¹ தாழ்ச்சியுள்ளவனுடைய ஞானம் அவனை உயர்த்தும்@ பெரியோர் நடுவில் அவனை உட்காரும்படி செய்யும்.

² எந்த மனிதனையும் அவன் அழகின் பொருட்டுப் புகழாதே. ஒருவனையும் அவன் வடிவைப் பற்றி இகழாதே.

³ பறவைகளில் தேனீ சிறியது. ஆனால், அதன் உழைப்பின் பலன் இனிப்பில் முதன்மையானது.

⁴ உன் உடைமுறையைப் பற்றி பெருமை கொள்ளாதே@ நீ மரியாதையுடன் நடத்தப்படும் போது மகிமை கொள்ளாதே. ஏனென்றால், உன்னத கடவுளின் செயல்கள் மட்டுமே வியப்புக்குரியவைகளும் மகிமை பொருந்தியவைகளும் மறைக்கப்பட்டவைகளும் அறிவுக்கெட்டாதவைகளுமாய் இருக்கின்றன.

⁵ கொடுங்கோலர் பலர் அரியணை ஏறினர். (ஆனால், அவர்களுக்குப் பதிலாய்) எவரும் நினையாத ஒருவன் முடி அணிந்தான்.

⁶ அதிகாரம் உடைய தலைவர்களில் பலர் கொடூரமாய்ச் சிறைப்பட்டார்கள்@ ஆன்றோர் பலர் மற்றவர்கள் கைகளில் காட்டிக் கொடுக்கப்பட்டார்கள்.

⁷ எவனையும் தண்டிப்பதற்கு முன் அவனை விசாரி@ விசாரித்த பிறகு நீதியாய்த் தண்டனை விதி.

⁸ கேட்பதற்கு முன்பே மறுமொழி சொல்லாதே. எவனையும் அவன் பேச்சு நடுவில் தடை செய்யாதே.

⁹ உன்னைச் சாராத காரியத்தைப் பற்றி வாதாடாதே. கெட்டவர்களுடன் நியாயம் தீர்க்க முற்படாதே.

¹⁰ மகனே பற்பல காரியங்களைச் செய்ய முயலாதே@ அப்படிச் செய்தால் குற்றத்திற்குத் தப்பிக் கொள்ள மாட்டாய். நீ பற்பல காரியங்களில் புகுந்தால் அவை உனக்கு வெற்றியைத் தரா@ இவைகளை விட்டு விட்டால் உனக்கு நட்டம் வராமல் இராது.

¹¹ ஒரு மனிதன் வேலை செய்கிறான்@ துரிதப்படுகிறான்@ வெகு துன்பப்படுகிறான். ஆனால், அவ்வளவுக்கு அவன் செல்வனாக மாட்டான்.

¹² மற்றொருவன் பற்பல குறைவுகளால் வருத்தப்பட்டு, உதவியற்றவனாயும் தைரியமில்லாதவனாயும் பரம ஏழையாயும் இருக்கிறான்.

¹³ கடவுளுடைய கண்கள் தயவாய் அவனை நோக்கின@ அவன் தாழ்மையினின்று அவனைத் தூக்கி, அவனை உயர்த்தின. பலர் அவனைப் பற்றி ஆச்சரியம் அடைந்து கடவுளைப் போற்றினார்கள்.

¹⁴ நன்மையும் தீமையும், வாழ்வும் சாவும், வறுமையும் செல்வமும் கடவுளிடமிருந்து உண்டாகின்றன.

¹⁵ ஞானமும் நற்போதகமும், கட்டளைகளின் அறிவும் கடவுளிடமிருந்து வருகின்றன. அன்பும் நற்செயல்களும் அவரிடமிருந்தே உண்டாகின்றன.

¹⁶ தவறும் இருளும் பாவிகளுக்கு ஏற்பட்டன@ ஏனென்றால், பாவத்தில் மகிழ்ச்சி அடைகிறவர்கள் முதுமையிலும் பாவத்திலேயே நிலைகொள்வார்கள்.

¹⁷ கடவுளுடைய அருள் நீதிமான்கள் மேல் நிலைத்திருக்கின்றது. அவருடைய தயவு அதைப் பெருகச் செய்கிறதனால், நீதிமான் நித்திய பேற்றைப் பெறுவான்.

¹⁸ அளவோடு செலவிடுவதனால் செல்வனாகிறவன் உண்டு. அதனால் வரும் பயன் என்னவென்றால்:

¹⁹ நான் இளைப்பாற்றியைக் கண்டடைந்தேன்@ என் சம்பாத்தியத்தைக் கொண்டு நான் மட்டும் சாப்பிடுவேன் என்பான்.

