய வேலையை இழக்க நேரிட்டது. எப்படி 5-ம் வீடும், 9-ம் வீடும் வேலை செய்கின்றனவென்று பார்த்தீர்களா?
இதைப்போல் பல ஜாதகங்களை நம்மால் உதாரணம் காட்ட முடியும். அவைகளைப் பற்றி விளக்கமாகப் "பலன் சொல்வது எப்படி?" என்று எழுதும் போது உதாரணமாக அளிப்போம். நாம் இப்போது 12- பாவங்களையும் பற்றி விளக்கமாக எழுதி வருகிறோம். இதை முடித்தபின்பு பலன் எப்படிச் சொல்வது என்று எழுதப் போகின்றோம். அப்போது இதைப்போல் பல ஜாதகங்களை விளக்கமாக எடுத்துக் கொண்டு எழுதுவோம். 5-ம் வீடும் 9-ம் வீட்டினுடைய மறு பக்கத்தைத்தான் நாம் மேலே எழுதியுள்ளோம்.
மற்றவைகளை அடுத்த பாடத்தில் பார்ப்போம்.
தேடல் தொடர்பான தகவல்கள்:
ஜோதிடப் பாடம் – 32 - நீங்களும் ஜோதிடர் ஆகலாம்!, செவ்வாய், ஜோதிடப், வீடும், இவருக்கு, இருப்பதால், வீட்டில், நாம், ராகு, ஆகலாம், பாடம், ஜோதிடர், நீங்களும், இவர், ஜோதிடம், இதைப்போல், எப்படி, மேலே, பலனையும், பற்றி, சொல்வது, விளக்கமாக, பலன், ", வீட்டுப், ஜாதகங்களை, இழக்க, சுக்கிரன், இவருடைய, வீடு, பாடங்கள், சூரியனுடன், அல்லவா, புக்தி, நேரிட்டது, புதன், வேலையை, போது, வீட்டிற்கும்