¹ அக்காலத்தில் அரசனின் அண்ணகரும் அரண்மனைக் காவலருமான பாகத்தா, தாரா என்பவர்களோடு மார்தொக்கே அரண்மனையில் தங்கியிருந்தார்.

² அவர் அவர்களுடைய சதித் திட்டத்தைக் கண்டுபிடித்து, அவர்களுடைய திட்டங்களைக் கவனமாய் ஆராய்ந்து, அவர்கள் அர்தக்சேர்செஸ் அரசன் மேல் கைவைக்க முயல்வதைக் தெளிவாய்க் கண்டறிந்தார். உடனே அதை அரசனுக்குத் தெரிவித்தார்.

³ அவர்கள் இருவரும் விசாரிக்கப்பட்டுத் தங்கள் குற்றத்தை ஒத்துக்கொண்ட பின் அரசன் அவர்களுக்கு மரண தண்டனை விதித்தான்.

⁴ மேலும் அந்த நிகழ்ச்சியை அரசன் வரலாற்று ஏட்டில் குறித்து வைத்துக் கொண்டான். மார்தொக்கேயும் இதைத் தம் குறிப்பேட்டில் எழுதி வைத்துக் கொண்டார்.

⁵ அவர்களுடைய சதித் திட்டத்தை வெளியிட்டதற்காக அரசன் மார்தொக்கேய்க்குப் பரிசுகள் வழங்கியதோடு அவரை அரண்மனையில் தங்கியிருக்கக் கட்டளையிட்டான்.

⁶ பூஜேயனான ஆமாதாத்தின் புதல்வனான ஆமான் அரசனிடம் பெரும் மதிப்புப் பெற்றிருந்தான். இவன் கொலையுண்ட அண்ணகர் இருவரையும் முன்னிட்டு மார்தொக்கேய்க்கும் அவர் மக்களுக்கும் தீங்கு விளைவிக்க மனம் கொண்டிருந்தான்.