141. அயல்நாட்டு வணிகத்தைப் பெருக்க உள்ள அமைப்பு யாது?

நாட்டு வணிகக் கழகம்


142. ஏற்றுமதிகளை ஊக்குவிக்க மேற்கொள்ள பட்டுவரும் வழிகள் யாவை?

1. உற்பத்திச் செலவுகளைக் குறைத்தல்.

2. போக்குவரத்துச் கட்டணத்தைக் குறைத்தல்.

3. ஏற்றுமதிக்குக் கடன் வசதியளித்தல்.

4. கிடங்குகள் அமைத்தல்.

5. வரிச் சலுகைகள் அளித்தல்.


143. எந்நாடுகளுக்கு நம் பொருள்கள் அனுப்பப்படுகின்றன?

அமெரிக்கா, ஜப்பான், பிரிட்டன்.


144. அயல்நாட்டு வணிகம் என்றால் என்ன?

ஒரு நாடு மற்றொரு நாட்டிற்குப் பொருள்களை விற்பதோ அங்கிருந்து பொருள்களை வாங்குவதோ அயல்நாட்டு வணிகம் ஆகும்.


145. அயல்நாட்டு வணிகத்துறையில் இந்தியா எந்த இடத்தில் உள்ளது?

6 ஆம் இடத்தில் உள்ளது.


146. இந்தயாவிலிருந்து ஏற்றுமதியாகும் பொருள்கள் யாவை?

பருத்தித் துணிவகைகள், சணல் பொருள்கள், தேயிலை, காப்பி, ரப்பர், எண்ணெய், தோல் பொருள்கள், சர்க்கரை, புகையிலை முதலியவை. தவிர, எந்திரப் பொருள்களும் கணிசமாக ஏற்றுமதி ஆகின்றன.


6. தொழில்கள்


147. இந்தியாவிலுள்ள முக்கிய மூன்று தொழில்கள் யாவை?

1. சர்க்கரைத் தொழில்

2. உரத்தொழில்

3. இரும்புத் தொழில்.


148. இந்தியாவிலுள்ள சர்க்கரை ஆலைகள் எத்தனை?

300 ஆலைகளுக்கு மேல் உள்ளன.


149. சர்க்கரை எவ்வாறு கணிசமான தொழிலாக உள்ளது?

1. சர்க்கரை உற்பத்தியில் தன்னிறைவு.

2. சர்க்கரையை ஏற்றுமதி செய்வதால் அந்நியச் செலாவணி குறிப்பிடத்தக்க அளவுக்குக் கிடைக்கிறது.


150. போர்த்தளவாட உற்பத்தித் தொழிற்சாலை எங்குள்ளது?

அம்பர் நாத் - மகாராஷ்டிரம்