¹ வான மண்டலம் அதன் உயரத்தில் அழகாய் இருக்கின்றது. மகிமையின் காட்சியில் வானத்தின் அணிகலனாய் இருக்கின்றது.

² கதிரவன் காலையில் தோன்றி நாளை அறிவிக்கின்றது@ உன்னத கடவுளின் அதிசய வேலையாகிய வியத்தகு கருவியாக இருக்கின்றது.

³ அது நண்பகலில் பூமியைச் சுட்டெரிக்கின்றது. அதன் வெப்பத்தின் முன்பாகச் சகித்து நிற்கக் கூடியவன் யார்? அது வெப்பத்தின் தன்மையில் சூளையைப் போல் இருக்கின்றது.

⁴ கதிரவன் மூவிதமாய் மலைகளை எரித்து, நெருப்புக் கதிர்களை வீசி, தன் கதிர்களால் கண்களைக் கூசச் செய்கின்றது.

⁵ அதைப் படைத்த கடவுள் மகத்தானவர். அவர் கட்டளையால் அது பிரயாணத்தைத் தீவிரித்தது.

⁶ வெண்ணிலாவும் எல்லாக் காரியங்களிலும் சமயத்திற்குத் தகுந்த வண்ணம் காலத்தைக் காண்பித்து, ஆண்டின் குறிப்புகளைக் காட்டுகின்றது.

⁷ அதனைக் கொண்டு தான் திருநாட்கள் குறிக்கப்படுகின்றன. அது முடிவில் குறைந்து போகும் விண்மீன்.

⁸ அதன் பெயரைக் கொண்டு தான் மாதம் ஏற்படுகிறது. அது வரவர அதிசயமான விதமாய் வளர்கின்றது@

⁹ வான மண்டலங்களில் படைக்கூடாரம் போலத் தோன்றி, வெகு மகிமையாய் வானத்தில் ஒளிர்கின்றது.

¹⁰ வானத்தின் அழகு விண்மீன்களுடைய மகிமை. ஆண்டவர் வானத்தினின்று மண்ணுலகை ஒளிர்விக்கிறார்.

¹¹ அவை புனிதரின் கட்டளைகளை நிறைவேற்ற நிற்கின்றன@ தங்கள் எச்சரிக்கையில் குன்றிப்போவதில்லை.

¹² வானவில்லைப் பார். அதை உண்டாக்கினவரை வாழ்த்து. அது தன் மாட்சிமையில் வெகு அழகுள்ளதாய் இருக்கின்றது.

¹³ தன் மகிமையின் சுற்றால் வானத்தைச் சுற்றினது. மேலான கடவுளுடைய கைகள் அதைத் திறந்தன.

¹⁴ அவர் தமது கட்டளையால் பனியைத் தீவிரித்து உண்டாக்கினார்@ தமது தீர்மானத்தை நிறைவேற்ற மின்னல்களைத் துரிதப்படுத்தினார்.

¹⁵ ஆதலால், கருவூலங்கள் திறக்கப்பட்டன. பறவைகளைப் போல மேகங்கள் பறந்தன.

¹⁶ அவர் தமது வல்லமையால் மேகங்களைச் சேர்த்தார்@ மலையின் கற்களை உடைத்தார்.

¹⁷ அவர் பார்வைக்கு முன்பாக மலைகள் அதிர்ந்தன. அவருடைய திருவுளத்தால் தென்றல் வீசும்@

¹⁸ இடியின் ஓசை பூமியை அதிரச் செய்யும்@ வாடைப் பெருங்காற்று அடிக்கும்@ நான்கு பக்கத்துக் காற்றும் உண்டாகும். உட்கார இறங்கும் பறவையைப் போலவும்,

¹⁹ தாழ இறங்கி வரும் வெட்டுக்கிளியைப் போலவும் அவர் உறைபனியைத் தெளிக்கிறார்.

²⁰ அதன் வெண்மையின் அழகைக் கண்டு கண் வியப்படையும்@ அதன் மிகுதியைக் கண்டு இதயம் திகைக்கும்.

