¹ வலிமையுள்ளவனோடு நீ வழக்காடாதே@ ஏனென்றால், சிலவேளை அவன் கையில் அகப்பட்டுக் கொள்வாய்.

² செல்வமுள்ளவனோடு வழக்குத் தொடுக்காதே@ ஏனென்றால், சில வேளை அவன் உன் மீது வழக்குத் தொடுப்பான்.

³ ஏனென்றால், பொன்னும் வெள்ளியும் பலரை அழித்தொழித்தன@ அரசரையும் தம் வசமாக்கித் தம் விருப்பப்படி நடத்தின.

⁴ வாயாடியோடு வழக்கிடாதே. அவனிடம் எரிகிற நெருப்பில் இன்னும் எண்ணெய் வார்க்காதே.

⁵ அறிவீனன் உன் கோத்திரத்தை இழிவாய்ப் பேசாதபடிக்கு அவனோடு உறவு கொள்ளாதே.

⁶ பாவத்தை விட்டு வெறுத்து நடக்கும் மனிதனை நீ நிந்தியாதே@ அவனைக் கண்டிக்காதே. ஏனென்றால், நாம் எல்லோருமே தண்டனைக்கு உரியவர்கள் என்று நினைத்துக் கொள்.

⁷ எந்த மனிதனையும் அவன் முதுமையில் புறக்கணிக்காதே@ ஏனென்றால், நம்மைப் போல் இருந்தல்லவோ அவன் முதியவனானான்!

⁸ உன் பகையாளியின் மரணத்தைப்பற்றி மகிழ்ச்சி கொள்ளாதே@ ஏனென்றால், நாம் எல்லோரும் சாவோமென்றும், நமது சாவைப் பற்றிப் பிறர் மகிழ்ச்சி கொள்ள நமக்கு மனம் இராதென்றும் அறிந்து கொள்.

⁹ பெரியோரான ஞானிகள் சொல்லும் காரியங்களை அசட்டை செய்யாதே@ அவர்கள் நீதி மொழிகளின்படியே நடந்துகொள்.

¹⁰ ஏனென்றால், அவர்களிடமிருந்து ஞானத்தையும், அறிவின் நெறியையும், பெரியோருக்கு முறைப்பாடு இல்லாமல் ஊழியம் செய்யும் விதத்தையும் கற்றறிந்து கொள்வாய்.

¹¹ பெரியோர் சொல்வதை அசட்டை செய்யாதே@ ஏனென்றால், அவர்கள் தங்கள் தந்தையரிடம் கற்றறிந்திருக்கின்றார்கள்.

¹² ஆதலால், அவர்களால் நீ அறிவுக் கூர்மை அடைவாய்@ வேண்டும் போது மறுமொழி சொல்லவும் அறிவாய்.

¹³ (அடுப்பில் எரியும் கரிபோலப்) பாவிகளுடைய கோபத்தை எழுப்பாதே@ ஏனென்றால், அவர்கள் பாவத்தின் அக்கிரமம் உன்னைச் சுட்டெரித்து விடும்.

¹⁴ அகந்தையுள்ளவனுடன் பிடிவாதம் கொள்ளாதே@ ஏனென்றால், அவன் உன் வார்த்தைகளைக் கொண்டு உன்மீது குற்றம் சாட்டுவான்.

¹⁵ உன்னிலும் வலியவனுக்குக் கடன்கொடாதே@ கொடுத்திருந்தால், இழந்து போனதென்று எண்ணிக்கொள்.

¹⁶ உன் வலிமைக்கு மிஞ்சி உத்தரவாதி ஆகாதே@ உத்தரவாதியானாலோ நீயே ஈடு செய்ய வேண்டியதென்று எண்ணிக்கொள்.

¹⁷ நீதிபதிக்கு விரோதமாகத் தீர்ப்புச் செய்யாதே@ ஏனென்றால், அவன் நீதிப்படியே தீர்ப்பிடுகின்றான்.

¹⁸ துடுக்குள்ளவனோடு சேர்ந்திராதே@ ஏனென்றால் சில வேளை தன்னால் விளைந்த தீமைகளை உன் மீது சுமத்துவான். ஏனென்றால், அவன் தன் விருப்பப்படி நடக்கிறான்@ நீயும் அவனுடைய மூடத்தனத்தினால் கெடுவாய்.

¹⁹ கோபியோடு சண்டையிடாதே. துடுக்கனோடு தனியிடம் போகாதே. ஏனென்றால், அவனுக்கு முன்பாக இரத்தம் ஒன்றுமல்ல. உனக்கு உதவியில்லாத இடத்தில் உன்னை நசுக்குவான்.

²⁰ பேதைகளிடம் உன் காரியங்களைப் பற்றி யோசனை கேட்காதே@ ஏனென்றால், தங்களுக்கு விருப்பமானதை மட்டும் அவர்கள் விரும்பக் கூடும்.

²¹ அன்னியனுக்கு முன்பாக உன் இரகசியங்களைப் பேசாதே@ ஏனென்றால், அவன் பிறகு என்ன செய்யத் தொடங்குவான் என்று நீ அறியாய்.

²² எல்லாவித மனிதருக்குமே உன் உள்ளத்தை வெளிப்படுத்தாதே@ ஏனென்றால், சில வேளை பொய்யான செயலை உன் மீது சாட்டுவார்கள்@ உன்னைப் பற்றிப் புறணி சொல்வார்கள்.