¹ எவ்வித நண்பனும்: நான் நட்பால் கட்டுண்டேன் என்பான். ஆயினும், நண்பன் பேருக்கு மட்டும் நண்பனாய் இருக்கிறான். இது மரணம் வரையிலும் வருத்தத்திற்குரிய காரியம் அன்றோ?

² அன்றியும், தோழனும் நண்பனும் பகைவர்களாக மாறுகிறார்கள்.

³ ஓ வீணான, வெறுக்கத்தக்க எண்ணமே! நிலத்தை உன் தீய குணத்தாலும் கபடத்தாலும் மூடுவதற்கு எவ்விடத்தினின்று நீ தோன்றினாய்?

⁴ தோழன் நண்பனோடு செல்வத்தில் மகிழ்கிறான். இக்கட்டுக் காலத்திலோ பகைவனாகிறான்.

⁵ வயிற்றைப் பற்றித் தோழன் நண்பனோடு அனுதாபம் கொள்கிறான்@ பகைவனுக்கு விரோதமாய்க் கேடயம் எடுக்கிறான்.

⁶ உன் மனத்தில் உன் நண்பனை மறவாதே@ உன் செல்வத்தில் அவனை நினையாதிராதே.

⁷ உனக்குத் தீங்கு செய்யத் தேடுகிறவனோடு ஆலோசனை செய்யாதே@ உன் மீது பொறாமையுள்ளவர்களிடத்தினின்று உன் கருத்தை மறைத்துக் கொள்.

⁸ அறிவுரையாளர் அனைவரும் அறிவுரை கொடுப்பார்கள்@

⁹ ஆனால், தனக்கே அறிவுரை கொடுத்துக் கொள்பவனிடத்தினின்று உன் ஆன்மாவைக் காத்துக் கொள்@ அவனுக்குத் தேவையானது என்னவென்று முன்பே அறிந்துகொள்@ ஏனென்றால், அவன் தன் நலத்தையே கருதுவான்.

¹⁰ சில வேளை பூமியில் முளையடித்து உனக்குச் சொல்வான்.

¹¹ உன் வழி நல்ல வழி தான் என்று உனக்குச் சொல்லி, அதற்கு விரோதமாய் உனக்கு என்ன நேர்கிறதென்று பார்க்க நின்று கொண்டிருப்பான்.

¹² மறைப்பற்று இல்லாதவனிடம் புனிதத் தன்மையைப் பற்றியும், அநீதனோடு நீதியைப் பற்றியும், பெண்ணிடம் அவள் பொறாமைப்படுகிறவளைப் பற்றியும், கோழையிடம் சண்டையைப் பற்றியும், வியாபாரியிடம் விலைகளைப் பற்றியும், கொள்கிறவனிடம் விற்பனையைப் பற்றியும், பொறாமையுள்ளவனிடம் நன்றியறிதலைப் பற்றியும்,

¹³ பக்தியில்லாதவனிடம் பக்தியைப் பற்றியும், அயோக்கியனிடம் யோக்கியத்தைப் பற்றியும், குடியானவனிடம் அவன் வேலைகளைப் பற்றியும்,

¹⁴ ஆண்டு வேலைக்காரனிடம் ஆண்டு முடிவைப் பற்றியும், சோம்பேறியான ஊழியனிடம் ஓயாத வேலையைப் பற்றியும் பேசு. எல்லா அறிவுரைகளையும் பின்பற்றத் தேவையில்லை.

¹⁵ ஆனால், தெய்வ பயத்தைக் கைக்கொண்டு நடக்கிறானென்று உனக்குத் தெரிந்திருக்கிற புண்ணியவானையும்,

¹⁶ உன் ஆன்மாவிற்குத் தகுந்த ஆன்மா உள்ளவனையும், நீ இருளில் தடுமாறும் போது உன்னுடன் அனுதாபப் படுகிறவனையும் அடிக்கடி கண்டுகொள்.

