கலைக் களஞ்சியம்
முதன்மை பக்கம் » இலக்கியங்கள் » சங்க இலக்கியங்கள் » எட்டுத்தொகை » குறுந்தொகை » 213. பாலை - தோழி கூற்று
குறுந்தொகை - 213. பாலை - தோழி கூற்று
(தலைவனைப் பிரிந்த காலத்து, “நம்பாலுள்ள விருப்பத்தினால்தலைவர் தாம் சென்ற வினையை நிறைவேற்றாமல் வந்து விடுவாரோ?”என்று ஐயுற்ற தலைவியை நோக்கி, “அவர் விலங்கினமும் தமது கடமையைஆற்றும் காட்சி கண்டு தாமும் தம் கடனாற்றத் துணிவராதலின் மீளார்”என்று தோழி கூறியது.)
| நசைநன் குடையர் தோழி ஞெரேரெனக் கவைத்தலை முதுகலை காலின் ஒற்றிப் பசிப்பிணிக் கிறைஞ்சிய பரூஉம்பெருந் ததரல் ஒழியின் உண்டு வழுவி னெஞ்சிற் றெறித்துநடை மரபிற்றன் மறிக்குநிழ லாகி |
5 |
| நின்றுவெயில் கழிக்கு மென்பநம் இன்றுயில் முனிநர் சென்ற வாறே. |
|
| - கச்சிப்பேட்டுக் காஞ்சிக் கொற்றனார். |
முடிபு: தோழி, நசை நன்குடையர், முனிநர், அவர் சென்ற ஆறுகலை வெயில் கழிக்கும் என்ப.
கருத்து: தலைவர் தம் கடமையை உணர்ந்து, மீளாது சென்றுபொருள் தேடி வருவர்.
| ‹‹ முன்புறம் | 1 | 2 | ... | 211 | 212 | 213 | 214 | 215 | ... | 400 | 401 | தொடர்ச்சி ›› |
தேடல் தொடர்பான தகவல்கள்:
குறுந்தொகை - 213. பாலை - தோழி கூற்று, தோழி, இலக்கியங்கள், சென்ற, பாலை, குறுந்தொகை, கூற்று, அவர், தனது, சங்க, எட்டுத்தொகை, முனிநர்