ஜோதிடப் பாடம் – 21 - நீங்களும் ஜோதிடர் ஆகலாம்!
Speculation - துறையையும் குறிப்பது இந்த வீடுதான். லாட்டரி, ரேஸ், Cross-word Puzzle போன்றவற்றையும் குறிப்பது இந்த வீடுதான். ஒருவருக்கு லாட்டரியில் பரிசு கிடைக்குமா அல்லது கிடைக்காதா என்றும் இந்த வீட்டைவைத்து அறியலாம். எப்படி? 5-ம் வீட்டதிபர் 2-ம் வீட்டில் இருந்தால் பரிசு கிடைக்கும் எனக் கொள்ளலாம். 2-ம் வீடு தனஸ்தானம் அல்லவா? 2-ம் வீட்டதிபர் 5-ம் வீட்டில் இருந்தாலும் இந்த மாதிரிப் பரிசு கிடைக்கும் எனக் கொள்ளலாம். 5-ம் வீடு 11-ம் வீட்டுடன் சம்மந்தப் பட்டால் பெரும் தொகை கிடைக்க வழியுண்டு. 11-ம் வீடு லாபஸ்தானம் அல்லவா? ஆகையால் பெரும்தொகை கிடைக்க வழியுண்டு. 2-ம் வீட்டுடன் சம்மந்தப் பட்டால் சிறிய தொகைதான் கிடைக்கும். ஏனெனில் 2-ம் வீடு தனவரவைத்தான் காட்டுகிறது. 11-ம் வீடு லாபத்தைக் காட்டுகிறது. 2-ம் வீட்டிற்கும் 11-ம் வீட்டிற்கும் உண்டான வித்தியாசத்தை இப்போது தெரிந்து கொண்டீர்கள் அல்லவா?
ஒருவருடைய புத்திகூர்மையையும் குறிப்பது இந்த வீடுதான். கிரகங்களில் புதனும், வீடுகளில் 5-ம் வீடும் புத்திசாலித்தனத்தையும் குறிக்கிறது. ஒருவர் என்ன தெய்வத்தைத் தொழவேண்டும் என்பதையும் 5-ம் வீட்டை வைத்துக் கூறிவிடலாம். 5-ம் வீட்டில் என்ன கிரகம் இருக்கிறதோ அதை வைத்து நீங்கள் வழிபடவேண்டிய தெய்வத்தைக் கூறவேண்டும். எந்தெந்த கிரகத்திற்கு யார் அதிதேவதை என்று கீழே கொடுத்து இருக்கிறோம்.
கிரகம் | அதிதேவதை |
சூரியன் | சிவன் |
சந்திரன் | பார்வதி |
செவ்வாய் | முருகன் |
புதன் | விஷ்ணு |
குரு | தக்ஷ¢ணாமூர்த்தி |
சுக்கிரன் | லக்ஷ்மி |
சனி | சாஸ்தா |
ராகு | காளி, துர்கை, கருமாரியம்மன் |
கேது | வினாயகர், சண்டிகேஸ்வரர் |
ஒருவருக்கு 5-ம் வீட்டில் கேது இருக்கிறது எனக் கொள்ளுங்கள்;அவர் வினாயகரை உபாசனை செய்ய வேண்டும். செவ்வாய் இருக்குமேயாகில் முருகனை வழிபட வேண்டும். இவ்வாறாக மேற்கூறிய தெய்வங்களை வழிபட வேண்டும். இவ்வாறாக 5-ம் வீட்டைக் கொண்டு ஒருவர் எந்த தெய்வத்தை வழிபட வேண்டும் என்று கூறலாம். மந்திர உச்சாடனம், வேதங்கள், மதநம்பிக்கை, இவற்றையெல்லாம் இந்த வீட்டைக் கொண்டு அறியலாம். கேது ஞானகாரகன். 5-ம் வீட்டுடன் சம்மந்தப் பட்டால் அவருக்கு அவர் மதத்தின்மேல் தீவீர பக்தி இருக்கும். இப்போது 5-ம் வீட்டு அதிபர் ஒவ்வொரு வீட்டிலும் இருந்தால என்ன பலன் என்று அறிவோம்.
தேடல் தொடர்பான தகவல்கள்:
ஜோதிடப் பாடம் – 21 - நீங்களும் ஜோதிடர் ஆகலாம்!, வீடு, ஜோதிடப், வேண்டும், வீட்டில், அல்லவா, எனக், கிடைக்கும், பட்டால், வழிபட, கேது, என்ன, சம்மந்தப், வீட்டுடன், ஆகலாம், பாடம், நீங்களும், ஜோதிடர், குறிப்பது, ஜோதிடம், வீடுதான், பரிசு, அதிதேவதை, கிரகம், செவ்வாய், அவர், இவ்வாறாக, வீட்டைக், கொண்டு, வீட்டிற்கும், பாடங்கள், ஒருவருக்கு, கொள்ளலாம், அறியலாம், கிடைக்க, வழியுண்டு, இப்போது, வீட்டதிபர், காட்டுகிறது, ஒருவர்