கலைக் களஞ்சியம்
முதன்மை பக்கம் » இலக்கியங்கள் » சங்க இலக்கியங்கள் » எட்டுத்தொகை » குறுந்தொகை » 340. நெய்தல் - தலைவி கூற்று
குறுந்தொகை - 340. நெய்தல் - தலைவி கூற்று
(தலைவன் இரவுக்குறிக்கண் வந்து அளவளாவுவானென்று உணர்த்திய தோழியை நோக்கி, “என் நெஞ்சம் அவர் திறத்து யாம் வருந்தும் போதுஉடனிருந்து வருந்தாநின்றது” என்று கூறும் வாயிலாகத் தலைவி இரவுக்குறி வருதலின் ஏதம் கருதித் தான் அஞ்சுதலைக் குறிப்பித்து அதனை மறுத்தது.)
| காமங் கடையிற் காதலர்ப் படர்ந்து நாமவர்ப் புலம்பி னம்மோ டாகி ஒருபாற் படுதல் செல்லா தாயிடை அழுவ நின்ற அலர்வேய் கண்டல் கழிபெயர் மருங்கி னொல்கி யோதம் |
5 |
| பெயர்தரப் பெயர்தந் தாங்கு வருந்துந் தோழியவ ரிருந்தவென் நெஞ்சே. |
|
| - அம்மூவனார். |
முடிபு: தோழி, நெஞ்சு காமம் கடையிற் படர்ந்து, நாம் புலம்பின்நம்மோடு ஆகி, ஒருபாற் படாதாகி வருந்தும்.
கருத்து: தலைவன் இரவுக்குறி வரின் யான் வருந்துவேன்.
| ‹‹ முன்புறம் | 1 | 2 | ... | 338 | 339 | 340 | 341 | 342 | ... | 400 | 401 | தொடர்ச்சி ›› |
தேடல் தொடர்பான தகவல்கள்:
குறுந்தொகை - 340. நெய்தல் - தலைவி கூற்று, இலக்கியங்கள், தலைவி, நெய்தல், குறுந்தொகை, கூற்று, ஒருபாற், படர்ந்து, நாம், கடையிற், தோழி, தலைவன், எட்டுத்தொகை, சங்க, நெஞ்சம், வருந்தும், இரவுக்குறி