131. வணிகம் எத்தனை வகைப்படும்?

1. உள்நாட்டு வணிகம்

2. அயல்நாட்டு வணிகம்


132. உள்நாட்டு வணிகம் என்றால் என்ன?

ஒரு பகுதியிலிருந்து பற்றாக்குறை உற்பத்தியுள்ள வேறொரு பகுதிக்குப் பொருள்கள் விற்பதையும் தேவையானவற்றை வாங்குவதையும் உள்நாட்டு வணிகம் என்கிறோம்.


133. ஒர் எடுத்துக்காட்டு தருக.

கங்கைச் சமவெளியிலிருந்து சணல் பொருள்கள் தமிழ் நாட்டுக்கு வருகின்றன. அதே போல் தென்நாட்டிலிருந்து அரிசி, எண்ணெய் வித்துகள், நறுமணப் பொருள்கள் முதலியவை வடநாட்டுக்குச் செல்கின்றன.


134. வணிகச் சமநிலை என்றால் என்ன?

ஒரு நாட்டின் ஏற்றுமதிகளின் மதிப்பீட்டுக்கும் இறக்குமதிகளின் மதிப்பீட்டுக்கும் இடையே உள்ள வேறுபாடு வணிகச் சமநிலை எனப்படும்.


135. இதில் எவை அதிகம் இருக்க வேண்டும்?

ஏற்றுமதிகள்.


136. இந்நிலை நம் நாட்டிற்குச் சாதகமாகி வருகிறதா?

சாதகமாகி வருகிறது.


137. இந்திய ஏற்றுமதியில் எப்பொருள்கள் எவ்வளவு அதிகம்?

வேளாண் பொருள்கள் 70%, அந்நியச் செலாவணியில் பெரும் பகுதி இதன் மூலம் கிடைக்கிறது.


138. இந்திய வேளாண்மையின் சிறப்பியல்புகள் யாவை?

1. பயிரிடப்படும் பயிர்களின் எண்ணிக்கையும் வகைகளும் அதிகம்.

2. பணப்பயிர்களைவிட உணவுப் பயிர்களே அதிகம்.

3. மொத்த வேளாண் பரப்பில் 75% பரப்பில் உணவுப் பயிர்கள் பயிராகின்றன.


139. இறக்குமதியாகும் பொருள்கள் யாவை?

தொழிற்சாலைக்கு இயந்திரங்கள் கருவிகள் இறக்குமதி செய்யப்படுகின்றன. தவிரப் போக்குவரத்துக் கருவிகள், பெட்ரோலியம், தார், வேதிப்பொருள்கள், உரங்கள் முதலியவை இறக்குமதி செய்யப்படுகின்றன.


140. இறக்குமதிகள் செய்யும் நாடுகள் யாவை?

அமெரிக்கா, ஜப்பான், ஈரான், ஈராக், ஜெர்மனி, சோவியத்து ஒன்றியம், சவூதி அரேபியா.