¹⁷ நல்லெண்ணமுடைய இதயத்தை உன்னிடத்தில் நிலைப்படுத்து@ ஏனென்றால், அதை விட வேறு யாதொன்றும் உனக்கு மிக்க பயனுள்ளதன்று.

¹⁸ பார்வையிடுவதற்கு உயர்ந்த இடத்தில் உட்கார்ந்திருக்கும் ஏழு கண்காணிகளை விடப் புண்ணியவானின் ஆன்மா உண்மையைத் தெளிவாய்த் தெரிவிக்கின்றது.

¹⁹ இவைகளிலெல்லாம் உன்னத கடவுள் உன் வழியை உண்மையில் நடத்தும்படி அவரை மன்றாடு.

²⁰ எல்லாச் செயல்களுக்கும் முன் உண்மையான வார்த்தையையும் உறுதியான எண்ணத்தையும் கொண்டிரு.

²¹ செருக்குள்ள வார்த்தை இதயத்தை மாற்றும். வார்த்தையினின்று நான்கு காரியங்கள் புறப்படுகின்றன: நன்மையும் தீமையும், வாழ்வும் சாவும். இவைகளை எப்போதும் நடத்துவது நாவு தான். ஒருவன் திறமையுள்ளவனாய் இருந்து பலருக்குக் கற்றுக்கொடுக்கிறான்@ தன் ஆன்மாவிற்கோ பயனற்றவனாய் இருக்கிறான்.

²² தேர்ந்தவன் ஒருவன் பலரைக் கற்பித்து வைக்கிறான்@ தன் ஆன்மாவிற்கு இன்பமாய் இருக்கிறான்.

²³ நியாயப் புரட்டாய்ப் பேசுகிறவன் பகைக்கு உரியவன்@ அவன் எந்தக் காரியத்திலும் கைவிடப்படுவான்.

²⁴ ஆண்டவரிடமிருந்து அவனுக்கு வரம் அளிக்கப்படவில்லை. ஏனென்றால், ஞானம் என்பதே அவனிடம் இல்லை.

²⁵ தன் ஆன்மாவிற்கு ஞானமுள்ளவனே உண்மையான ஞானி. அவன் அறிவின் கனி புகழத் தக்கது.

²⁶ ஞானமுள்ளவன் தன் மக்களுக்குப் போதிக்கிறான். அவன் அறிவின் கனிகள் நிலையானவை.

²⁷ ஞானமுள்ளவன் ஆசியால் நிரப்பப்படுவான். பார்க்கிறவர்கள் அவனைப் புகழ்வார்கள்.

²⁸ மனிதன் வாழ்க்கை நாட்களின் எண்ணிக்கையில் அமைந்துள்ளது. இஸ்ராயேலின் நாட்களோ கணக்கில்லாதவை.

²⁹ ஞானமுள்ளவன் குடிகளுக்குள் புகழை உரிமை கொள்வான். அவன் பெயர் நித்தியத்திற்கும் நிலைக்கும்.

³⁰ மகனே, உன் வாழ்நாளில் உன் ஆன்மாவைப் பரிசோதித்துப் பார். தீய குணமுள்ளதாய் இருந்தால், அதற்கு அதிகாரம் கொடாதே.

³¹ ஏனென்றால், அனைத்தும் அனைவர்க்கும் தகுந்தவை அல்ல. எல்லா ஆன்மாக்களுக்கும் எல்லா விதமும் விருப்பப்படா.

³² எல்லா விருந்திலும் ஆவல் கொள்ளாதே. எவ்விதப் பண்டத்தையும் ஆவலாய் உண்ணாதே.

³³ ஏனென்றால், பல பண்டங்களில் நோய் உண்டு. ஆவலோடு உண்பது வயிற்று நோக்காடு வருவிக்கும்.

³⁴ உண்டிப் பிரியத்தால் பலர் மாண்டார்கள். மட்டுணவு கொள்பவனோ வாழ்நாளை அதிகரிப்பான்.