²¹ அவர் உறைந்த பனியை உப்பைப் போல மண்ணுலகின் மேல் சிந்துகிறார். அது உறைந்த போது கூர்மையுள்ள கற்களைப் போல் ஆகின்றது.

²² வாடை குளிர்ந்த காற்றாய் அடித்தது. தண்ணீர் மேலே பளிங்கு போல் உறைந்தது. அது நீரின் மேல் மிதக்கின்றது@ நீரின் மேல் கேடயத்தைப் போல் ஆகின்றது.

²³ (கதிரவன்) நெருப்பைப் போல மலைகளை விழுங்கும்@ பாலைவனத்தைச் சுட்டெரிக்கும்@ பசுமையை ஒழித்து விடும்.

²⁴ இவைகள் எல்லாம் ஏற்படாதிருக்க மேகங்கள் தீவிரித்து வர வேண்டும். வெப்பத்தைத் தணிக்கும் பனியும் எதிர்த்து வர வேண்டும்.

²⁵ அவர் கட்டளையால் காற்று அமர்ந்தது. அவர் தமது எண்ணத்தால் பாதாளத்தை அமர்த்தினார். ஆண்டவர் அதில் தீவுகளை ஏற்படுத்தினார்.

²⁶ கடல் பயணம் செய்கிறவர்கள் அதன் ஆபத்துக்களைச் சொல்லக் கடவார்கள். நாம் நம்முடைய காதுகளால் கேட்டு வியப்படைவோம்.

²⁷ அவ்விடத்தில் உள்ள மகத்தானவையும் ஆச்சரியத்திற்குரியவையுமான பொருட்களாவன: மிருகங்களின் பல இனங்களும், எல்லாவித மீன்களும், பென்னம் பெரிய மிருகப் படைப்புகளும் உண்டு.

²⁸ அவருடைய கட்டளையால் அவைகளின் முடிவு தீர்மானிக்கப்பட்டது. அவருடைய வார்த்தையால் அனைத்தும் ஒழுங்குபடுத்தப்பட்டது.

²⁹ நாம் எவ்வளவு சொன்னாலும் வார்த்தைகளில் குறைவுபடும். முடிவான வார்த்தை என்னவென்றால், அவர் அனைத்திலும் இருக்கிறார்.

³⁰ அவர் மகிமையை உயர்த்த நம்மால் ஆகுமோ? ஏனென்றால், அவர் தம் படைப்புகளுக்கெல்லாம் மேலாக எல்லா வல்லமையும் உள்ளவராய் இருக்கிறார்.

³¹ பயங்கரத்திற்குரிய ஆண்டவர் மிக மேன்மையுள்ளவர்@ வல்லமையில் அதிசயிக்கத் தக்கவர்.

³² உங்களால் கூடுமான மட்டும் ஆண்டவரை வாழ்த்திய போதிலும், அவர் உங்கள் வாழ்த்துகளுக்கெல்லாம் மேலானவர்@ தமது மகிமையில் ஆச்சரியப்படத் தக்கவர்.

³³ ஆண்டவரை வாழ்த்தி, உங்களால் கூடுமான மட்டும் அவரை உயர்த்துங்கள். அவர் எல்லாப் புகழ்ச்சிக்கும் மேலானவர்.

³⁴ அவரை உயர்த்தி முழுத் திடம்கொள்ளுங்கள்@ சலிக்க வேண்டாம். ஏனென்றால், நீங்கள் அவரைக் கண்டுபிடிக்கப் போவதில்லை.

³⁵ அவரைப் பார்ப்பவன் யார்? அவரது இயல்பை எடுத்துரைப்பவன் யார்? ஆதியில் இருந்தது போல் அவரை மகிமைப்படுத்துபவன் யார்?

³⁶ இவைகளை விடப் பெரிதான இன்னும் பல காரியங்கள் மறைக்கப்பட்டிருக்கின்றன. ஏனென்றால், அவருடைய படைப்புகளில் சிலவற்றை மட்டுமே பார்த்தோம்.

³⁷ அனைத்தையும் ஆண்டவரே படைத்தார். நன்னெறியில் நடக்கிறவர்களுக்கு ஞானத்தைத் தந்தருளினார்.