¹ உலகத்தின் தந்தையாய் உருவாக்கப்பட்ட முதல் மனிதன் தனியனாக உண்டாக்கப் பட்டிருந்த போது, ஞானமே அவனைக் காத்து வந்தது.

² அவனைப் பாவத்தினின்று விடுவித்து, அனைத்தையும் அடக்கியாளும் ஆற்றலையும் தந்தது.

³ ஆனால் அநீதன் தன் ஆத்திரத்தில் ஞானத்தை விட்டகன்ற போது, சினமுற்றுத் தன் தம்பியைக் கொன்றதால் அழிந்துபோனான்.

⁴ அவனை முன்னிட்டு மண்ணுலகைப் பெருவெள்ளம் மூழ்கடித்த போது, அற்ப மரத்துண்டால் நீதிமானை நடத்தி மறுபடி காத்ததும் ஞானமே.

⁵ மக்களினங்கள் தீய ஒப்பந்தம் செய்து, குழப்பத்திற்குள்ளான போது, ஞானந்தான் நீதிமானை அறிந்து தேர்ந்தெடுத்து, அவனைக் கடவுள் முன்னிலையில் மாசற்றவனாய்க் காத்து வந்தது@ அவன் பிள்ளைப் பாசத்தை வெல்லும் ஆற்றலையும் அவனுக்களித்தது.

⁶ பொல்லாதவர்கள் அழிந்த போது நீதிமானைக் காப்பாற்றிற்று@ அவனும் ஐம்பெரு நகரங்கள் தீக்கிரையான போது, தப்பியோடிப் பிழைத்துக் கொண்டான்.

⁷ அவர்களுடைய அக்கிரமத்திற்குச் சான்றுகள் இன்னும் உள்ளன: இடைவிடாது புகையெழும்பும் பாழ்வெளி@ கனிந்து பழுக்காத காய்களை மட்டும் தரும் மரங்கள்@ விசுவசியாத ஆன்மாவின் நினைவுச் சின்னமாய் நிற்கும் உப்புத்தூண்.

⁸ ஞானத்தைப் பொருட்படுத்தாமல் விலகிச் சென்றதால், அவர்கள் நன்மையைக் கண்டுணர இயலாமற் போனதோடு, தங்கள் அறியாமையின் சின்னங்களையும் மனுக்குலத்திற்கு விட்டுச் சென்றனர்@ ஆதலால் அவர்களின் தவறுகள் புலப்படாமல் போகமுடியாது.

⁹ தனக்கு ஊழியம் செய்தவர்களை ஞானம் இடையூறுகளினின்று விடுவித்தது.

¹⁰ உடன் பிறந்தவனின் சினத்திற்கு அஞ்சியோடிய நீதிமானை ஞானம் நேர் வழியில் நடத்திச் சென்றது@ கடவுளின் அரசை அவனுக்குக் காண்பித்தது@ பரிசுத்தமானவற்றைப் பற்றிய அறிவைத் தந்தது@ அவனுடைய வேலைகளுக்கு நல்ல பலன்கள் கிடைக்கச் செய்தது@ அவனது உழைப்பின் பயனைப் பன்மடங்காய்ப் பெருக்கிற்று.

¹¹ கொடியவர்கள் அவனை ஒடுக்கிச் சுரண்டப் பார்த்த போது, அவனுக்கு அருகில் துணை நின்று அவனைச் செல்வந்தனாக்கிற்று.

¹² அவனுடைய பகைவர்களிடமிருந்து அவனைப் பாதுகாத்தது@ அவர்கள் வீசிய வலைகளில் சிக்காதபடி அவனைத் தடுத்துக் காத்தது@ மாபெரும் போராட்டத்தில் அவனுக்கு வெற்றி தந்தது@ இவ்வாறு, இறைப்பற்று எல்லாவற்றையும் விட வலிமை மிக்கது என்பதை அவன் அறிந்து கொள்ளச் செய்தது.

¹³ பணத்திற்கு விற்கப்பட்ட நீதிமானை ஞானம் கைவிடவில்லை@ பாவத்தில் விழாமல் அவனைத் தடுத்தாட்கொண்டது. பாதாளச் சிறைக்கு அவனோடு இறங்கிச்சென்றது@

¹⁴ அவன் விலங்கிடப்பட்டிருந்த போது, அவனை விட்டு அகலாமல் இருந்து, அரச செங்கோலை அவனுக்குக் கொண்டு வந்தது@ கொடிய தலைவர்கள்மேல் அதிகாரம் தந்தது@ அவன் மேல் குற்றம் சுமத்தியவர்களைப் பொய்யர்களென எண்பித்தது@ முடிவில்லா மகிமையை அவனுக்குக் கொடுத்தது.

¹⁵ பரிசுத்த மக்களை- மாசற்ற இனத்தாரை ஞானம் கொடிய மக்களினத்தின் கையினின்று விடுவித்தது@

¹⁶ ஆண்டவருடைய ஊழியன் ஒருவனின் உள்ளத்தில் இருந்து கொண்டு அற்புதங்களாலும் அடையாளங்களாலும் கொடிய மன்னரை எதிர்த்து நின்றது:

¹⁷ பரிசுத்தர்களுக்கு அவர்கள் உழைப்புக்குக் கைம்மாறு தந்தது@ வியப்புக்குரிய நெறியில் அவர்களை நடத்திச் சென்றது@ பகல் நேரத்தில் அவர்களுக்குத் தண்ணிழலாகவும், இராவேளையில் விண்மீன் சுடராகவும் இருந்தது.

¹⁸ செங்கடலைக் கடந்து அவர்களைக் கூட்டி வந்தது@ ஆழ்கடல் வழியாய் அவர்களை நடத்தி வந்தது@

¹⁹ அவர்களுடைய பகைவர்களையே கடலில் ஆழ்த்திப் பிறகு கடலின் ஆழத்திலிருந்து வெளியே துப்பிற்று. ஆகையால் நீதிமான்கள் பொல்லாதவர்களின் பொருளை எடுத்துக் கொண்டனர்.

²⁰ அதன்பின், ஆண்டவரே, உமது பரிசுத்த பெயரைப் பாடிப் போற்றினர், வெற்றி பெற்ற உம் கைவன்மையை ஒரு மிக்கப் புகழ்ந்தனர்.

²¹ ஏனெனில் ஊமைகளின் வாயை ஞானம் திறந்து விட்டது@ குழந்தைகளின் நாவுக்குத் தெளிவான பேச்சைத் தந்தது.