²⁰ ஆனால், காலம் கடந்துபோம் என்றும், மரணம் கிட்டிவரும் என்றும், மற்றவர்களிடம் எல்லாவற்றையும் விட்டுச் சாவேன் என்றும் நினையான்.

²¹ உன் மனவுறுதியில் நிலைத்திரு. அதைப் பற்றியே உரையாடு@ அதைப் பற்றியே உன் உள்ளத்தில் யோசி. உன் முதுமை வரையிலும் உனக்குக் கட்டளையிடப் பட்டவைகளைக் கடைப்பிடி.

²² பாவிகளுடைய செயல்களில் நிலையாதே. கடவுள் மீது உன் நம்பிக்கையை வைத்து, மனவுறுதியில் நிலைத்திரு.

²³ ஏனென்றால், வறியவனை ஒரே நிமிடத்தில் செல்வனாக்குவது கடவுளுக்கு எளிதான காரியமாம்.

²⁴ கடவுள் நீதிமானை ஆசீர்வதித்து, அவனுக்குக் கூடிய விரையில் வெகுமதி அளிப்பார். வெகு விரைவில் அவன் பலனடைவான்.

²⁵ எனக்கு என்ன தேவை? எனக்கு என்ன நன்மைகள் உண்டாகும் என்று சொல்லாதே.

²⁶ எனக்கு இருப்பதே போதுமானது@ இனிமேல் நான் அஞ்சத் தக்கது என்ன என்று சொல்லாதே.

²⁷ உன்னுடைய செல்வாக்கான நாட்களில் நீ வருத்தப்பட்ட நாட்களை மறந்து விடாதே@ உனக்குத் துன்பம் வரும் நாட்களிலும் செல்வாக்கான நாட்களை நினையாமல் இராதே.

²⁸ ஏனென்றால், ஒவ்வொருவனுக்கும் அவன் தன் செய்கைகளுக்குத் தகுந்த வண்ணம் அவன் மரண நாளில் அவனுக்கு வெகுமதி அளிப்பது கடவுளுக்கு எளிதான காரியமாம்.

²⁹ இக்காலத்துத் துன்பம் பழைய, பெரிய, இன்ப அனுபவத்தை மறக்கச் செய்கின்றது. மனிதனுடைய மரண வேளையில் அவன் செயல்கள் யாவும் வெளிப்படுத்தப்படும்.

³⁰ ஒருவன் சாவதற்குமுன் அவனைப் புகழாதே@ ஏனென்றால், தன் பிள்ளைகளால் அவன் அறியப்படுகிறான்.

³¹ எல்லாரையுமே உன் வீட்டிற்குள் அழைத்துப் போகாதே@ ஏனென்றால், கபடனுக்குப் பல தந்திர உபாயங்கள் உண்டு.

³² மிதமிஞ்சிச் சாப்பிட்டவர்களுடைய நெஞ்சினின்று வரும் கெட்ட நாற்றம் போலவும், கவுதாரியை இழுத்துக் கொள்ளும் கண்ணியைப் போலவும், மான்குட்டியை அகப்படுத்திக் கொள்ளும் வலையைப் போலவும் அகந்தை கொண்டவர்களுடைய இதயமும் இருக்கின்றது. தன் அயலானுடைய கேட்டைக் கண்டு ஆராய்கிறவனும் அப்படியே ஆகிறான்.

³³ ஏனென்றால், அவன் நன்மையைத் தீமையாக மாற்றிப் பிறரைக் கெடுக்க வழி தேடுகிறான். சிறந்த செயல்களிலும் குறை காண்கிறான்.

³⁴ ஒரு நெருப்புப் பொறியினின்று பெரும் நெருப்பு உண்டாகும். ஒரு தீநெறியாளனால் இரத்தப்பழி அதிகரிக்கும். பாவியான மனிதன் இரத்தம் சிந்த வைக்கிறதற்கு வழி தேடுகிறான்.

³⁵ கெட்ட குணமுள்ள மனிதனிடம் எச்சரிக்கையாய் இரு. ஏனென்றால், சில வேளை உன் மீது காலமெல்லாம் தொடரும் பொய்யான புறணிகளைச் சுமத்துவான்.

³⁶ அன்னியனுக்கு நீ இடம் கொடுத்தாலோ, அவன் கலகத்தில் உன்னை விழத்தாட்டி, உன் உறவினனுக்கும் உன்னை அன்னியனாக்குவான்.