¹ தமது பேருரையை யோபு தொடர்ந்து ஆற்றினார்.

² அவர் சொன்னதாவது: "எனக்கு நீதிவழங்க மறுத்த உயிருள்ள கடவுள் மேல் ஆணை! என் உள்ளத்தைக் கசப்பாக்கிய எல்லாம் வல்லவர் மேல் ஆணை!

³ எனக்குள் உயிர் ஊசலாடிக் கொண்டிருக்கும் வரை, என் மூக்கில் கடவுளின் மூச்சு இருக்குமளவும்,

⁴ என் உதடுகள் பொய்யுரை பேசமாட்டா, என் நாக்கு வஞ்சகத்தை உரைக்காது.

⁵ நீர் சொல்வது சரியென்று நான் சொல்லவே மாட்டேன், சாகும் வரை என் நேர்மையை நான் விடவே விடேன்.

⁶ என் நேர்மையைப் பற்றிக் கொள்வேன், விடவே மாட்டேன்@ என் வாழ்நாளில் நான் தவறியதாக என் மனம் உறுத்தவே இல்லை.

⁷ என் பகைவன் பொல்லாதவனாய் எண்ணப்படட்டும், எனக்கெதிராய் எழுபவன் நேர்மையற்றவனாய்க் கருதப்படட்டும்.

⁸ ஏனெனில் இறைப்பற்றில்லாதவனைக் கடவுள் அழித்து, அவனுடைய உயிரை வாங்கும் போது, அவனுக்கு இருக்கும் நம்பிக்கை தான் என்ன?

⁹ அவனுக்குத் துன்பம் வரும் போது, அவன் கூக்குரலைக் கடவுள் கேட்பாரா?

¹⁰ எல்லாம் வல்லவரின் அவன் அகமகிழ்வானோ? எக்காலத்திலும் கடவுளைக் கூவியழைப்பானோ?

¹¹ கடவுளின் கைவன்மை பற்றி உங்களுக்குக் கற்பிப்பேன், எல்லாம் வல்லவரின் எண்ணங்களை மறைக்க மாட்டேன்.

¹² இதோ, இவற்றையெல்லாம் நீங்கள் பார்த்திருக்கிறீர்கள்@ பின்னர் ஏன் வீணாக வாதாடுகிறீர்கள்?

¹³ பொல்லாதவனுக்குக் கடவுள் விதிக்கும் பங்கு இதுவே, கொடியவர்களுக்கு எல்லாம் வல்லவர் தரப்போகும் உரிமைச் சொத்து இதுவே:

¹⁴ அவன் மக்கள் பெருகிப் பலுகுவது வாளுக்கு இரையாகும்படியே@ அவனுடைய சந்ததிக்குப் போதிய உணவு கிடைக்காது.

¹⁵ அவர்களில் எஞ்சியிருப்பவர்கள் கொள்ளை நோயால் மடிவர்@ அவர்களுடைய கைம்பெண்கள் புலம்பி அழமாட்டர்கள்.

¹⁶ தூசியைப் போல் வெள்ளியை அவன் சேர்த்து வைத்தாலும், களிமண்ணைக் குவிப்பது போல், உடைகளை அடுக்கி வைத்தாலும்,

¹⁷ அவன் அடுக்கி வைத்தவை அவனல்ல, நீதிமான் ஒருவன் உடுத்திக் கொள்வான், வெள்ளியையோ மாசற்றவர்கள் பிரித்துக்கொள்வர்.

¹⁸ அவன் கட்டுகிற வீடு சிலந்திக்கூடு போன்றது, காவல் காரன் போடும் குடிசைக்குச் சமமானது.

¹⁹ பணக்காரனாக அவன் உறங்கப் போகிறான்@ ஆனால் இனி முடியாது@ அவன் கண்ணைத் திறக்கும் போது, செல்வம் போயிற்றெனக் காண்பான்.

²⁰ திகில்கள் வெள்ளம் போல் அவனை விரட்டிப் பிடிக்கின்றன, இரவில் சுழற்காற்று அவனை வாரிப் போகிறது.

²¹ கீழைக்காற்று அவனைத் தூக்கிச் செல்கிறது, அவனைக் காணோம்@ அவனிடத்திலிருந்தே அவனை அடித்துச் செல்லுகிறது.

²² இரக்கமின்றிக் கடவுள் அவன் மேல் அம்பு எய்கிறார், தலைதெறிக்க அவன் அவர் கையினின்று தப்பியோடுகிறான்.

²³ கை கொட்டி அவர் அவனை ஏளனம் செய்வார், தம் இடத்தினின்றும் அவனைப் பார்த்துச் சீழ்க்கையடிப்பார்.