ஜோதிடப் பாடம் – 30 - நீங்களும் ஜோதிடர் ஆகலாம்!
இன்னும் ஒரு ஜாதகத்தைக் குறித்துக் கொள்ளுங்கள்.
ராசி : இலக்கினம் - மகரம்; இலக்கினத்தில் கேது, சந்திரன்; கும்பத்தில் செவ்வாய்; கடகத்தில் சுக்கிரன், ராகு; சிம்மத்தில் சூரியன், புதன்; துலாத்தில் சனி; விருச்சிகத்தில் குரு;
நவாம்சம் : இலக்கினம்-மிதுனம்; இலக்கினத்தில் புதன், சந்திரன்; கன்னியில் சுக்கிரன், கேது; விருச்சிகத்தில் சூரியன்; தனுசில் செவ்வாய், சனி; மகரத்தில் குரு; மீனத்தில் ராகு.
இவர் தொழில் என்னவாக இருக்குமென உங்களால் யூகிக்க முடிகிறதா? 10-ம் வீட்டின் அதிபதி சுக்கிரன்; 10-ம் வீட்டில் சனி; 10-ம் வீட்டிற்குடைய சுக்கிரன் நவாம்சத்தில் கன்னியில்; கன்னிக்கு அதிபதி புதன். ஆக இவருக்கு சுக்கிரன், சனி, புதன் சம்மந்தப்பட்ட தொழில்தான் அமையும். சரி! பலவித சாத்தியக் கூறுகளைப் பார்ப்போம்.
1. சுக்கிரன் காரகம் வகிக்கும் தொழில்களான கலைத் தொழில், வாகனங்கள் சம்மந்தமான தொழில்கள், பெண்கள் உபயோகிக்கும் வாசனைத் திரவியங்கள், ஆகியவற்றில் வேலையில் இருக்கலாம். சுக்கிரன் ஜாதகத்தில் கடகத்தில் ஜலராசியில் இருக்கிறார். சுக்கிரன் வாகனக்களுக்கு அதிபதி; ஜலராசியில் இருப்பதால் ஜலம் சம்மநதப்பட்ட தொழிலில், அதாவது கப்பலில் இருக்கலாம். சுக்கிரன் கால்நடைகளுக்கு அதிபதி. அவர் ஜல ராசியில் இருப்பதால் நீர் சம்மந்தப்பட்ட அதாவது பால் வியாபாரத்தில் இருக்கலாம்.
சுக்கிரன் புதன் நவாம்சத்தில் இருப்பதால் சுக்கிரனும், புதனும் சம்மந்தப்பட்ட தொழிலில் இருக்கலாம். சுக்கிரன் ராசியில் சர ராசியில் இருக்கிறார். சரம் என்றால் நகர்ந்து கொண்டே இருக்க வேண்டுமல்லவா? வாகனங்கள் நகர்ந்து கொண்டே இருப்பன அல்லவா? சுக்கிரன் வாகனத்திற்குக் காரகம் வகிப்பதனாலும், புதன் கணக்கு மற்றும் Accounts களுக்குக் காரகம் வகிப்பதனாலும் இவர் Transport சம்மந்தமான தொழிலில் கணக்கராக இருக்கலாம்.
தேடல் தொடர்பான தகவல்கள்:
ஜோதிடப் பாடம் – 30 - நீங்களும் ஜோதிடர் ஆகலாம்!, சுக்கிரன், புதன், ஜோதிடப், இருக்கலாம், அதிபதி, சம்மந்தப்பட்ட, இருப்பதால், ராசியில், காரகம், தொழிலில், ஜோதிடர், ஆகலாம், ஜோதிடம், நீங்களும், பாடம், வாகனங்கள், சம்மந்தமான, வகிப்பதனாலும், நகர்ந்து, கொண்டே, இருக்கிறார், ஜலராசியில், அதாவது, குரு, சந்திரன், செவ்வாய், கேது, இலக்கினத்தில், பாடங்கள், இலக்கினம், கடகத்தில், ராகு, இவர், தொழில், கன்னியில், விருச்சிகத்தில், சூரியன், நவாம்சத்தில்